Psalms 127 - Ohiatonhseratokénti

Rawenni꞉io Raiataterístha ne tsi Kanónhshote

Né꞉ne Solomon raorénhna ne ienonhtarástha.

¹ Tó꞉ka iáh Roiá꞉ner iáh tehanonhsónhniaʼne, tsi niháti rotiʼnonhsónhni tsi rotihiothénhen iáh othènen satekenatéken. Tó꞉ka iáh Roiá꞉ner tehanikónhrahre ne kanatowáne, né ratiʼnatanónhne iáh kí othènen tehatiriwástha.

² Iáh othènen tekariwástha noronhkéstsi asatkétsko tánon karíwes niahisénhtaʼwe nokarasné꞉ha tsi tesatskáhon ne tesatatenikónhraʼre nahisahióthen; asèken ne Roiá꞉ner sakoiéritʼtse ne sakonorónhkwa tsi nikaríhwes rotí꞉tas.

³ Tsi iakonekenteronhtseraientáhon Roiá꞉ner nónh꞉we nitsawénon, né꞉ne tsi nahó꞉ten iotonnhéton ne tsi watewirahrá꞉kwah né teiakoterihwasehrákwahse.

⁴ Kwáh né꞉ne kaiénkwire ne rotsakwenónhni ne raterí꞉ios né raonekenterónhtsera ne kenhnithohiónha.

⁵ Rotáskats ne rónhkwe ne titká꞉here ne tsi rahienkwirahrá꞉kwah. Iáh tahonwatéhaʼte nó꞉nen thenhatithá꞉ren ne ronhwásons ne tsi iothenhenrakáronhte.