Psalms 24 - Ohiatonhseratokénti

Né Korakówa

Né꞉ne Táwit raorénhna.

¹ Né tsi ionwenhtsáte Roiá꞉ner sèh raówenk tánon akwé꞉kon tsi nahoténhsons né thóh í꞉wa, tsi ionwenhtsáte, tánon tsi niʼiákon né nón꞉we niʼienákere;

² asèken kaniatarakhekówane nón꞉we nihahontiónhni, tánon rorihwaʼniráhton ne tsi kaniataré꞉nions.

³ Ónhka iakoianerenhseráien niaienón꞉tarahne tsi rotenonhtáhere ne Roiá꞉ner? Tánon ónhka taiétahne ne raotenatatokentíke?

⁴ Né꞉ne tsi nihiákon ne ieweʼienhní꞉io tánon ienikonhrí꞉hio, tsi nihiákon ne iáh kahiatónhni tekonwaʼthisénhnaiens khés ne noʼnhówenhs í꞉ken tsi nihionrahrátstha.

⁵ Enhatiʼiéna ne kaiatateríhtsera ne Roiá꞉ner nón꞉we nénhtewe, Rawenni꞉io kwáh ensakawenésthen tsi iáh tehotiníkon.

⁶ Kén ní꞉ioht tsi ratiʼnekwenhsathátie tsi niháti ne ronwaʼhiatísaks ne Rawenni꞉io, né ronnésaks tsi rakonsónhte ne Raoní꞉io ne Jacob. Selah

⁷ Sewaʼthenhenrakétsko, Ó iotenhenrenhtón꞉hnions! Tánon sewaʼharahthatónhak, Ó ionohakahiónsons! Nètho ronhnontí꞉io ne roiataneráhkwat ahónton ahontahatáwehiaʼte.

⁸ Ónhka nenhné꞉e ne Ronhnontí꞉io ne roiatanerákwat í꞉ken? Né꞉ne Roiá꞉ner, rashástste tánon roshaststenhseroʼwánen, ne Roiá꞉ner, tehotenonhianíton nateriʼioseráke.

⁹ Sewathenhenrakétsko, Ó iotenhenrenhtón꞉nions! Tánon sewaʼharathatónhak, Ó ionohakahiónsons! Nètho Ronhnontí꞉io ne rohiatanerákwat ahón꞉ton ahontahatáwehiaʼte.

¹⁰ Ónhka nenhné꞉e kí꞉ken Ronnontí꞉io ne rohiatanerákwat? Né꞉ne Roiá꞉ner ne roshaststenhserowanenʼkówa, rahónha ne Ronnontí꞉io í꞉ken né꞉ne rohiatanerákwat. Selah