Psalms 133 - Ohiatonhseratokénti

Kaiatateritserénhawe ne Sakarí꞉wa Iʼken

Né꞉ne karénhna ne ienonhtarástha.

¹ Tsi niʼioiánere tánon ionwé꞉sen nó꞉nen ne tehiontenhnóntere skát꞉ne ratiréron skanikonra ronhnónhni!

² Thóh ní꞉ioht kwáh né꞉ne wenhienanóron ionhtenontsistokástha, iatewatnáwihte okonstónhrahke, né꞉ne Aaron tsi teokonstónhronhte, tehiotnawíhton éhʼneken tsi tekaniasáhere ne raotsátawi wakóses.

³ Kwáh né꞉ne tsi hioáweien tsi ionónte ne Hermon, thóh iehiosénhen tsi ionhniáhere ne Zion. Asèken thóh nón꞉we ne Roiá꞉ner nihorihwaniráton ne raoiatateríhtsera, ne natónnets ne ionhnehónwe.