Numbers 17 - Ohiatonhseratokénti

Ne Aaron Rahoténhnits

¹ Ne Roiá꞉ner wahawénhase ne Mahís,

² “Sehró꞉ri nonhkweshón꞉ʼas NÍsraerʼró꞉nonke tékeni-iawénhre niwatenhnitseráke aonʼtaié꞉son, né꞉ne sewatenhniʼtsherarát꞉tshons ne sotitiókwa íken. Rahonatenhnitsherákes senhsenhnarónhnion ne shatihiatáʼtshons

³ tánon ethòne Aaron tshénhnaren natenhnitsheráke né Levites rahonaténhnits. Sewatenhnitsheráʼtshons ne shaʼkotihenténhse rahotiʼtiókwas.

⁴ Thóh niahá꞉saf tsi tewatóhserothe tsi nónhwe nikíteron tánon ohénton Naterihwasehronhniátshera Onerókwah í꞉tsien, tsi nónhwe natenhtiatátʼken.

⁵ Ethòne ne rahoténhnits ne rihiatharákwen enkaterónhten. Thóh kíʼ ní꞉ioht tsi ténkʼtaste tsi tiókonhte rotirihwakaténhʼen kí꞉ken Israerʼró꞉nons tsi nó꞉kwah ní꞉se.”

⁶ Káti ne Mahís waʼshakowénhnaraʼne NʼIsraerʼró꞉nons, tánon satiʼhiatáʼtshons ne sakotihenténhse wahonwatenhnítsheron, sewatenhnítshera ne shotiʼtiókwas, tékeni-iawénhre níkon norihwakwékon, tánon ne Aaron rahoténhnits iathatí꞉ieste.

⁷ Ne Mahís ethòne akwékon naténhnits atohsehrákon iaháhionte ohénton waʼháien tsi nónhwe nikáien ne Roiá꞉ner Raonerókwah Naterihwasehronhniátshera í꞉wa.

⁸ Nó꞉ia sahiórenhne, nó꞉nen ne Mahís atohsehrákon niaháre, wahatkátho ne Aaron rahoténhnits né Levites rahonaténhnits íken, ioteronhtháhon. Ioskwehionhtáhon, tehiotsitsanekáron, tánon ne iahónton ne iehioʼshokwaieríhon Almonds!

⁹ Ne Mahís akwékon naténhnits iahahá꞉we tánon washaʼkonatónhase NʼIsraerʼró꞉nons. Wahontkátho tsi naháwenhne, tánon satiʼhiatátshons ne sakotiʼhenténhse hionsahatíhaʼwe ne rahonaténhnits.

¹⁰ Ne Roiá꞉ner wahawénhase ne Mahís, “Ne Aaron rahoténhnits thóh hionhsháʼtien ohénton tsi kaneró꞉kwahien naterihwaseronhniátshera í꞉wa. Tsi enwateweienhtónhake né nahiakothokáten ne tehatinenhraríhtha Israerʼró꞉nons tsi kwáh enhonhníheie tó꞉ka iáh tehóntkawane tsi nihatirihwakátats.”

¹¹ Ne Mahís thóh kíʼ nahá꞉iere tsi kíʼ nahónhane ne Roiá꞉ner.

¹² Nonhkweshón꞉ʼas NÍsraerʼró꞉nonke wahonwénhase ne Mahís, “Ètho kík nienhiótʼte nonhkwahrihwáke!

¹³ Tó꞉ka ónhka ákta nahontáien ne tsi watóhsehrohte kwáh enhiaiéheie, kwáh kíʼ thóh nihioiánere tsi ní꞉ioht nahionkwenhéionhke!”