Psalms 11 - Ohiatonhseratokénti

Karenna ne Ieniahesen Rahonháke Rawenni꞉io

Ne Raterenhnathentsatha. Né꞉ne Táwit raorénhna.

¹ Rahonháke ne Roiá꞉ner nónhwe niwaʼkatekwáhsen; onhní꞉ioht tsi askwéni naskénhase, “Hionsahsatekwáhsen ne tsi tiononténion tsi ní꞉ioht notsiténha ká꞉tie!

² Asèken satkátho, ne ronhnonkwetahétken waʼthatisákete ne raonahénhna, wáʼhonste ne raotiʼiénhkwire ne tsi waʼsehrihietotáron, né nasakonarón꞉thate tsi tetsiókaras ne iakoiánere.

³ Nó꞉nenh ne tsitkenskwáhere enkarihwénhtonhke; onhnenhatí꞉iere ne rotiʼiánere?”

⁴ Ne Roiá꞉ner rénhteron ne raononsatokentiʼkówane; ne Roiá꞉ner raonitskwáhra karonhiáke tkáien. Kwáh teshakokarenháwis, tánon né rakárake sakokenhenhiónhnions nonkweshón꞉ha.

⁵ Ne Roiá꞉ner sakorihwaniráti ne tionkwetaiéri, ók sakósons ne ronhnonkwetahétkens né꞉ne ratinóronhkwe ne iáh kaiáneren te꞉ken.

⁶ Aiáwenhs né Roiá꞉ner asakokenhnóreste né ronhnonkwetahétkens né nótsire tánon iontenatentástha í꞉ken. Né꞉ne iotsiatátsahat nowé꞉ron né teonathéntion nahatiʼiéna.

⁷ Asèken ne Roiá꞉ner roiánere nenhné꞉e; né tesakorihwaserakwénhnis ne kaiáneren kahioténhseras; tsi tionkwetaiéri enhierihwaiénterane tsi niotenorónston.