Psalms 146 - Ohiatonhseratokénti

Tehiontenonwerá꞉ton Ne Rawenni꞉io Raoienawashétshera

¹ Tetsenonweráton ne Roiá꞉ner! Tetsenonweráton ne Roiá꞉ner, Ó akatónnhets!

² Kwáh thenhinonweratónhsehke ne Roiá꞉ner kwáh tsi nikaríhwes enkónnheke; Kwáh thenhirihwákwaʼse ne kanonweratónhtsheras nakeNí꞉io kwáh tsi nikaríhwes enkónnheke.

³ Tó꞉sa ne seniahesénhak nonkweshón꞉has sakotihénthense; nonkweshón꞉has, ne rononháke iáh né thènen tekáien ne kaiatakenátsera.

⁴ Nó꞉nen enhontonhniserók꞉then, ohontsáke nieshonnètha; kwáh thóh wenhniseráte tsi nihonatenikonhrón꞉ni enwáton.

⁵ Iakotáskats tsi niʼiákon nenhsakoiénawaʼse né꞉ne Raoní꞉io Jacob, thóh nón꞉we nihonaskanektseráien rahonháke ne Roiá꞉ner raotiní꞉io í꞉ken,

⁶ tsi nikáien ró꞉son ne tsi karonhiáte ó꞉ni tsi ionhontsáte, ne kaniatarakekó꞉wa, tánon tsi nahoténhsons né thóh nón꞉we nikónhnes; rahónha ranikonhrará꞉tses ne tewetákwen tsi nénhwe enkénhake;

⁷ rahónha tesakówis ne karihwakwarihshión꞉tshera ne ionhtateronhiakéntha; rahónha sakonóntens ne ionhtonhkáriaks. Ne Roiá꞉ner sesakothatewenhniʼioseráwis ne ratinótons;

⁸ ne Roiá꞉ner tesesakokakwaríshions ne teieronhwèkon. Ne Roiá꞉ner sesakoiatakwahríshions ne teiakonowiʼiákon; ne Roiá꞉ner sakonorónhkwah ne iakorihwakwahríshion.

⁹ Ne Roiá꞉ner sakonikonrarátses ne tíʼiete; sakoiénawase ne tehiontonhnakárias tánon ne ionateréhons, ók tsi nihatiʼweienótens ne ionkwetahétkens sakorihwathóntha nénhe.

¹⁰ Ne Roiá꞉ner tsi nénhwe tsi enononhtí꞉ioke, né꞉ne saní꞉io, Ó Zion, né꞉ne tsi waswatsiʼratátse nió꞉re. Tehonwanonhweráton ne Roiá꞉ner!