Psalms 100 - OhiatonhseratokéntiOʼhontsakwé꞉kon iahontatinónhke ne tahonwanonhwerá꞉ton Rawenni꞉io Né꞉ne karén꞉na ne tehionʼtenonhwerahthonkwátha. 1 Thetsisehwarihwáhkwas ne Roiá꞉ner, kwáh onhwenhtsiaʼkwékon! 2 Ahtonhnaratserákon tsisewaʼsénnaien ne Roiá꞉ner; tesewaʼrihwahkwenhátiek ne natʼtsenhnonhniátsera tsi raohénton nienhésewe. 3 Sehrihwanírat nètho Roiá꞉ner rahónha ne Rawenni꞉io í꞉ken. Kwáh rahónha sonkwahiatíshon, tánon rahónha shonkwaienhokónha; tánon né꞉ne tiónkwe ne teshonkwariwásnieʼse. 4 Tehshatenonhweráhthon tsi iensatawehiatánion ne tsi rothenhenrakaróntons; tesatenonweráton tsi iashatáhwehiat ne raotenhénrahkon. Tetʼtienonhweráhton tánon tsénhnaien. 5 Ne Roiá꞉ner roʼtennithenrátskon; ne ioriwaʼtóken raonoronkwátsera kwáh tsi nénhwe tsi thenkawisátsteʼke, tánon tsi waʼhatiwatsiratátse ne raoriwaʼtokentítsera tsi nénhwe enkátake. |
Matthew, Mark, Luke, and John were translated by Sosé Onasakenrat and published by the Montreal auxiliary of the British and Foreign Bible Society in 1880. The text of these books is in the public domain.
The text of the following books is copyright © Kanien’kehá:ka Aotióhkwa Tehatiwennaténie’s Kahiatonhseratokénhti (Mohawk Bible Translation Team): 2 Corinthians (2001), Jonah (2002), Ruth (2005), Daniel (2005), Esther (2006), and Proverbs (2007).
All other text is copyright © Harvey Satewas Gabriel, 2023.
Canadian Bible Society