Numbers 13 - Ohiatonhseratokénti

Ne Ronhterihwató꞉rats

¹ Ne Roiá꞉ner wahawénhase ne Mahís,

² “Shehiatarakwenháton saiáta ne sakohenténhse ne skentiokwáʼtshons ne tèkeni iawénhre nihotiʼtiókwakes tánon iashehiaténiet nahonterihwatoráttha nahontonhontsátkenhsera ne Canaan, tsi né khehionhontsaʼwíre NʼIsraerʼró꞉nons.”

^3-15 Ne Mahís wahatewénhnarakwe tánon thóh nónhwe ne karakonhkówa ne Paran thaʼshakoténieʼte ne sakotihenténhse, kén ní꞉ioht: Raotitsióhkwas Ne Sakohenténhse Reuben Shammua ne roʼiénha né꞉ne Zaccur Simeon Shaphat ne roʼiénha né꞉ne Hori Judah Caleb né roʼiénha né꞉ne Jephunneh Issachar Igal né roʼiénha né꞉ne Só꞉se Ephraim Hoshea ne roʼiénha né꞉ne Nun Benjamin Palti né roʼiénha né꞉ne Raphu Zebulun Gaddiel né roʼiénha né꞉ne Sodi Manasseh Gaddi né roʼiénha né꞉ne Susi Dan Ammiel né roʼiénha né꞉ne Gemalli Asher Sethur ne roʼiénha né꞉ne Michael Naphtali Nahbi né roʼiénha né꞉ne Vophsi Gad Geuel né roʼiénha né꞉ne Machi

Raotitsióhkwas Ne Sakohenténhse

¹⁶ Né kí꞉ken ne ronhterihwató꞉rats ne Mahís iashaʼkoténiete nahonthonhontsatʼkenhséra. Wahosenhnaténi ne Hoshea né roʼiénha né꞉ne Nun ók Joshua sahonáhtonkwe.

¹⁷ Nónen ne Mahís shiasakoténiete, wasakawénhase, “Wáhs kén꞉en iasewatáhshawen othoréke niahásewe ók entiène nó꞉kwah hionhsásewe iatsonhontsóren ne Canaan tánon ethòne ne tsi ionhnonhtarónhnions ne tsi kanakeraseráien.

¹⁸ Sewát꞉kens ònhki naʼkanakerasehró꞉ten, tohnihiákon thóh nónhwe nihienákere, tánon thóh nihatishátste.

¹⁹ Sewát꞉kens nonhóntsa tó꞉ka kén ionhontsíhio khès ne ionhontsiáksen tánon tó꞉ka kén nonhkweshón꞉ʼas tsi ienákere ne kanátaʼkons tshiatehioʼskaráwen khès tsi tekanathátatʼton nónhwe nihienákere ne tsi kanatowánens.

²⁰ Sewát꞉kens nonhóntsia tohkàhken ionhontsí꞉io tánon tó꞉ka kèn nonhóntsa tehioterá꞉ton. Tánon iorihwiʼióhak tsi thontasewaiénhaf né thohnónhwe tewatahiónhnis.” (Ónen ehʼnikahá꞉wi nonénhare tewaʼthasáffa wahiáris.)

²¹ Káti ne ronhnónhkwe othorèke niahónhne tánon iahonthonhontsiátʼkense ne karahkonhkówa nokwáhti ne Zin né꞉ne entiéne kwáh tsi níó꞉re ne Rehob, ákta ne Hamath Iotohetstáhkwen nothó꞉reke nokwáhti.

²² Né tahontiérenhte entiéne nokwáhti niahónhne ne tsi ionhontsáien tánon Hebron iahónhnewe, thóh nónhwe ne rahotitiókwas ne Ahiman, Sheshai, tánon ne Talmai, nihatinákeres né tahatiwatsiratátie ne ratiʼkowánenskwe ne ronhwatinatónkwah Anakim, nihatiʼnákerekwe. (Ne Hebron tsáta nihioserá꞉ke né ohénton nikanatónhni tsi ní꞉ioht ne Zoan né Egypt nónhwe.)

