Psalms 46 - Ohiatonhseratokénti

Rawenni꞉io Thanes ne Raonatowá꞉nen O꞉ni ne Rahonkweʼtashón꞉as

Ne Raterenhnathentsatha: tsi niorihwanonwéhon ne Alamoth. Né꞉ne Korahites raotirénhnas.

¹ Rawenni꞉io seh nonkwaʼnhétshera tánon onhkwasháststenhse í꞉ken, tiotkonhónwe rotateweienhnentáhon nahatsniénon nónen thènen tekanikónhrahre.

² Kwáh ká꞉ti iáh thahóten thahionkwáteronhne, iekaníhare ne tahiahontsíshonkwe; né ó꞉ni ne tsi ionontarónhnions niatahonré꞉ni kaniatarakhekó꞉wane;

³ khés ó꞉ni ne kaniatarakhekó꞉wane nahiorakará꞉ke tánon akawástsʼtsake, ó꞉ni ne ionhnontarón꞉nions kwáh í꞉ken tsi tehiotenonhianíton tsi tahiowí꞉sonhkwe. Selah

⁴ Tkaniatáro né tiakówis nonkweshónhas ne Rawenni꞉io raonátakon nahiontonnáren thóh nón꞉we nihanákere ne kwáh tohiathatokénti.

⁵ Né Rawenni꞉io kwáh satekanatíhen nón꞉we nihénteron; tánon kwáh iáh nonwéton tsakonwáʼtonte; Rawenni꞉io kwáh enhahiatakèna nó꞉nen entewénhtenhne noronhkéne.

⁶ Nonkweshón꞉ha iakotsarokwáhton tsi natehiakonikonká꞉rion, tsi kanakerasehrakérons tehiowisónhkwa; ne Rawenni꞉io ne waʼrón꞉niate nahonwaʼwenhnáronhke, ne tsi ionwenhtsáte wakawistanáwenhne.

⁷ Ne Roiá꞉ner Roshaststenhserowánen tewakwékonse; ne Raoní꞉io ne Jacob né nonkwatenhénra í꞉ken. Selah

⁸ Kásehwe sewatkátho tsi nihohiothénhen ne Roiá꞉ner; sewatkátho ne iorihwanerakwahténions tsi nihohiothénʼen nonwenhtsáke.

⁹ Kwáh ohontsakwékon tsi tehatástha naterihiósehra; tehaʼhenhniákons, tánon tehatthokwáhtha ne wasikwahróhare; rattsahátha ne tehioniatasthákwa.

¹⁰ “Thatesatótat, tánon sateriéntarak tsi Í꞉i ne Ní꞉io í꞉ken! Ksenhnowánen tsi nòkwa nonkweshón꞉ha, ionksenhnakaratháton ne tsi ionhwenhtsáte.”

¹¹ Ne Roiá꞉ner Roshaststenhserowánen tewakwékonse; ne Raoní꞉io ne Jacob né nonkwatenhénra í꞉ken. Selah