Matthew 9 - Ohiatonhseratokénti

Tioton-haton natoioteriȣasonterakȣen,

¹ SAHATITA nok tonsahaiaiake, saraȣe tsi thotenata.

² Saiatat roiatakenheion Kanaktake raiationnitie eh ȣahonȣaiatheȣe. Tehakanere ne Iesos tsinithonetakon, ȣahaȣenhase ne roiatakenheion: Sanikonranironhak kien! sonterakeȣe ne sariȣaneraaksera.

³ Nok ne ratiiatons tahonniron ne rahotinikonrakon: oriȣiio tsi rariȣaiesatha kehiken.

⁴ Rotorientaratsihon ne Iesos tsini thotinikonraȣens, ȣasakaȣenhase; ȣahenron: oh niiotieren tsi ȣanon tonniontseraksen seȣanontonnions.

⁵ Kah nikaien senha ȣatiesen; naiahiron: Sonterakeȣe ne sariȣaneraaksera; tsiniiot ne, satkestsko, nok satenti?

⁶ Neh kiok oni aeseȣatokatakȣe tsi rokȣeniatseraien ne Niio Roienha nonȣentsiake aonsaharakeȣe nʼiakohriȣaneren; Ethone ȣahaȣenhase, satkestsko, nok ionsashaf ne sanakta, nok sasatenti.

⁷ Tontahatkestsko nok sahatenti.

⁸ Akȣekon ok ȣahakohnerakȣenhaton tsinahoten ȣaontkatho, nok ȣathonȣanonȣeronnion ne Niio tsi eh nikakȣehniatseroten sakoȣi nʼonkȣe.

⁹ Sekon isiniiore niionsare ne Iesos, eh iahoken ne ronkȣe, Ȣatio ronȣaiasts, renstskȣahere are tsi rakarotasiatha, iahatati, ȣahenron: taknonteratiesek. Tontahatenstatsi nok ȣahosere.

¹⁰ Tsinikariȣes tehotskakon ne Iesos, Ȣatio raononskon, eh iaontaȣeiate ne ratikarotasions oni nona kȣaiesentasonha, etho oni ne rononha takarane tsi ronatekȣahere ne Iesos oni ne raotiokȣa nok ȣahontekhonni.

¹¹ Tsiniiot tsi ȣahontkatho ne Pharisien; ȣasakotiriȣanon tonse ne raotiokȣa, ronton: oh niiotieren tsi tehontonts ne etsiseȣakoȣanen, ne ratikarotasions oni ne ratinakȣaiesenhokonha?

¹² Nok tanon ne Iesos rothontetsihon, ȣasakaȣenhase: iah othenon tatehonȣatonȣentsioni ne ratetsiensts ne skennen tiiakonnhe, neh ȣahi tanon ne iakohnonȣaktani.

¹³ Ȣasene tanisa, oni ietsirori tsinahoten kenton ne kenh nikaȣennoten: atanitenron ikere, iah natateȣenniiotsera. Aseken iah neh tokheroriane ne tionkȣetaieri aonsaiontatreȣate, neh tanon ne iakoriȣaneraakskon.

¹⁴ Ethone ne Saȣatis raotiokȣa ȣahonȣaiatorenne nok ȣahonniron: oh niiotieren nii oni ne Pharisian iotkate ionkȣentontietha, nok ne sentiokȣa iah tehonentontietha?

¹⁵ Iesos tontasakoȣennaȣeron; tsinihati ronȣatihonkaraȣi tsi ȣatenniote, enȣaton kenh nahotinikonraksen seke tsinikariȣes ratikȣekonhaties ne rohniakon? ionȣatenniseriheȣe ki tanon ne ienhonȣaiatenhaȣe ne rohniakon, ethone onen enhonentontietahnion.

¹⁶ Neh oni sakat katke asehtsi nitiakohnanentaktakȣen nʼonen iokȣenniakaionhon: aseken enhionehare ne kennanentaktakȣen tanon onen senha enhiosonhioȣannha tsi teiorihon,

¹⁷ Iah oni katsetakaionne teiehnekarha nʼotsitsia-se, aseken tonkatsetarite nok enȣaȣerontane. Kat-setasetsikeʼsʼtanon ȣaheren notsitsiase iah nehne oh taiaȣenne.