²³ Iahónhnewe nahonrakwáhkon ne Eshcol, tánon thóh nónhwe nahatináʼtshiake ne wèso iohnenharénhton tsi nihiótste tenihiáse waʼtewathonhóntsowe né tahiatenakarotárohke tsi natehiátere tsi waʼnhíhawe. Tánon ó꞉ni thontahonʼiénhawe ne tehiohiaʼtsikhétare sewahiówane tánon ne wisonkówa. (

²⁴ Né nónhwe ne konhwanatónkwah ne Eshcol: Kí꞉ken kasénhna ne Hebrew né nènhne kéntons “Iawetowánen onénhare,” tsioríhwa tsi nihiawetowánen nonénhare NʼIsraerʼró꞉nons ronahiákwenh né nónhwe.)

²⁵ Nó꞉nen shaʼhonthonhontsiátkenhse né꞉ne kaiéri-niwáhsen niwenhniseráke, né ronhterihwató꞉rats thóh hionhsahónhne

²⁶ tsít꞉nes ne Mahís tánon ne Aaron, ó꞉ni kanakerasehrakwékon ne Israerʼronónke né꞉ne Kadesh nónhwe né karakonhkówa íken ne Paran nónhwe. Shaʼhontʼróri tsi nahó꞉ten wahontkátho tánon washaʼkotinatónhase ne káhiks ne thotíha.

²⁷ Wahonwaró꞉ri ne Mahís, “Wahakwaʼtonhontsiátʼkense tánon wahakwaʼtsénhri tsi nihiókwats ó꞉ni iohontsí꞉io; tánon káti né kí꞉ken ne ahohiksónhas.

²⁸ Ók kíʼ nonhkweshón꞉ʼas né nónhwe nihienákere kwáh íken tsi ratishátste, tánon ne rahotinatashón꞉ʼas kwáh íken tsi kanatowánens tánon kwáh íken tsi iorihwaníron tsi tewakwahtaséhton tsi watenhénra꞉ien nosténhra. Tánon sénha iesehwahétʼken, wahakhíken tsi nithonatwatsiríhnon ne ratiʼkowánenhs né nónhwe.

²⁹ Ne Amalekró꞉nons entiéne né nokwáhti iotohetstákwen nónwe nihatinákere; ne Hitró꞉nons, Jebusites, tánon ne Amorʼró꞉nons tsi iononhtarónhnion né tsi kanakeraseráien né nónhwe nihatinákeres; tánon ne Canaanites ákta nènhne ne Mediterranean Kaniatarakhekówa nónhwe nihatinákere tánon aktóntie ne Jordan kaniataratátie.”

³⁰ Ne Caleb washakóristhe nonhkweshón꞉ʼas tsi ronhwarihwakatáti ne Mahís, tánon wahénron, “Ónenh kíʼ iahiethiʼhiatiatónti tánon tewatiénawast nonhónhtsa; iatekaiéri tsi nitewashátste naietʼthisénhni.”

³¹ Ók kíʼ ne ronhnónhkwe ne Caleb roʼnénon wahonhníron, “Iáh, iáh tshiatekaiéri tsi nitewashátste; né ronhnónhkwe né nónhwe sénha roʼnónha ratiʼshátste tsi ní꞉i ní꞉ioht.”

³² Káti ohnó꞉wenh wathonterihwaréniaʼte tsi ratinákeres NʼIsraerʼró꞉nons tsi nó꞉kwah nonhóntsa iehonatkénhse. Wahonhníron, “Nètho ohóntsa akwékon iáh tshiatekaiéri tsi níkon tkáhas nahiakónonhte né nónhwe niʼienákere. Ratiʼkwékon ne wahakhíken kwáh íken tsi ratinenhiésons,

³³ tánon iekaníhare wahaʼkhíken ne ratikowánens né nónhwe, né꞉ne Anak nónhwe nithonatwaʼtsiríhnon. Thóh nahontsiónhnawenh tsi ní꞉ioht ne tsistárare, tánon thóh tó꞉ka ní꞉ioht tsi wahonkhikenhʼénhion ne roʼnónha.”