Matthew 4 - Ohiatonhseratokénti

Kaierihaton nateioteriȣasonterakȣen.

¹ Onen nonȣa ne Iesos karhakon iahotori ne Kanikonra eh nonȣe iatahonikonraseren nʼotkon.

² Nʼonen sahaȣentontiete ne kaieri niȣasontasen onen ȣahatonkariake.

³ Ethone oni onen ne sakonikonrotakȣas ȣahoteranentakten, ȣahenron: Toka Niio Iaienha akenhake, tsiron kanatarok ȣaton kehiken Kanenhiakeron.

⁴ Iesos tontahoȣennaȣeron, nok ȣahenron: Kaiaton: iah kanatarok ok tenronnhekȣen ne ronkȣe, nese oni tsinithaȣenninekens ne Niio,

⁵ Ethone notkon onatatokentike niiahoiatenhaȣe, nok ononsatokenti kanonsakenhiate iahostskȣaren.

⁶ Nok ȣahaȣenhase: toka Niio Iaienha akenhake, iasatiatent; kaiatonse ȣahi: tsi entesakotori ne raoronhiakeronon ratisnonke ensistskȣaratie tosa aesasitakȣarase nʼonenhiake.

⁷ Iesos tontahaȣenhase: Kaiaton nah oni: Tsi iah tatatsenikonraseren ne Iaianer, ia Niio.

⁸ Sekon notkon tionontoȣanen niionsahoiatenhaȣe, nok Onȣentsiakȣekon ȣahonatonhase, oni tsiniiotieren ne tekarensaron;

⁹ Nok ȣahaȣenhase: Oriȣakȣekon kehiken enkonhion, kaȣenniioki, onȣentsiake iatasatonstsoten, asksennaien.

¹⁰ Nok tanon tontahenron ne Iesos: ehrenset, satkonseraksen! Aseken kaiaton, tsi entsennaien ne Roianer, ia Niio, raonha ok oni hentseȣenniiostake.

¹¹ Ethone onen notkon ȣahotkaȣe, nok ok eh kanenraratie ne ratironhiakeronon oni ȣahonȣanonte.

¹² Ȣahariȣaronke ne Iesos tsi ronȣannhoton ne Saȣatis, Galilé niiahare.

¹³ Ehren oni Sarete ne Nazaretne, Capernaiim niionsare eh ionsahatien, kaniatarakta kanataien, tsi tetiatonȣentsianekhenhatie ne Zabulon tanon Nephtali.

¹⁴ Ne are nehne niakaierite tsi nihatonhakȣe ne Rotokensehakȣe Esai, raton.

¹⁵ Tsi ȣatonȣentsiate ne Zabulon oni ne Nephtali tsi ȣahohatatie ne teioniataroien, isinonkȣati ne Jourdain, nehne Galilé niah teiakoriȣiioston.

¹⁶ Tohiken asatakon iakonnhetiene, kasȣathetseroȣanen ȣaontkatho; nehoni nakȣa tiakononkȣisenne ne kenheiatne, ȣatiakosȣathene.

¹⁷ Ethone oni onen ne Iesos tahatasaȣen ȣahateriȣanoton, oni ȣahenron; Saseȣatatreȣat aseken akta ihȣe ne Niio rahonakerasera.

¹⁸ Tsi tehoteniataratasehatie ne Iesos tsi kaniatare ne Galilé, etho Sasakoken iatatekenhaha nehne Simon, Tier ronȣanatonkȣen, tanon André teiatennontere, iataharoskȣe, aseken nitsiaskȣaskȣe.

¹⁹ Nok iasakaȣenhase: karo kasene, nok ii enkenon Onkȣe entsitsiariokaȣinesheke.

²⁰ Ok etho taiatsiakȣarisi ne raonahare, ȣahonȣasere.

²¹ Sekon ihsi niiore niionsare ehare sasakoken iatatekenhaha oni nehne, Sak, Zepedé roienha tanon San teiatennontere, kaonȣakon niiati, tehonti ne ronȣaniha Zepedé, satikȣatakȣas ne raonahare; nok iasakononke.

²² Ok etho taiatsiakȣarisi ne raotihonȣeia oni ne ronȣaniha, ȣaonȣasere.

²³ Nok ne Iesos tehoststekafenhatieskȣe, tsini ȣatonȣentsia ne Galilé, Sakotatihaties tsi kanonsoton nʼononsatokenti, rorihotasionhaties Oriȣatokenti Karonhiakeka, nok Sesakotsientonhaties nʼiatokannrotenson, tsi ok naiakoiataȣenseke nʼonkȣeokon.

²⁴ Nese ȣahonni ȣahasennoȣannha rahotinakeraserakon ne Syrian; eh onikenh iontatiatheskȣe nʼiakonnraronnion, niatekannrotenson, Otkon iakonatienni, iakaȣennitaronnis, iakoiatakenheion: nok sesakotsienthakȣe.

²⁵ Nok kentiokoȣanon tahonȣanonteratiete ne Galilé, Décapolis, oni ne Jerusalem, Judée, nok oni nisinonkȣati ne Jourdain.