¹⁸ Tsini kariȣes neh rohtarakȣen, rasennoȣanen eh ȣahoketote rahohenton ne Iesos ȣahanitente ȣathatontsoten, ratonne: Kheienha onen tiakaȣenheion; karo ki tanon aontasete, nok sanisnonsaerhas nok entsionnheke.

¹⁹ Tontahatane ne Iesos, Sahne, oni ne raotiokȣa.

²⁰ Skaiatat ne tsiothonȣisen onen tekeni iaȣenre niioserake siionnrakaionse, ȣahohnonterane, nok iakaiena tsi tetkakȣathon ne raotiataȣi.

²¹ Aseken teȣatonhakȣe naȣerientakon: neʼkokʼsʼoni ne raotiataȣitne iakiena enskieȣentanese.

²² Nok tontahatkarhateni ne Iesos, ȣathatkaneren nok ȣarenhase: tsiaken kien! nese sesatsiente tsi tisetakon. Nok oksaok sakaieȣentane.

²³ Nonen siiaharaȣe ne Iesos tsi thononsote ne rasennoȣanen, ȣasakoken kentiokoȣanen ronterennotha, otiake oni ronaterakareraston.

²⁴ Ȣasakaȣenhase: saseniiakonn: Katiken iaȣenheion nese ok ne iotas. Nok ok taonȣaieron.

²⁵ Tsi kati akȣekon sonsahatiiakenne, ethone iahataȣeiate, iahanentsa, nok sontketsko.

²⁶ Ok kenh tiiakahaȣe tsi ȣateȣateriȣareni neh nonȣe.

²⁷ Onen shihotoheststonhatie ne Iesos, teniiase tenironȣekon ȣahonȣanonterane, tehotihenretane, iatonne: David Iaienha! takenitenr.

²⁸ Nok nʼonen siiaharaȣe kanonskon, ȣahonȣaiatorenne nok ȣasakaȣenhase, ȣahenron: tisenetakon ken tsi enkkȣeni tsinahoten seniriȣanontons niihne? tontaniron: Oriȣiio onȣe, tokenske Saianer enskȣeni!

²⁹ Ethone kenh niiahaiere nikarake nok ȣahenron: Etho niiaȣenn tsinitisenetakon.

³⁰ Nok tonsanironȣeksi; ȣasakotiaȣenratse, ȣahenron: tosa onka ietsirori.

³¹ Nok tanon ne rononha, ok eh ionsaiatasaȣen, ȣathonȣarensaronnion tsini ionsane.

³² Akȣa onen sishoiakenhonhatie, eh ȣaonȣaiatheȣe iah tehatati oni Otkon rotienni.

³³ Oksaok sahatati nonen sonsakaiakenne nʼotkon, akȣekon ok ȣahakohnerakȣenhaton, ȣahahironnion: Areko nonȣenton etho tetiaȣenhon nʼIsraerrononke.

³⁴ Nok ne Pharisian ȣahonniron are nenehe: otkonseraksen rohiehnaȣase tsi sesakotekȣatha nʼotkon-seraksen.

³⁵ Nok sane ne Iesos akȣekon nontahaȣenontonhatie tsi kanataienton oni iohnatakȣenraron, Sakotatiskȣe tsi ronterennaientakȣanionkȣa, rorihoȣanatonhatieskȣe nʼOriȣase Niio raoriȣatokentitsera, sesakotsientanionskȣe oni niakohnonȣaktanionniskȣe tsi ienakerenion.

³⁶ Ȣasakotenre, nonen sahonikonraientane tsiniiot tsi ratinakere, ok tiiatehonarenihon aniosiken teiotinakarontonha iah teiotiien ne ranonhne.

³⁷ Ȣasakaȣenhase ne raotiokȣa: Oriȣiio tsi kaetoȣanen nok kenhnihatiha ne rotiiote.

³⁸ Hetsiseȣennitentas kati ne Rahetakȣeniio ahontasakotori kannhatesra tsi rohetaien.