Psalms 114 - Ohiatonhseratokénti

Rawenni꞉io Raoriwanerakwahthátshera tsi Tethoti꞉iakenʼen

¹ Nó꞉nen nʼIsraerʼró꞉nons satonthahatiʼiákenhne ne Egypt, nó꞉nen ne Jacob raowáʼtsire satonhtahonthénhni né nón꞉we thiʼhionhontsáteʼkwe,

² né Judah né waʼhónton ne Roiá꞉ner rotihiatatokénti rahonkwetaʼshón꞉has, né Israel ne iahónton ne kwáh rahónha raowenhkʼhónwe í꞉ken.

³ Né Rawenni꞉io kaniatarakhekówaʼne niaháre; né Jordan oʼnàken waʼhé꞉te.

⁴ Né tsi ionontarón꞉nions tewanitionkwahkwánions tsi ní꞉ioht ne teiotinakaronhtónha rathítsinn ne ionhniarónhnions tsi né ní꞉ioht ne teiotinakarontónhas owirashónhas.

⁵ Onhnontiéren, Ó kaniatarakhekówa, tsi waʼsatèko? Ó Jordan, tsi onàken wáʼsehte?

⁶ Ó iohnontarón꞉nions, tsi waʼtesanitionkwahkwáhnion tsi ní꞉ioht ne teiotinakaronhtónhas rathítsinn? Ó ionhniarónhnions, tsi ní꞉ioht ne teiotinakarontónhas owirashónhas?

⁷ Tesawí꞉sont, Ó ionhontsáte, tsi nenhatotháshi ne Roiá꞉ner, tsi nenhatotháshi ne Raoní꞉io ne Jacob,

⁸ ne rahónha ne ronhniátha nosthénhras onékanos ahónton, nosthenhróskon watʼnawíne onékanos iewáʼtons.