Nehemiah 12 - Ohiatonhseratokénti

Ratisenhnarónhnion ne Rtitsihénstatsis tánon Levites

¹ Tánon ne kí꞉kens ne ratiʼtsihénstatsis tánon ne Levites ronónha thoné꞉non skátne ne Zerubbabel, né꞉ne roʼní꞉ha ne Shealtiel, tánon Joshua, Seraiah, Jeremiah, Ezra,

² Amariah, Malluch, Hattush,

³ Shecaniah, Rehum, Meremoth,

⁴ Iddo, Ginnethoi, Abijah,

⁵ Mijamin, Maadiah, Bilgah,

⁶ Shemaiah, tánon Joiarib, Jedaiah,

⁷ Sallu Amok Hilkiah, Jedaiah, ne kí꞉kens ne sakotihentenséhawe ne ratiʼtsihénstatsis tánon ne rontatekenʼokón꞉as ne tsi rotenhniseraténionskwe ne Joshua.

⁸ Tánon ne Levites, Jeshua, Binnui, Kadmiel, Sherebiah, Judah, tánon ne Mattaniah, skátne ne rontatekenʼokón꞉as, né꞉ne ronaterihón꞉takwe ne karenhnashón꞉as ne teiontenonweratónhkwa,

⁹ tánon Bakbukiah tánon Unno, ne ronthatekenʼokón꞉as, ronónha ohén꞉ton rón꞉nete tsi nikarì꞉wes iakoterénhnaien.

Tsi nitotwatsirí꞉non ne Ratsihenstowá꞉nen Joshua

¹⁰ Tánon Joshua raónha ne kaʼní꞉sera í꞉ken ne Joiakim, tánon ne Joiakim né꞉ne ieshoiènha ne Eliashib, ne Eliashib né꞉ne ieshoién꞉ha ne Joiada,

¹¹ Tánon ne Joiada né꞉ne roién꞉ha ne Jonathan, tánon ne Jonathan né꞉ne ieshoién꞉ha ne Jaddua.

Nononhtsikowatʼtions Nakénhake Ratitsihénstatsis Kentarasónhas

^12-21 Tsi nihotenhniseraténionskwe ne Joiakim, né꞉ne ratsihenstatsiʼkén꞉en, ne sakohentenhséhakwe ne kaʼní꞉seras né꞉ne: Ratitsihénstatsis Raothitarasonhas Meraiah Seraiah Hananiah Jeremiah Meshullam Ezra Jehohanan Amariah Jonathan Malluchi Só꞉se Shebaniah Adna Harim Helkai Meraioth Zechariah Iddo Meshullam Ginnethon Zichri Abijah ... Miniamin Piltai Moadiah Shammua Bilgah Jehonathan Shemaiah Mattenai Joiarib Uzzi Jedaiah Kallai Sallai Eber Amok Hashabiah Hilkiah Nethanel Jedaiah

Ratitsihénstatsis Raothitarasonhas Ratisenhnarónhnions Nakénhake Ratitsihénstatsis ó꞉ni Levites Kawá꞉tsires

²² Ne Levites thóh nón꞉we nihonónhnekwe tsi nihonahtenhniseraténionskwe ne Eliashib, Joiada, tánon ne Johanan, tánon Jaddua tsi nikahiatónhnion né꞉ne sakotihentenséhawe ne kaʼní꞉seras tánon ne ratiʼtsihénstatsis tsi niió꞉re iahonontí꞉ione ne Darius né꞉ne Persiaró꞉non.

²³ Ne raonekenhterontsherashón꞉as ne Levi, ne sakotihentenséhakwe ne kaʼní꞉seras tsi nikahiatónhnion ne kahiatonhserá꞉kons ne tsioseraʼtions tsi niió꞉re shihotenhniseraténionskwe ne Johanan, né꞉ne roʼiénha ne Eliashib.

Tsinihonwatiʼiotenhserawiʼon Nononhsatokentikowáhne

²⁴ Tánon nohénton iehonhnetónskwe ne Levites né꞉ne Hashabiah, Sherebiah, tánon ne Jeshua, né꞉ne roʼní꞉ha ne Kadmiel tánon ne ronthatekenʼokón꞉as ne rotihén꞉ton ne tahontenonwerá꞉ton tsi kíʼnihothenhnáhon ne Táwit, ne rahonkweʼtakén꞉en ne Ní꞉io; ne ratiʼnikónhrare tehontinihátha tsi ratinikòn꞉rare.

²⁵ Ne Mattaniah, tánon ne Bakbukiah, Obadiah, Meshullam, Talmon, tánon ne Akkub ronón꞉ha nenhné꞉e ratinikonráhrakwe ne tsi ronthakweniaientáhkwa ó꞉ni ne tsi iotenhenrakaróntons.

