Numbers 36 - Ohiatonhseratokénti

Tsi Niʼionawenʼkonhwe Ne Iotiʼniákons

¹ Né ononhtsiʼkowát꞉tshons tsi ratiwatsíraiens ne Gileadró꞉nons, né sakohiohʼokónhas ne Machir tánon ne sakoterehʼokónhas ne Manasseh ne ronhwaníha né꞉ne Só꞉se, Mahís tsítres niahónhne tánon ne ronatiaké꞉sons ne sakotihenténhse.

² Wahonhníron, “Ne Roiá꞉ner tsi sewaríhonhte nahonthaiéʼtshi꞉ion nonhonhtsas nonhkweshón꞉ás NÍsraerʼró꞉nonhke né tsi ensewaʼwastótsi tsi et nenhsewáiere. Káti ó꞉ni tsiʼsewaríhonhte nahontaietʼtsíhion ne kaientátsheras ne iakwahtátenon Zelophehad tánon ne rahohiathasehʼtsherasónhas.

³ Ók sewehiá꞉rak, Tó꞉ka enhotíniake ne ronhnónhkwe ne thihotiʼtsiókwahte íken, né ahotiʼientá꞉tsheras né kíʼ enhonaʼkwenkhónhweke nètho kentsiókwa, tánon ne tsiokwéktons hionhkihiáwi kwáh kíʼ enwástone.

⁴ Né enhiosehráteke tsi nenskarihwasehrónhnike, nónenh ne kaientátsheras ne watenhnínon tsi enkakwatá꞉kwenhke enshaiéna né thoʼwenhkénhʼen, né kaientátshera ne Zelophehad rahoʼiatasehtsherasónhas ienwatʼkónhtaʼkwe kíʼ tsi enhonatiésʼthase ne rahotiʼtsiókwah tsi nónhwe iehiotiniákon tánon kwáh kíʼ enhionkwáhtonhse ní꞉i nonhkwenhtsiókwah.”

⁵ Káti ne Mahís thashakáwen nonhkweshón꞉ʼas NÍsraerʼró꞉nonke ne tehioterihwasónhteres tsi kíʼ nihorihwatáton ne Roiá꞉ner. Wahénron, “Tsi nahó꞉ten rónhton ne Manasseh tsi kwáh tkariwaiéri íken,

⁶ tánon káti ne Roiá꞉ner ráton nètho Zelophehad rahoʼiatasehtsherasónhas konhtatewenhní꞉io nónhka akóren ahiotíniake ók nék khók kíʼ ne onhónha ahotiʼtsiókwahkon íken.

⁷ Ne kaientátshera NʼIsraerʼró꞉nons hiatehatiʼhiáti rahonáwenk kwáh thóh enhiothaténhronke ne rahotiʼtsiókwahkon.

⁸ Né iaʼtewatonwisenhtsheráke nenhkaiéna ne kaientátshera né rahotiʼtsiókwahkon Israerʼró꞉nons nahontáwe ónenk kíʼ tsi né enhotíniake ne rónhkwe ne rahohotiʼtsiókwahkon nónhwe. Thóh kíʼ ní꞉ioht ne Israerʼró꞉nons tsi enhatiʼiéna ne kaientátsheras né shaʼkotisotʼthonkonhkénʼen nónhwe nitsiawénon,

⁹ tánon ne kaientátshera iáh nenhneʼen ákte nónhwe tsáwe. Kwáh kíʼ sohtiʼtsiokwátʼtsons ienhioʼtkonhtákwen tsi enhatiʼiéna ne rahotiʼientátsheras.”

^10-11 Káti ne Mahlah, Tirzah, Hoglah, Milcah, tánon ne Noah, né rahoʼiathasetserasónhas ne Zelophehad, thóh kíʼ nakonhtíʼiere tsi kiʼnihoríhonte ne Roiá꞉ner ne Mahís, tánon ronhrasehʼokónhas wahotiʼniákon.

¹² Né wakonhthateniákʼten ne rahotiʼtárakons ne Manasseh né ronhwaníha né꞉ne Só꞉se, tánon nahotiʼientátsheras ronhwaníha kíʼ rahotsiókwahkon wahotátere.

¹³ Ne kí꞉ken ne kaianerénhseras ó꞉ni tsi nikarihoténsons nètho Roiá꞉ner theshaʼkówi NʼIsraerʼró꞉nons rahonháke ne Mahís né꞉ne tsi iohentaʼkwénhrare ne Moab nónhwe níseh nakaniataráti ne Jordan tsi nitsiawénon ne Jericho.