Psalms 111 - Ohiatonhseratokénti

Teiontenonweráton Ne Rawenni꞉io Tsi Niʼiorihwanerákwat Ne Raohiothénseras

¹ Tehonwanonwerá꞉ton ne Roiá꞉ner! Kwáh keriasakwékon tsi tenhinonhweráton ne Roiá꞉ner, raotiʼtiókwahkon ne tonhnonkwetaiéris, thóh tsi nón꞉we nihonatkenhníson.

² Tsi nihiorihowánens ne raoiothénhseras ne Roiá꞉ner, akwékon iakoteweiénston tsi niʼiákon ierihwaʼnorón꞉kwa.

³ Kaná꞉non ne kakweniensthátshera tánon ioráse ne raohiothénsera, tánon ne raorihwakwahrishión꞉tsheras tenkawishástsʼteke tsi nénhwe enkénhake.

⁴ Né rahonhniáton ne iorihwanerakwathénions raoiothénseras nahiakehiáraʼke; ne Roiá꞉ner thorihwaʼiéri tánon rotanithenráts꞉kon.

⁵ Kákhwa tesakokʼkawénhnis tsi nihiákon ronwaʼrihwaʼkweniénstha; kwáh kíʼ rèhiare ne raoterihwaʼseronniátshera.

⁶ Sakonatónhni ne rahonkwetaʼshón꞉has tsi nikashástste ne raohiothénsersas, tsi né sakahontsáwi nakóren raononhontsakénʼen.

⁷ Akwékon tsi nihaiéra iorihwaʼtóken tánon tkarihwaʼiéri í꞉ken; akwékon tsi nihotsawénhron enhiekwéni nahontaiakétaʼkwe.

⁸ Né raowenhnashónhas tsi nénhwe enkátake, tsi nitewatkáwen né꞉ne karihwaʼtokentítshera tánon karihwaʼkwahrihshión꞉tshera í꞉ken.

⁹ Thesakoteniéthenhni ne raotihiatakenhá꞉tshera ne rahonkwetaʼshón꞉has; né꞉ne tsi nénhwe enkénhake tsi ró꞉shon ne raoterihwaʼseronniátshera. Iotokénti tánon kwáh í꞉ken tsi iorá꞉se ne raosénhna.

¹⁰ Nón꞉kwe nenhonwaʼkwénienste ne Roiá꞉ner né꞉ne tsotasawáʼkwen nahiontenikonratʼtókhaʼne; nakwékon ne thóh nenhiéhiere kwáh ioiánere tsi iakonikonhraiéntas. Kwáh kíʼ ioterihwí꞉son ne tiókonte tahonwaʼnonhweratónsheʼke.