Psalms 50 - Ohiatonhseratokénti

Ne Kariwanonhwéhon Nahonteskóntake

Né꞉ne Asaph raorénhna.

¹ Né Roshaststenhserowanenkó꞉wa, Rawenni꞉io rahónha ne Roiá꞉ner í꞉ken, iesakonatónnions niakahontsakeró꞉nons kwáh tsi nentkarahkwínekenʼne noronhkéne tsi tsenskaráhkwenhne nokarasnéha.

² Zion nón꞉we nitewétha, né꞉ne iekaiataiéri ioràse, Né Rawenni꞉io thóh natehoswát꞉te tsi ní꞉ioht ne karákwah.

³ NonkwahNí꞉io tá꞉re tánon iáh sák thihothatónhni, tehiotonkwahnónhiani rahohénton í꞉we, tánon iowerashástste tehioweratáse ne rahiatátʼtonhtse.

⁴ Ne Rawenni꞉io iesakonatónhnions ne tsi karonhiáte tánon ne tsi ionwenhtsáte tahonwakarénhawe, kwáh tsi ní꞉ioht nónkwe tsi tehiontkatónhhnions

⁵ “Rawenni꞉io ráton tsíkes nón꞉we nasehwanitsiokwarórok í꞉se nakonkwetashón꞉has ne sewaʼrihwató꞉ken, ronónha rohnón꞉ni nateriwaʼseronniátshera skát꞉ne ne Rawenni꞉io ó꞉ni iehatítats ne kariwiʼioseokónha!

⁶ Né tsi karonhiá꞉te wenéstha nètho Rawenni꞉io tsi rorihwakwahríshon, kwáh rahonhatsíwa ne Rawenni꞉io tesakoiatorétha nónkwe. Selah

⁷ “Sewaʼtahonsí꞉iost, Ó akonkwetashón꞉ha, tánon kwáh enkatáti, Ó Israel, kwáh enkonhiatanó꞉then. Í꞉i ne Ní꞉io í꞉ken, í꞉i ne Saní꞉io í꞉ken.

⁸ Iáh né꞉ne sarihwiʼiosehokónhas tehiorihwáke tsi konhiatewenhnaiéntons; tsi nisateskóntʼtha tiotkonhónwe teshekhawithénhni.

⁹ Iáh thatiéna tsi niteshésta iáh thatehihiatonhontsóni ne sahtsénen tionhnónskwaron rátsinn ne sanekérike thénteron, khés tsi nitsiateskónhtha ne kaiatákeras ní꞉se satshénens í꞉ken.

¹⁰ Asèken kwáh tsi niateháti ne kontírios ne kará꞉kon rónhnes Í꞉i kíʼ aketsenenhókons í꞉ken, ó꞉ni ne tionhnónskwarons ne tewenhniawehetserásens nikónti kónhnes tsi ionhniarón꞉nions.

¹¹ Kontikwékon nienkheienhtéris notsitenhokónhas, tánon kontikwékon ne kontorhiánerons ne kahentákes tsi ʼI꞉i akitsenenhókons í꞉ken.

¹² “Asèken tó꞉ka akatonhkarhiákseke, iáh kí thakonró꞉ri, asèken ne tsi ionwenhtsáte tánon tsi níkon ne thokáien tsi Í꞉i akáwenk.

¹³ Í꞉kets kén ne tionhnónskwaron rátsinn owáron, khés naknekíra ne kaiatákeras raonekwénhsa?

¹⁴ Ítstats ne Rawenni꞉io ne kariwiʼioseokónhas ne tehionhtenonweratónhkwa, tánon thá꞉tion ne Roshaststenhserowanenkówa akwékon tsi nisararátston.

¹⁵ Iaskenáton nónen énwahwe ne thènen tashahnikonráhren; kwáh kíʼ enkonniákenthe, tánon enstiatanerákwahte.”

¹⁶ Ók ne Rawenni꞉io sakawénhni ne ionkwetatsensʼhokónha: “Káh nitéshas tsi aisaianerenhseraiénthake nasatroriáte natianerénhseras, khés né꞉ne asatrorhiáte nakaterihwasehronniátseras?

¹⁷ Asèken iáh tesenón꞉wes naiesatakwaríhshion, tánon í꞉seh iesá꞉tses nakewenhnahókons.

¹⁸ Nó꞉nen éntsken ne ranénskwas né entsiaterosehrónhnien, tánon ne sehiateroseronhniénhnis ne ratinakwaiésen.

¹⁹ “Tiotkonhónwe satateweienhnenhtáhon ne karihwahetkénsera asthárakwe, ne senhnasáke ne iotsteniáron thikarihónhnis nonówen.

²⁰ Sathateweienhnenhtáhon né thènen ahonthatsérase ne tiatatekénʼha; tseriwattsiénhriase ne sanisténha ronhwaiénha.

²¹ Kíʼ nahorihothénshons tsi thóh nitsatseránion tánon kwáh thatewaʼkatótekwe; séhron kwáh ní꞉i thóh nitsiatóten tsi ní꞉se ní꞉ioht. Ók kíʼ ó꞉nen wakonhiatewenhnaiéntonhwe, tánon sahénton wáʼtien ne saʼnhí꞉tiera.

²² “Sateniéntenst kí꞉ken, eʼthóhne, ní꞉se ne tsisewaʼhiatanikonhrénhʼen ne Rawenni꞉io, tánon kwáh enkwahiataratiónko, tánon iáh ónhka nahonsaiesaniákente.

²³ Tsi thenskenonweráton teskáwis ne kariwiʼioseokónhas ne tahonkerenhsáronkwe; tsi nihiákon ienikónhrahre tsi nihiewehienhnó꞉ten tánon nónka kíʼ ók enhionkewénhnarakwe enhieriwaientérahne nahtienawaʼséhtshera.”