²⁶ Thóh kíʼ nón꞉we ken tsi nihotenhniseraténionskwe ne Joiakim, né꞉ne roʼní꞉ha ne Joshua, né꞉ne roʼní꞉ha ne Jozadak, tánon thóh tsi nihotenhniseraténionskwe ne Nehemiah, né꞉ne rakó꞉raʼkwe tánon Ezra né꞉ne ratsihenstatsikén꞉en tánon shakohiatónhnikwe.

Nehemiah Wahatonhnaheráse ne Kanatowanénhke Watenhénraien

²⁷ Tánon tsi nonsakonwatonhnaherá꞉se nasón꞉ta ne Jerusalem, ne Levites wahonwatihiatisákon kwáh tsi akwé꞉kons tsi nonwéhsons nihotinataiéntons, ne nahontahonwatihiaʼténhawe Jerusalem ne nakonwatonhnaheráse tsi tánon tahontenonhweratónhnion tánon nahatirihwakwáhnion né꞉ne ienakwahétta ahónste, né꞉ne washerihiothotarókon tánon nonhowahkó꞉was.

²⁸ Tánon ne raotinekenhterontsheraʼshón꞉as ne tehatirihwá꞉kwas wathontatiaʼtaró꞉roke thóh tsi natehiowá꞉nen ne Jerusalem tánon ne kanatakónhsons ne Netophathró꞉nons.

²⁹ Tánon nonkweshón꞉as ne Gilgal tánon ne tsi kahentá꞉iens ne Geba tánon ne Azmaveth; asè꞉ken ne tehatirihwaké꞉was ronatenatónhnis ne iatehatiiátis teiokwahtaséhton ne Jerusalem.

³⁰ Tánon ne ratiʼtsihénstatsis ó꞉ni ne Levites sahontontonhnakanónhni tánon sahonwenhnonhnakanónhni nonkweshón꞉as ó꞉ni ne iotenhenrakarónhtonʼs tánon nashontakéhsons.

³¹ Tánon takheiaʼthénhawe ne ratikoráhshons ne Judah thóh tsi tewashón꞉tote tánon thóh wakhè꞉teron thekentió꞉kwakes rotitiohkowá꞉nen ne tahontenonwerá꞉ton thóh iahonthénti ne skaweientethákwen nonshontáti tsi niió꞉re ne ó꞉ta tiotenhenrakáronte.

³² Tánon ne Hoshaiah tánon ne satekanenhrí꞉hen ne ratikó꞉ras ne Judah wahonwatí꞉sehre,

³³ ó꞉ni ne Azariah, Ezra, tánon ne Meshullam,

³⁴ Judah, tánon ne Benjamin, tánon ne Shemaiah, tánon ne Jeremiah,

³⁵ ó꞉ni otià꞉kes ne ratiʼtsihénstatsis raotinekenteronhtsherashón꞉as ne ratiháwe iehonrawátsta, Zechariah, né꞉ne roʼní꞉ha ne Jonathan, né꞉ne roʼní꞉ha ne Shemaiah, né꞉ne roʼní꞉ha ne Mattaniah, né꞉ne roʼní꞉ha ne Micaiah, né꞉ne roʼní꞉ha ne Zaccur, né꞉ne roʼní꞉ha ne Asaph,

³⁶ Tánon ne ronthatekenʼokón꞉as, Shemaiah, tánon ne Azarel, Milalai, Gilalai, Maai, Nethanel, tánon ne Judah, Hanani, né꞉ne ratihá꞉we ne raoterenhnotháhkwas ne Táwit, né꞉ne Ní꞉io rahonkwè꞉ta í꞉ken tánon ne Ezra né꞉ne shakohiatonhní꞉hakwe raotihén꞉ton í꞉re.

³⁷ Tánon thóh tsi Tsoné꞉kote Iotenhenrénhton thóh rahotihén꞉ton, thóh iahá꞉tiratʼthen tsi niehiawé꞉non ne tsitkaná꞉thaien ne Táwit, iahonthakwarihshiá꞉te tsi tewashón꞉thote è꞉neken tsi ronón꞉shote ne Táwit tánon tsi tkarakwí꞉nekens nohné꞉kanos tiotenhenrakáronhte.

³⁸ Tánon ne tekeníhaton kentióhkwa wathontenonwerá꞉ton thóh iahontáwehiaʼte ne thí꞉kate tsi niehiawé꞉non tánon wahkhésehre ne satekentiokhí꞉hen nonkweshón꞉as nashontatʼtonhtse, è꞉neken tsi kanikató꞉te ne iontenahtaronthákwas tsi niehiawé꞉non ne tewashontakáron.

