Numbers 10 - Ohiatonhseratokénti

Ne Kawistarákens Kahonʼrawatsʼkowátshons

¹ Ne Roiá꞉ner wahawénhase ne Mahís,

² “Tèkeni sonhniánion ne kawistarákens kahonrawatsʼkówa né꞉ne karistonhniáton íken né ahónsthonke niaʼhionhtatinónhksehke nonhkweshón꞉ʼas nahionhtatiaʼtarohró꞉rohke tánon nahonshaʼhontosehrohtáko.

³ Nónen karíhwes tánon iorakaréni tsi entiatewenhnóten, kanakeraseraʼkwékon ne ienákere tsatákʼtha enhionhteróhroʼke né꞉ne tsi iehionhtaʼwehiatáhkwa natóhsehra tsi nónhwe nikíteron.

⁴ Ók nónen nénskak khók ne kahonrawatskówa enwatewenhnó꞉ten, nék khók kíʼ ne kentàra shaʼkotihenténse enhonʼteróhroʼke ne tsatákʼtha.

⁵ Ók nónen kènk nikaríhwes tsi enwatewenhnó꞉ten, né kentiókwas ne tsitʼkarakwínekens nokwáhti ronatatóhsehrote tenhsonhnáthaʼkwe.

⁶ Nónen ne tekeníhaton shé꞉kon kènk nikaríhwes ensewatewenhnóten, ne kentsiókwah ne entiéne nokwáhti ronaʼthatósehrothe tenhsonhnáthaʼkwe kíʼ.

⁷ Ók né thóh naiáwenhne niahonwatínonhke ne kanakeraserakwékon ne ienákere, né nènhne ne karíhwes tsi entiatewenhnó꞉ten.

⁸ Né kahonrawakowáʼtshons né꞉ne Aaron sakohiohʼokónhas enhiatátiste, né꞉ne tenitsihénstatsi tsi wahatinekwensatátie tsi nienénhwe.

⁹ “Nónen tsionhontsáke nónhwe nihiakoterí꞉io, tisehwatatèhnes tsi nó꞉kwah ne tesehwatáʼtshons tsi nikáien ne tsitʼieietʼtsihiatsiatónhtion, sehwatátis ne ionhteriʼiostákwah kíken kenihonrawatskówas. Í꞉i ne Watiá꞉ner ne Sewaní꞉io enkwahiénawase tánon enkwahiatanónstate tsi nó꞉kwah ne tesewatáʼtshons.

¹⁰ Káti ó꞉ni tsi nisehwatonhʼnahéra ne iotkàte—né꞉ne orá꞉kwaʼse tsi nisewakhwahérha tánon noiásons íken ne karihwiʼióhston aorihwáke tsi sewakhwahéras—ónenk kíʼ tsi ensewatátiste ne kahonrawatskówa nó꞉nen né ensewaterihwaténtiaʼte nahisewateskónhten aorihwàke tánon ne skaʼríhwa aorihwáke íken. Ethòne kíʼ enkwasniénon. Í꞉i né Watiá꞉ner Sewaní꞉io í꞉ken.”

NʼIsraerʼró꞉nons Thonsahonʼnáthakwe

¹¹ Ne tewasenháton shiʼwenhnisehrakéhaton né tekeníhaton shiʼwenhnítare né tehiosehrakéhaton nó꞉nen nonhkweshón꞉ʼas shaʼtethoʼnaténhtion NʼEgypt, notsíkera ne èhneken ne tsi watóhsehrote tsi nónhwe nihénteron ne Roiá꞉ner èhren shá꞉wete,

¹² tánon Nisraerʼró꞉nons tahontáshawen waʼthontʼtháhakwe èhren shaʼhónhnete ne iahonwenhtsaʼthènke ne Sinai. Notsíkere thóh iatʼkátane né kaʼrakonhkówa ítken ne Paran nónhwe.

¹³ Tahontásawen waʼthontekháhaʼkwe tsi nihotró꞉ri ne Roiá꞉ner rahonháke ne Mahís,

¹⁴ tánon tsi nihiorihwáke ne tenhontekháhaʼkwe kwáh kíʼ ne sáka tsi ní꞉ioht tsi rónhne. Tsi niháti ne tsi waʼniataróhare nonhnihatíteron né wahatihénte né꞉ne rahotitiókwah ne Judah tahontiérenhte wahaʼtihiákenhne, skenhtiokwáhtshons kenhá꞉tie, né꞉ne Nahshon né roʼní꞉ha né꞉ne Amminadab né ohénton hièrate.

¹⁵ Ne Nethanel né roʼní꞉ha né꞉ne Zuar né nènhne ohénton ièrate tsi ratiʼtiokwáien ne Issachar,

¹⁶ tánon ne Eliab né roʼní꞉ha né꞉ne Helon né nènhne ohénton ièrate tsi ratiʼtiókwahien ne Zebulun.

¹⁷ Ethòne kíʼ ensewaʼtohsehrotahkwénhke, tánon né꞉ne rahotitiókwas ne Gershon tánon ne Merari, ronónha ienhatíhawe, tsi enthontáshawen.

¹⁸ Nó꞉ia, né꞉ne tsi waniataró꞉hare tsi nónhwe nihatíteron ne raotiʼtiókwa ne Reuben ienshontásawenh, skentiokwátshons kenhá꞉tie, né꞉ne Elizur rahónha ohénton ièrate né roʼní꞉ha né꞉ne Shedeur.

