Numbers 2 - Ohiatonhseratokénti

Tsi Nihonwatiʼrihwasehronhniénhni Ne Kenhtiókwas Ne Tsi Nónhwe Nihonahná꞉thaien

¹ Ne Roiá꞉ner tasakowíhon ne Mahís tánon ne Aaron ne tekarihwasonhteʼrónhnions karihonhnienhnítsheras.

² Nónen NÍsraerʼró꞉non enhatiʼkwahtháko nahonnátaien, satiʼhiatáʼtshons ne ronhnónhkwe thóh enhontenátaien tsi niwaʼtenienhténston ne rahotiókwa ó꞉ni ne oniatará꞉ʼa tsi nihotaróhten. Tsi enhontenáthaien thóh enkaʼkwatháʼkwenhke tenhiokwahthaséhtonhke ne tsi watóhsehrote.

^3-9 Né tsitʼkarakwínekens nokwáhti, tsi nihá꞉ti ne ná꞉kon ne tsi waniataró꞉hare né꞉ne rahothiʼtiókwa ne Judah skát꞉ke enhontenátaien tsi nihotiʼtiokótens, skát꞉ke ne shaʼkotihéntense, kèn ní꞉ioht: Ne Raotitsióhkwas Shaʼkotihéntense Tsi nihá꞉ti Judah Nahshon ne roʼníha né꞉ne Amminadab 74,600 niháti Issachar Nethanel né roʼníha né꞉ne Zuar 54,400 niháti Zebulun Eliab né roʼníha né꞉ne Helon 57,400 niháti Ne tiokwékton tsi nihá꞉ti: 186,400 Ne rahothiʼtiókwah ne Judah ónenk tsi né enthontiérenhte enhatiʼnenhrasehrónhni.

Ne Raotitsióhkwas Shaʼkotihéntense Tsi nihá꞉ti

^10-16 Nenhtiène iotohetsʼtáhkwen, tsi niháti ne roniateʼniaʼtaró꞉hare tsi ratiʼtiókwaien ne Reuben skát꞉ke kíʼ enhontenátaien ne rahothiʼtiókwas, skát꞉ke ne shaʼkotihéntense, kénh ní꞉ioht: Ne Raotitsióhkwas Shaʼkotihéntense Tsi nihá꞉ti Reuben Elizur né roʼníha né꞉ne Shedeur 46,500 niháti Simeon Shelumiel né roʼníha né꞉ne Zurishaddai 59,300 niháti Gad Eliasaph ne roʼníha né꞉ne Deuel 45,650 niháti Ne tiokwékton tsi nihá꞉ti: 151,450 Ne rahotiʼtiókwas ne Reuben né nènhne ne tekeníhaton enhonónhniaʼte tsi enhatiʼnenhraserónhni.

Ne Raotitsióhkwas Shaʼkotihéntense Tsi nihá꞉ti

¹⁷ Ethòne, tsi natehóntere kí꞉ken thóh natierénhton tekenhtiókwaken tánon ne onakènhkha tekentiókwahken ne Levites tsi enhatiʼnenhraserónhni enhatiʼháwike natóhsehra. Né skanenhráʼtshons thóh ní꞉ioht tsi enhatiʼnenhraserónhni tsi kíʼ ní꞉ioht tsi ronanátaiens, ne skentiokwáʼtshons ronathaʼtewenʼiennentáhon tsi nónhwe nihonaʼteniataróhare.

^18-24 Ne tsi iatewatʼtshénhthos nokwáhti, tsi niháti né thóh ratíteron tsi nónhwe nihonateniataróhare ne Ephraim rahotiʼtiókwas skát꞉ke kíʼ tsi enhontenáthaien ne rahotiʼtiókwas, skát꞉ke ne shaʼkotihéntense, ken ní꞉ioht, Ne Raotitsióhkwas Shaʼkotihéntense Tsi nihá꞉ti Ephraim Elishama né roʼníha né꞉ne Ammihud 40,500 niháti Manasseh Gamaliel né roʼníha né꞉ne Pedahzur 32,200 niháti Benjamin Abidan né roʼníha né꞉ne Gideoni 35,400 niháti Ne tiokwékton tsi nihá꞉ti: 108,100 Ne sohtiʼnenhrátʼtshons ne Ephraim né nasénhaton ienhonnéthake tsi enhatiʼnenhraserónhni.

Ne Raotitsióhkwas Shaʼkotihéntense Tsi nihá꞉ti

^25-31 Nothorèke hiotiéhtons, tsi niháti ne rahotiʼtiókwahkon ne Dan tsi tehonwatiʼkhashiónhkwen skát꞉ke kíʼ tsi enhontenátaien ne rahotiʼtiókwahkons, skát꞉ke ne shaʼkotihéntense, ken ní꞉ioht: Ne Raotitsióhkwas Shaʼkotihéntense Tsi nihá꞉ti Dan Ahiezer né roʼní꞉ha né꞉ne Ammishaddai 62,700 niháti Asher Pagiel né roʼní꞉ha né꞉ne Ochran 41,500 niháti Naphtali Ahira né roʼní꞉ha né꞉ne Enan 53,400 niháti Ne tiokwékton tsi niháti: 157,600 Ne raotiʼtiókwa ne Dan roʼnónha nonakènkha enhatiʼnenraserónhni.

Ne Raotitsióhkwas Shaʼkotihéntense Tsi nihá꞉ti

³² Ne tiokwékton tsi nihiákon nonhkweshón꞉ʼas NÍsraerʼró꞉nonhke tsi nihonwatiʼsenhnarónhnion tsi ratiʼtiokwáhiens, shotiʼtiokwáʼtshons tsi shotiʼtiokwátʼtshons íken, né꞉ne 603,550 niháti.

³³ Tsi kíʼ nihoríhonte ne Roiá꞉ner ne Mahís, ne Levites iáh ne tehonwatiʼsénhnaren skát꞉ke ne ronátsiaʼkes NʼIsraerʼró꞉nons.

³⁴ Káti nonhkweshón꞉ʼas NÍsraerʼró꞉nonke orihwakwékon thóh nahatí꞉iere tsi kíʼ nihoríhonte ne Roiá꞉ner ne Mahís. Wahontená꞉taien, shatiʼhiatáʼtshons tsi nihotiʼtiokótens, tánon wahatiʼnenhraserónhni, shatiʼhiatáʼtshons tsi kíʼ nihotiʼtarótens.