Nehemiah 10 - Ohiatonhseratokénti

¹ Tánon tsi niká꞉iens ne ronónhas rotinehtahnentáhkon né꞉ne: Nehemiah né꞉ne rakó꞉rah, né꞉ne kaʼní꞉sera í꞉ken ne Hacaliah, tánon Zedekiah,

² Seraiah, Azariah, Jeremiah,

³ Pashhur, Amariah, Malchijah,

⁴ Hattush, Shebaniah, Malluch,

⁵ Harim, Meremoth, Obadiah,

⁶ Daniel, Ginnethon, Baruch,

⁷ Meshullam, Abijah, Mijamin,

⁸ Maaziah, Bilgai, Shemaiah; ne ki꞉kens ne ratiʼtsihénstatsis.

⁹ Tánon ne Levites: nene Jeshua, né꞉ne roʼní꞉ha ne Azaniah, Binnui né꞉ne raonekenteronhtsherashón꞉as ne Henadad, Kadmiel,

¹⁰ tánon ne rontatekenokón꞉as né꞉ne Shebaniah, Hodiah, Kelita, Pelaiah, Hanan,

¹¹ Mica, Rehob, Hashabiah,

¹² Zaccur, Sherebiah, Shebaniah,

¹³ Hodiah, Bani, Beninu.

¹⁴ Tánon ne shakotihenténhse nonkwehó꞉kons: né꞉ne Parosh, Pahath Moab, Elam, Zattu, Bani,

¹⁵ Bunni, Azgad, Bebai,

¹⁶ Adonijah, Bigvai, Adin,

¹⁷ Ater, Hezekiah, Azzur,

¹⁸ Hodiah, Hashum, Bezai,

¹⁹ Hariph, Anathoth, Nebai,

²⁰ Magpiash, Meshullam, Hezir,

²¹ Meshezabel, Zadok, Jaddua,

²² Pelatiah, Hanan, Ananiah,

²³ Hoshea, Hananiah, Hasshub,

²⁴ Hallohesh, Pilha, Shobek,

²⁵ Rehum, Hashabnah, Maaseiah,

²⁶ Ahijah, Hanan, Anab,

²⁷ Malluch, Harim, Baanah.

Ateriwaseronhniá꞉tsera

²⁸ I꞉i ne iatiónkwe, ne Israerʼró꞉nons, ne ratitsihénstatsis, ne Levites, ne tehonteʼnhohanónhne, ne tehatirihwákwas, ne ononsatokentikó꞉wane ratinátseras, tánon ratikwé꞉kons ne rontewenhnaráhkwa ne Rawenni꞉io raoianerénhsera sakonatiatonhtakwénhni ne thiʼononhontsá꞉tes ne ratinákeres nonhtionhontsá꞉tes, I꞉i ne iatiónkwe, skátke ne ionkwaniak꞉kons ó꞉ni ne iakiʼioʼokón꞉as iatekaiéri tsi neteonhoseriiákon naotinikonhraiéntaʼne,

²⁹ kí꞉ken tsi nikéntons iatiakwatséste ne ionkihenténhse tsi wahakwariwaní꞉rate, thoʼioron ne karawathátsera tóka shí꞉ken taiakwahiá꞉ke, né꞉tho tsi nenhiatiónhneke ne entioianénhawe ne Ní꞉io raoianerenhserá꞉kon, ne tsi Rawenniio tho꞉wi Mahís, né꞉ne Rawenniio raonhá꞉tshera í꞉ken; né꞉tho tsi kwáh asakwawennaráhkwe oriwakwé꞉kon ne Roiá꞉ner, ne Onkwahiá꞉ner sonkwahianerenhseronhniénhni, tánon kwáh oriwakwé꞉kon enhiakwatewenénton tsi nihariwanóntons.

³⁰ Tánon iáh tsiaiahkhiiátkaʼwe ne iakhiioʼokón꞉as tsonaʼtonhwí꞉sens nahotiniáke ne rononhà꞉ke ronónkwes ne tsi ionhontsá꞉te, khéhs nahontahiahiiaténhawe ne sakotiioʼhó꞉konʼs tsonathonwí꞉sens né꞉ne nahotiniáke ne onkwanekenhteronhtsherashón꞉as.

³¹ Tánon tó꞉ka nonkwehó꞉kons ne tsi ionhontsá꞉te ahontahatí꞉hawe natkeronhthátshera ó꞉ni noná꞉tsa ne thóh enwenhniserá꞉teke Sabbath ne nahontʼkeron, ethò꞉ne kíʼkwáh iáh thahiakwahní꞉non né꞉tho enwenhniserá꞉teke Sabbath khéhs ne thikánionk iawenhthatokénton akénhake; tánon kwáh iáh tahonsahiakwátste nohóntsa ne tsatá꞉khaton enhioserá꞉teke tánon akwé꞉kon tsi niiotkaró꞉ten enkanikonrénhen.