¹⁹ Ne Shelumiel rahónha ohénton ièrate né roʼní꞉ha né꞉ne Zurishaddai né tsi ratiʼtiókwahien ne Simeon,

²⁰ tánon ne Eliasaph rahónha ohénton ièrate né roʼní꞉ha né꞉ne Deuel né tsi ratiʼtiókwahien ne Gad,

²¹ Ethòne ne Levites né꞉ne tsi ratiʼtáraien ne Kohath ienshontásawenh, ratiʼhawinónhtie ne iotokéntis nahoténsons. Tsi nióre niahónhnewe tsi nónhwe ienshontenátaien, nathósehra khá꞉ha shonatosehróthe.

²² Nó꞉ia, né tsi waniataróhare tsi nónhwe nihatíteron ne rahotitiókwah ne Ephraim ienshontásawen, skénhtsiokwáʼtsions kenhátie, né꞉ne Elishama ohénton iérate né roʼní꞉ha né꞉ne Ammihud.

²³ Ne Gamaliel rahónha ohénton iérate né roʼní꞉ha né꞉ne Pedahzur né꞉ne tsi ratiʼtiókwaien ne Manasseh,

²⁴ tánon ne Abidan rahónha ohénton iérate né roʼní꞉ha né꞉ne Gideoni né꞉ne tsi ratiʼtiókwahien ne Benjamin.

²⁵ Noʼnakènhka íken, né꞉ne tsi waniataróhare tsi nónhwe nihatíteron ne rahotiʼtiókwah ne Dan, ronónha shaʼkotinikónhrare ratikwékon tsi ratiʼtiókwahiens, ienshonʼtáshawen, skentsiokwáʼtshons kenhatíre, né꞉ne Ahiezer ohénton iérate né roʼní꞉ha né꞉ne Ammishaddai.

²⁶ Ne Pagiel rahónha ohénton iérate né roʼní꞉ha né꞉ne Ochran né tsi ratiʼtiókwahien ne Asher,

²⁷ tánon ne Ahira rahónha ohénton iérate ne roʼní꞉ha né꞉ne Enan ne tsi ratiʼtáraien ne Naphtali.

²⁸ Né kí꞉ken, èhtho ní꞉ioht, tsi wahatiʼnenhrasehrónhni tsi niahónhne, skentsiokwáʼtshons kenhátie, ne nó꞉nen NʼIsraerʼró꞉nons tenhshonnáthakwe tánon tsi ienhónhne.

²⁹ Ne Mahís wahawénhase ne ronatsióha Hobab né꞉ne roʼní꞉ha ne Jethro né꞉ne Midinite nahahiatóten, “Ónen thó꞉wa thóh nónhwe niahítewe tsi nónhwe ne Roiá꞉ner tsi shonkwarakwéni ráwen enteshión꞉tion. Roʼrarátston tsi enshaʼkokwahshéts꞉ten NʼIsraerʼró꞉nons, káti ká꞉ts ítewe, tánon kíʼ shaʼtenhionkwawenhkhónhweke ní꞉se tsi nenhionhkwaʼhianerásten.”

³⁰ Ne Hobab watharihwasehráko, “Iáh, thóh nón꞉we tsá꞉ke tsi nónhwe tewakenakeráton.”

³¹ “Asatʼthontáʼtsheke tó꞉sa tokʼthaskwakʼkaf,” ne Mahís wahénron. “Í꞉se sateriénhtaʼre tsi nón꞉we nahitewathatohsehróten ne karakonhkówa, tánon í꞉se takwahéntens.

³² Tó꞉ka éntewe, shé꞉konh kíʼ satenhionhkwahwenhkhónhweʼke akwékon tsi nenshonʼkwahiatatériste ne Roiá꞉ner tsi nenhteshiónʼtsion.”

Nonhkweshón꞉ʼas Wahonténhti

³³ Nó꞉nen nonhkweshón꞉ʼas sonhsahonhténhti ne Sinai nónhwe, ne iononhtatoʼkentíke, áhsenh nónhta nióre niahónne. Ne Roiá꞉ner Rahoneró꞉kwah Naʼteriwasehrionhniátshera tiókonhte ne ohentónhson wá꞉he naʼkaʼtshénhri tsi nónhwe nahonhnátaien.

³⁴ Tsi ní꞉ioht tsi wathonhnatakwáhnion tsi nonhwésons nihonahnataiénthaʼkwe, né Roiá꞉ner rahotsìkera ne tsi niwenhnísehres é꞉neken íweskwe tsi nónhwe nihónhnes.

³⁵ Ne nó꞉nen Naʼterihwasehrionhniátshera Oneró꞉kwah thentewatásawen tsi nienhénsewe, ne Mahís enhénron, “Tesehwátann, ne Roiá꞉ner; wateshaʼkoréniaʼte ne tesewatáʼtshons tánon washaʼkotékwahte tsi niháti ne ietshísons!”

³⁶ Tánon nó꞉nen tenhská꞉thane, enhénron, “Thonhtaʼsehhiaténhaf, Saiá꞉ner, niwenhniawehetsherásens nikawatsírakes NÍsraerʼró꞉nonke nónhwe.”