Psalms 6 - Ohiatonhseratokénti

Naterennaient ne Tiakokʼkwatakwen tsi nòkwah ne kanratʼsen

Ne Raterenhnathentsatha: né áhonste né karenshó꞉taron waterenhnót꞉tha. Tsi niʼiotkwáton né Sheminith. Né꞉ne Táwit raorénhna.

¹ O Saiá꞉ner, tó꞉sa takatʼthénen thóh ne sanhakwahtsherákon, tó꞉sa thohʼnónwe sasetʼtakwahríhshi tesateriatitkontserákon.

² Takiténhrat, Saiá꞉ner, asèken iáh tesewakeshaststenhseráien; Sastiewénhtot, Saiá꞉ner, asèken nastsienshón꞉ha tehiowishiónkwah tsi niwát꞉terons.

³ Tiatakwékon kwáh í꞉ken tsi ioteronhienténhni, tsi nikaríhwes ní꞉se Saiá꞉ner—tóh nikaríhwes kí thóh nenhiotónhake?

⁴ Tonsahsaterihwathénien, Saiá꞉ner, saskenónstat sastiatáko né tioríhwah tsi nisarihwatóken.

⁵ Iáh ónhka tahonsaiesehiárake ne iakawenhéion né tsi tionhontsáien né kenhéion ónhka aiekwéni né taiesanonweráton?

⁶ Kwáh í꞉ken tsi Tewakwisenhéion tsi niwakónsehne; iatehiokarahtseráke natkhásehri tehiahonkó꞉tha tsi nihionanawénhstha nakítskare; ioharoshónhnis nakenákte tsi natekaséntʼthos.

⁷ Wakatkároh ne tsi niwakeronhiáken; wakkharatsénhʼen né꞉ne hiónkswens raotiríhwa.

⁸ Éhʼren í꞉sewet ne tiatátʼta, sehwaʼkwé꞉kon né karihwáksen tsi nisewatsiérah. Asèken ne Roiá꞉ner wahothóntene tsi niwakenikonráksens.

⁹ Ne Roiá꞉ner waʼhotón꞉tene tsi nikerihwanékʼkha; ne Roiá꞉ner waʼhaiéhna nakaterénhnaien.

¹⁰ Aiáwenhs Raʼtikwé꞉kon ne iónkswenhs kwáh enhontéhen tánon kwáh í꞉ken tsi enhotiʼterónhne; aiáwenhs tahonsahontkaraténi tánon tahontaiawénhstsi enhonwaʼnatéhate.