Psalms 25 - Ohiatonhseratokénti

Né Naterénhnaien Nahiontathéntense Tánon Nahontahionthátene

Né꞉ne Táwit raorénhna.

¹ ʼIséke, O Saiá꞉ner, iahák꞉thate nakwahterénhnaien;

² Ó akeNí꞉io, í꞉seke nón꞉we nitewakethákwen; tó꞉sa satʼthóntat nahionkatéhate; tó꞉sa sehríhon ne iónswenhs ne thahiontiéron.

³ Tsi niʼiákon ne tsesehthákwen kwáh kíʼ iáh thahionthatesénhni; né khók tsi niʼiákon ne ratihiataʼstó꞉re naiesarihwá꞉kwaʼse.

⁴ Takónhnien nahonkateriéntarahne ne saweiénhnas, Ó Saiá꞉ner; takerihón꞉nien nakathénhti ne tsi iohátes nenskenatónhase.

⁵ Tatʼkéntes thóh nónh ne sarihwatokentitserákon, tánon takerihónhnien, asèken í꞉se ne ní꞉io í꞉ken natiatakenatiéra; asèken í꞉se kónrahre ne tsi niwenhnísehres.

⁶ Sehiárak tsi nisatanithénhron, Ó Saiá꞉ner, tánon tsi niorihwató꞉ken ne sanoronkwáhtsera, né tsi nisehnéston ne waʼhón꞉nihse thènnen.

⁷ Saskenikónhrens nakerihwanerahák꞉tsera ne sitewatiónha ó꞉ni tsi naʼtewakaterientawén꞉rie; né entsoianénhawe ne sáwenk iorihwatóken kanoronhkwáhtsera tsi takehiárak, asèken né tsi nisahiánere aoríhwa, Ó Saiá꞉ner!

⁸ Tsoríhwa ne Roiá꞉ner tsi rorihwakwahríshion tánon roiánere, sakorihonhniénhnis ne iakorihwáneren né꞉ne tsi iohá꞉te ne tkarihwaiéri nón꞉we nahionthahí꞉tha.

⁹ Sakohéntenhse né tá꞉ke ionhtatónhnis tsi nón꞉we ne nahó꞉ten tkarihwaiéri, tánon sakorihonhniénhnis ne tá꞉ke ionthatónhnis né raohá꞉a.

¹⁰ Akwé꞉kon ne tsi roháte ne Roiá꞉ner tsi iorihwató꞉ken ne kanoronkwáhtsera í꞉ken tánon oriwiʼiohónwe í꞉ken, né tsi nihiákon enhionteweiénton ne raoterihwasehronniátsera ó꞉ni ne raoianerénhseras.

¹¹ Asèken sahsénhna aoriwá꞉ke, O Saiá꞉ner, saskenikónrenhs tsi niwakeníkon, asèken tehiotenonʼianíton tsi ní꞉ioht.

¹² Ónka nenhné꞉e ne ronhwatsánis ne Roiá꞉ner? Kwáh kíʼ ensakorihónhnien tsi ní꞉ioht tsi ahontateráhkwahse.

¹³ Né Roiá꞉ner tiotʼkonhónwe tsi ensahkohiataterístonke ioiánere tsi aʼhonnónnheke, tánon ne sakotiʼiohokónhas enhonhnonhontsaiénthake.

¹⁴ Nahonwaʼterosehrónhnien ne Roiá꞉ner né꞉ne tsi nihiákon ne ronwaʼtsánis, tánon sakawenesténhnis ne raoterihwaseronniátsera.

¹⁵ Tiotkonhónwe Roiá꞉ner iatehikánere, asèken kwáh ensahkeniakéntha tsi nón꞉we né iótʼteron.

¹⁶ Tsi khés nontasahtiérat tánon takithénhrat, asèken akonhatsíwak í꞉ken tánon hionkeronhiakéntha.

¹⁷ Ehʼtàke hionsásaf tsi niwaʼkaterhiá꞉sho ne tsi só꞉tsi natewaʼkanikónhrare, tánon sastsiatotarísi tsi niwaʼkenikonhraronhiáken.

¹⁸ Sathenhnikonhrá꞉ren nakenikonratsénhtshera tánon nakenikonhraronhiakénsera, tánon saskenikónhrens akwé꞉kon nakeriwaʼnerahák꞉tsheras.

¹⁹ Sathenhnikonhrá꞉ren tsi nihonatiókwah ne iónkswenhs; thóh nió꞉re tsi iónkswenhs enhatikwéni nahionkenonwaʼrhiákhon.

²⁰ Ó sathenhnikonhrá꞉ren ne tsi kónnhe, tánon thatiatanónstat; tó꞉sa takeríhon nahionkatehate, asèken í꞉seke nón꞉we niwakatekwáhsen.

²¹ Kerihwaʼnón꞉tha nètho kaianerensthátshera tánon ne ioterihwaʼkwahríshion nahontsatanóns꞉thate, asèken í꞉se kónhrare.

²² Sasehniákent ne Israel, O Ní꞉io, tiákenf akwé꞉kon nahonikonhratsénhtsera.