³² Tánon wahakwatianerenhserónhnien ne nahiakwatatkaraiénhase oʼwístah ahiakwahkáriaʼke ne iateioserá꞉ke tsi nikahiothenseró꞉tens akahiothénhen ne raonónskon nonkwáh Ní꞉io.

³³ Asè꞉ken tsi nihiotinenhrakwarí꞉shion ne Ronwawenniiostáhkwa kanà꞉taro tánon ne iehiokontákwen nathatawí꞉tshera tieiéstha nahontéskontake, Sabbaths, tánon nakahkwahrá꞉ke noráhkwases, tsi nikaráhkwenhs tsi nikahá꞉wis ronteʼnikonhró꞉ris, tánon ne iotokentiʼokón꞉ahs, tánon ne karihwanérens tsi tieiéstas ne nahonsakón꞉warihwakwahtakwase Israel tánon akwé꞉kons ne kahió꞉tenhseras ne raonónskon nonkwah Ní꞉io.

³⁴ Tánon ohontsá꞉kes wahonkwahnenhiontseshé꞉ronʼs ne kanenhiatokenhatonʼs né꞉ne tsi nón꞉we nihón꞉nes ne ratiʼtsihénstatsis, ne Levites tánon nonkweʼokón꞉ʼs tsi ahontakaiestonhke nó꞉ièn꞉tes, tsi iakahiontón꞉ke ne raononskon nonkwah Ní꞉io, ó꞉ni tsi rotinónshote nonkwahní꞉seras, ne tsi nenhkarakwénhke ne iatehiosehrákes, ne nahontekatón꞉ke ne ratienharáhkwake ne Roiá꞉ner onkwáh Ní꞉io, tsi kiʼnikahiá꞉ton ne kaianerenhserá꞉kon.

³⁵ Tánon nahontakahá꞉ke nenhtewahtserenhte enkaiènt꞉wakwen nonkwahiènt꞉thotseras tánon nenhtewahtserenhte enwá꞉hiari ne niatekaronhtakes iateioserá꞉kes entʼkahá꞉ke raononskon ne Roiá꞉ner.

³⁶ Tánon nenhtón꞉tierente enhón꞉nakerate nonkwanekenteronhtserashón꞉as tánon nonkwahtsenenhó꞉konʼs tionhnónskwahronʼs, tsi kíʼ nikahiá꞉ton ne kaianerenhserakon; tánon nenhtewatsérenhte enwatewí꞉raien nonkwahtsé꞉nen tionhnónskwahron tánon nonkwahtsenenhó꞉konʼs teiotinakarontónhas ó꞉ni kahiaʼtákeras enthonwatihiathenhá꞉we raonónskon nonkwah Ní꞉io, raotihenton ne ratiʼtsihénstatsis ronón꞉ha ronateriwátsteriston tsi ronónshote nonkwáh Ní꞉io.

³⁷ Tánon nenhtewatsérenhte ionkwahteshé꞉ratkenton tánon ne tionkwaiestons tánon ne kahiksón꞉has ne tsi kerí꞉tonʼs, nonenharákeris tánon ne keníes, kwáh kíʼ ienhiakwáhawe raotihénton ne ratiʼtsihénstatsis, ne tsi tkanát꞉taièn ne raonónskon nonkwáh Ní꞉io tánon tsi niwát꞉karhiaks nonhóntsa ne raotirí꞉wake ne Levites, asè꞉ken Levites ronón꞉ha ratiró꞉rokskwe akwé꞉kon tsi nihiót꞉wistonhnihon ne kanatowá꞉nens nonkwahientótsheras.

³⁸ Tánon ne ratiʼtsihénstatsis ne sakoioʼokón꞉ʼahs ne Aaron kwáh kíʼ ne eh enhatikwé꞉konhake ne Levites nónen ne Levites enhattiwistarohró꞉ke; tánon ne Levites kwáh kíʼenthatihawe nowistas tsi rononshó꞉te nonkwáh Ní꞉io thóh tsi ionát꞉tahien ne tsi iewistaièn꞉tahkwah.

³⁹ Asè꞉ken nakoioókón꞉ʼahs Israel tánon ne sakotiioʼokón꞉ʼahs ne Levites kwáh ne enthatihá꞉we nonátsas ne tkaiéstons, nonenharákeri tánon ne kénies thóh tsi ionát꞉thaièn, tsi nón꞉we nononsatokénti aotsesón꞉has tánon ne ratiʼtsihénstatsis ronónha ronteriwátsteristha, tánon ne tehontenhó꞉hanonhna, ne tehatirihwákwahs nihontseʼronhniatha, tánon iáh tahiakwahtewénhtethe ne raonónhsa nonkwáh Ní꞉io.