Psalms 121 - Ohiatonhseratokénti

Noriwiiohón꞉we ne Rawenni꞉io Teshakó꞉nes

Né꞉ne karénhna ne ienonhtarástha.

¹ Iatʼkatkáneren ne tsi tsiononhtarónhnions, thóh nónh꞉we natsiatakenátshera nénhteʼwe?

² Natsatakenáhtshera Roiá꞉ner nónh꞉we nénhtewe, rahónha róhshon ne tsi karonhiáte ó꞉ni ne tsi ionhontsáte.

³ Iáh thahatʼtónhtate ne thènnenh tahontʼniotáko, tsi nikáien rakenikónhrahre iáh tehó꞉tas.

⁴ Ne tesakónes Israerʼró꞉nons kwáh iáh tehosehrènhtaras tánon iáh nonhwénton tsahótaʼwe.

⁵ Roiá꞉ner seh ne ianonhnáhtses; ne Roiá꞉ner tsaták꞉ta í꞉rahte ne nahontahiáʼne.

⁶ Né tsi niwenhníseres nó꞉nenh kwáh iohrahkwataríhen iáh kí tahisarahkhoktserárahne, tánon nahsontthenhne karahkwah iáh othènen tahí꞉sakaronhniate.

⁷ Ne Roiá꞉ner kwáh kí enhiaiatanónhstate tsi nòkwah norihwahkwékon karihwahétkens í꞉ken, kwáh kí enhanónsthate ne tsi sónnhe.

⁸ Né Roiá꞉ner kwáh kí enhiaiatanónstate nó꞉nenh kénhen ienshaténhti tánon tsi nathentéseh kénʼen ienhwatásahwen tánon tsi nénhwe enkénhake.