Biblia Todo Logo
Bìoball air-loidhne

- Sanasan -

Psalms 31 - Ohiatonhseratokénti


Né Naterénhnaient Ne Tiakawetákwen Ne Ni꞉ióʼne
Ne Raterenhnathentsátha. Né꞉ne Táwit raorénhna.

1 Shonháke, Ó Saiá꞉ner, nón꞉we nikèsaks nakataséhthakwe; tó꞉sa nonwénhton takeríhon nahionkatéhate; í꞉se ne sarihwaʼkwahríshion Ní꞉io; tatiatanónstat.

2 Taʼkatewenhnatahón꞉satat; tesasteríhen saskeniákent. ʼI꞉se nakatrenhostákwah kénhak, iothenhenraníron nahonkenónsthate.

3 ʼI꞉se ne katrenhosthákwah tánon kwáh orihwiʼiohónwe akathenhénra í꞉ken; né꞉ne sasénhna aorihwáke tsi tatkénhtens tánon takasáhri,

4 Tó꞉sa takeríhon ne thóh nón꞉we nakatóhetste tsi nón꞉we nihonateristaiénton ne iónkswenhs, asèken í꞉se ne katrenhosthákwah í꞉ken.

5 Sahʼnonstatierákon nón꞉we nakatathíteron; Kwáh kíʼ enstiatanóns꞉thate, Ó Saiá꞉ner, sarihwaʼtóken Ní꞉io.

6 Séhshons tsi nihiákon konwaʼtisénhnaiens ne iáh othènen tehatirihwásthas kahiatonhnishón꞉has, ók thiʼiethákwen ne Roiá꞉ner.

7 Kwáh enwaʼkatʼtsenhnonhníhake tánon enwaʼkatonhnárahke tsioríhwa tsi nihiorihwaʼtóken ne sanoronhkwáhtshera, tsioríhwa tsi sahteriénhtare nakeronhiakénsera; waʼsahtenhnikonráhren tsi natewakanikónhrahre,

8 tánon iáh tieskatiakwahríhshion ronnónhake ne iónkshons; theteskáwi nakathatewenhniʼiósehra né kwák tsikʼnón꞉we niáke tsi nahontakaskáneke.

9 Tasarihwaʼiérik nakonháke, Ó Saiá꞉ner, asèken tewaʼkanikónrahre; waʼkatkáro tsi niwé꞉so wakkhaséntʼtho, kwáh kíʼ waʼtiathenhtáhon.

10 Kwáh kíʼ kathonriótha ne karihónhnis tsi niwaʼkenikonhrák꞉senhs, tánon né tsi tekaséntʼthos tahiónhneke tsi nakonhnhésonhke; iáh teskheshástste né tsi natewakanikónhrahre, iekaníhare nastsienhshón꞉ha hioiesahonhátsie.

11 I꞉i ne kaierón꞉sehra í꞉ken tsi nòkwah ratikwékon né iónkswenhs, kwáh í꞉ken tsi thotinewaʼrahtáni ne teiakwahtenonsanekʼkhánions, Tsi niháti ne hiontienthénri ionkhetiánis; tsi niháti nenhióntken ne tsi tekanatokenhátons enhontèko tsi nón꞉we níkes.

12 Iáh othènen karíhwa tehionkónhnis tsi shí꞉ken ní꞉ioht nahonkihéionke enthóh niwaʼkonhnothénhon tsi ní꞉ioht ne tehiotsetaríhon.

13 Asèken waʼkát꞉thonte iakotsokowáʼnen tehiakotsahonskwáhkare tsi nòkwah ní꞉i katerontserowaʼnen tewaʼkatiatháton! Tsi iathonterihwáʼieste waʼhontenikonhrón꞉ni tsi nahiontiérase, tsi nahontenikonhríhsa nahionkenonwaʼrhiákon.

14 Ók isèke nón꞉we nitewaʼkethákwen, Ó Saiá꞉ner; Ká꞉ton, “I꞉se nakeNí꞉io í꞉ken.”

15 Kwáh akatonnhetserakwékon tsi sahtshanáke nón꞉we nihiothaténhron; tatiatanónstat tsi nòkwah ne iónkswenhs, ó꞉ni ne ionkeronhiakénhtha.

16 Taʼsarihwaiérik nakonháke tsioríhwa tsi í꞉se konhióthenhse; taʼtiatanónstat thó꞉we ne sáwenk iorihwatóken kanoronkwáhtsera.

17 Tó꞉sa taʼkeríhon nahionkatéhate, Ó Saiá꞉ner, asèken í꞉se iekonhnátons; sehríhon ne rotirihwáʼneren nahonwanatéhate; seríhon kwáh sakʼthikénhak tsi ienhónsnente ne Sheol.

18 Sehiárist nètho rotinó꞉wenhs ratikwékon ne ronhthatón꞉ni ó꞉ni ne ronhtatkowánen tsi nikáien ronhtátis nasahkotinontánahke ne tionhkwetaiéris.

19 Ó tsi nikananónkʼkons ne sáhwenk iohiáneres né꞉ne sehiateweienhtónhni kowánen kaiathateríhtsera tsi nihiákon ne teiesarénhsarons; tánon wé꞉so tsi nisehiatiérase tsi niʼiákon nʼisèke néntien nahiontásehte, né꞉ne kwáh onhkwetakwékon enhiontkátho!

20 Né tsi waskwáhere tsi nón꞉we ní꞉ses nenhsehiatásehte tánon ensehnóns꞉thate tsi nòkwah nonkweshón꞉ha tsi nihionteristhakérons; ensehiateweiénton skennenkó꞉wa thenkénhake tsi nón꞉we nisataskwáhere tsi nó꞉kwah ne karihwaʼnón꞉we takarihwakénha awenhnáson.

21 Tehonwaʼnonweráton ne Roiá꞉ner, asèken tsi niʼiorihwaʼnerákwat tsi nihakenoronhkwáhon nó꞉nen thóh shié꞉kes ne kanatowaʼkénke shikonwaʼiénhnen.

22 Wátʼteronskwe tánon waʼnanonhtón꞉hnionwe, “Waʼhakónhnien nahí꞉nonh nió꞉re niáke tsi nón꞉we níres.” Ók wesatʼthónhtene nakaterénhnaien nó꞉nen shonháke iathenkaséntʼtho nastiénawase.

23 Tsi sewaʼnó꞉ronk ne Roiá꞉ner, sewaʼkwékon ne sewaʼrihwatóken tiónkwe. Né Roiá꞉ner tesahkó꞉nes ne iakorihwaʼtóken, ók sahkorehwátha ne ionthatónhni tsi natehiakothénhtion.

24 Sewaʼnikonratshanitónhak, tánon tasewethakwénhak ne sehweriáne, sewaʼkwékon ne et tsi sehwáʼrahre ne Roiá꞉ner.

Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.

The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).

All other text is copyright © Harvey Satewas Gabriel, 2023.

Canadian Bible Society
Lean sinn:



Sanasan