Numbers 34 - Ohiatonhseratokénti

Ne Tsi Karistatátie Ne Ohóntsa

¹ Ne Roiá꞉ner tahá꞉wenh ne Mahís

² ne tehioteriwasónhteres karihonnienhnítsheras nonhkweshón꞉ʼas Israerʼronónke akorihwáke: “Nó꞉nen iensehwá꞉we ne Canaan, ne tsi ionhontsáien ne tkwawíre, nenhkaristhatátsieke ne sewanakeráseras né꞉ne kenhiotiétons.

³ Nenhtiéne nokwáhti nienhénwe thóh tenhtewaténhti ne karakonhkó꞉wa ne Zin nónhwe enhiósehre tsi karistatátie ne Edom. Thóh entewatáhsawenh tsi tkarakwínekens nokwáhti né꞉ne entiéne tsi iehiótʼte ne Dead Sea.

⁴ Ethóne entiène nienhtsiotsierátonke tsi nienhénwe ne Akrabbim Pass tánon ienkakónhthakwe tsi nieiawénon ne Zin kwáh tsi nióre nenhtiéne ne Kadesh Barnea. Ethóne othoréke nienhénsewe né tsi iatewatʼsénhthos nokwáhti ne Hazar Addar tánon ethòne Azmon nókwah nienhénsewe,

⁵ Thóh nónhwe ienskakahrenhráko thóh niénhsewe Nahonrákwahkon ne tsi karistatátie ne Egypt tánon thóh nónhwe iatenhká꞉tahne ne Mediterranean.

⁶ “Né꞉ne tsi iatewatʼsénhthos tkaristhatátie né Mediterranean Kaniatarakheʼkówa.

⁷ “Nothoréke karisthatátie enhiósere ne asherí꞉ie né꞉ne tsi nitsiawénon ne Mediterranean tsi nióre ne tsi Ionónhte ne Hor

⁸ tánon thóh thentewatásawen tsi nióre ne Hamath Pass. Kwáh ienkakónhthakwe Zedad niénhenwe

⁹ tánon Ziphron nienhénsehwe, tánon thóh iathenhká꞉tane ne Hazar Enan.

¹⁰ “Né tsitkarakwínekens karisthatátie ne enhiósehre naserí꞉ie tsi nitsawénon ne Hazar Enan tsi nióre ne Shepham.

¹¹ Kwáh ethòne entiéne nienhénsewe tsi nióre ne Harbel, né꞉ne tsitkarakwínekens nokwáhti ne Ain, tánon tsi hionhnontarónnions nienhénsewe né꞉ne tsitʼkarakwínekens atsakʼtónhtie tsi kaniátaro ne Galilee,

¹² ethòne entiéne enhiósehre ne Jordan Kaniataratátie tsi nióre ne Dead Sea. “Né kí꞉ken ne kaiéri ní꞉konhs tsi karisthatáties ne tsonhontsasónhas.”

¹³ Káti ne Mahís washakawénhase NʼIsraerʼró꞉nons, “Né kí꞉ken nonhóntsa nenhsewaiéna tsi enkawasthótshionhke, né nonhóntsa ne Roiá꞉ner teshakówi ne tióhton tshiaʼtesewasénhnon nihotiʼtiókwahkes.

¹⁴ Né rahotiʼtiókwas ne Reuben tánon ne Gad tánon ne tsitʼkarakwínekens nokwáhti asénhnon ne Manasseh rotiʼienáhon ne rahotiʼienhtátshera, tekahiakhónhnion né tiohianénha tsi nihatiʼwatsírakes,

¹⁵ né tsitʼkarakwínekens nokwáhti ne Jordan, tehiotiná꞉ta ne Jericho.”

Né Shaʼkotihenténhse Né Ronaterihwaiénhni Ne Tahathihiakhónhnion Nonhóntsa

¹⁶ Ne Roiá꞉ner wahawénhase ne Mahís,

¹⁷ “Ne Eleazar ne ratsihénstatsi tánon ne Joshua né roʼní꞉ha né꞉ne Nun né tenshaʼkohiakhónhase nonhóntsas nonhkweshón꞉ʼas.

¹⁸ Tánon saiáta ne sakohenténhse iatsiaténhaf nahatsʼniénon tsi tenhkaiakhónhnionke.”

^19-28 Né kí꞉ken ne ronhnónhkwe ne Roiá꞉ner washaʼkohiatarakwenháton: Kentiókwa Sakohenténhse Judah Caleb né roʼní꞉ha né꞉ne Jephunneh Simeon Shelumiel né roʼní꞉ha né꞉ne Ammihud Benjamin Elidad ne roʼní꞉ha né꞉ne Chislon Dan Bukki ne roʼní꞉ha né꞉ne Jogli Manasseh Hanniel né roʼní꞉ha né꞉ne Ephod Ephraim Kemuel né roʼní꞉ha né꞉ne Shiphtan Zebulun Elizaphan ne roʼní꞉ha né꞉ne Parnach Issachar Paltiel ne roʼní꞉ha né꞉ne Azzan Asher Ahihud né roʼní꞉ha né꞉ne Shelomi Naphtali Pedahel né roʼní꞉ha né꞉ne Ammihud

Kentiókwa Sakohenténhse

²⁹ Né kí꞉ken ne ronhnónkwe ne Roiá꞉ner sakohiatarákwen ne taʼshakotiʼhiakhónhase ne kaientátsheras nonhkweshón꞉ʼas NʼIsraerʼró꞉nons ne tsi ionhontsáien ne Canaan.