³⁹ Tánon è꞉neken tsi iotenhenrakáronhte ne Ephraim tánon ne è꞉neken iorihwaká꞉ion iotenhenrakáron tánon ne è꞉neken ne Kéntionk Iotenhenrakáron tánon ne tsi kanikató꞉te ne Hananel tánon ne è꞉neken tsi kanikató꞉te ne énska tewenhniáwe tsi niió꞉re ne teiotinakarontónha tiotenhenrakáronhte; tánon thóh rónhnete ne tsi ionthatenhotónhkwa iotenhenrakáronhte.

⁴⁰ Káti ne tekentióhkwakes ne tehontenonhwerá꞉tons thóh rónhnete raonónskon ne Ní꞉io; tánon ní꞉i ashén꞉non tsi nihá꞉ti ne ratikó꞉ras skátne iakwahkwé꞉kon.

⁴¹ Tánon ne ratiʼtsihénstatsis né꞉ne Eliakim, Maaseiah, Miniamin, Micaiah, Elioenai, Zechariah, tánon Hananiah, ne ratihawáhnions iehonrahwátsta.

⁴² Tánon ne Maaseiah, tánon Shemaiah, tánon Eleazar, tánon Uzzi, tánon Jehohanan, tánon Malchijah, tánon Elam, tánon ne Ezer. Tánon né tehathirihwákwas, ne enhonhnón꞉niate nahonwanathón꞉tene skátne ne Jezrahiah tsi rahónha sakotenikonrá꞉wis.

⁴³ Tánon ne wahonterihwathéntsiaʼte ne kowá꞉nen tsi tahatí꞉ieste né꞉tho wenhniserá꞉tekwe tánon wahontonhnarónhnion, tiorì꞉wa tsi Ní꞉io wahsakahón꞉nien nahontonhná꞉ren né꞉ne kowá꞉nen atonhnharáhtshera. Tánon ne konhnón꞉kwe ó꞉ni ne ratitshaʼokón꞉as kwáh nonhné꞉e wahontonhnahrónhnion tánon tsi nihiakoktsenhnónhni ne Jerusalem iahakotónhteʼne ahinonhkó꞉wa niió꞉re.

Nahioié꞉nawase tsi ionterénhnaies Nononhsatokentikowáhne

⁴⁴ Ne thóh shiwenhniserá꞉tekwe ronáhtiaʼkes ne ronhnónkwe wahonwatihiaʼtarakwenhá꞉ton thóh tsi ionataién꞉tons tsi iewistaientáhkwa, ne aorihwà꞉ke ne tkaiestánions, né꞉ne tiotierénhton iohiarí꞉hon, tánon noʼwístas. Ronón꞉ha enhatiró꞉roke ne kahetákons ákta ne tsi kanatowá꞉nens ne tsi nikonhátses ne entioianénhawe ne kaianerénhsera, ne raotirihwà꞉ke ratiʼtsihénstatsis tánon ne Levites; asè꞉ken ne Judah wahontonhnarónhnion ne ratiʼtsihénstatsis raotirihwà꞉kes tánon ne Levites tsi ronón꞉ha ronaterahrá꞉ton.

⁴⁵ Tánon ne tehatirihwákwas ó꞉ni ne tehontenhentanónhna ne wahonterihwathéntiaʼte tsi nisakoná꞉hon ne Ní꞉io tánon ne wahonterihwaténhtiaʼte ne tsonhtonhnonhnakanonhniatháhkwa ne tahiohianénhawe ne raorihwataʼtshera ne Táwit tánon ne roiénha, Solomon.

⁴⁶ Asè꞉ken ne shiiorihwakáhion, ne shiotenhniseraténionskwe ne Táwit ó꞉ne ne Asaph, kentiokwahién꞉takwe ne Tehatirihwá꞉kwa nohén꞉ton iehonetónhkwe tánon ne karenhnaʼshón꞉as ne tehiontenonweratónhkwa ó꞉ni tsi tahonwanonwerá꞉ton ne Ní꞉io.

⁴⁷ Ne shihothenhniseraténionskwe ne Zerubbabel ó꞉ni shiothenhniseraténionskwe ne Nehemiah, onhkweʼtakwé꞉kon Nisraerró꞉nonke thonwaná꞉wiskwe ne tehatirihwákwas tánon ne tehontenhenranónhna tsi nihonawénhkwe iatewenhniserá꞉ke. Tánon wakonwatonhnáherase tsi nahonawénhke ne Levites tánon ne Levites wakonwatonhnáherase nonhné꞉e tsi nahonáhweke ne raonekenhterontsheraʼshón꞉as Aaron.