Matthew 3 - Ohiatonhseratokénti

Asenhaton Nateioteriȣasonterakȣen.

¹ Ehnonȣe sikahaȣis ne Saȣatis nihotasaȣe ȣasakorionnien tsini hononȣentsia ne Sitaeronon.

² Ratonne: Saseȣatat reȣat: Aseken onen akta ihȣe ne Niio rahonakerasera.

³ Aseken onen ȣaraȣe; ne rotonhakȣe tsi raȣen ne Rotokensehakȣe Isai: Kenhni haȣennoten ne karhakonson raȣennotaties, ratonnes: hetsiseȣahaaseronnien ne Roianer, tsionniarakȣenhaton tsi rohatenion

⁴ Oniakȣaher ononȣerhon ionniaton ne rahotseronniat nok ona rotiatannhenne; tsistarare tanon otsinakontakȣane otsikketa ronnhekȣen.

⁵ Ok kenh tontaiaȣen tsi nonȣésʼenʼsʼ nires, Jerusalem, Judée nok oni ratinakeraserakȣekon ne Jourdain taiontentionko oni neneh.

⁶ Nok akȣekon tasakonekȣahestonhatie, Jourdain Kaihonhakon, teiakotiatokeȣenhatie tsi iakoriȣaneren.

⁷ Nok tanon ȣasakoken Kentiokoȣanen, ne Pharisien, oni Sadusean ratiriȣanontons aontenekȣaeste, ȣasakaȣenhase: Kaȣatsiraksenskȣa! Onka ietsirori naeseȣatekȣase ne Niio raonakȣensera?

⁸ Tioseret Kati ne tkariȣaieri tsi saseȣatatreȣat.

⁹ Nok tosa sekon aonseseȣatonheke ne seȣani-Konrakon: Abraham se sakȣaniha. Aseken nii Kȣarori, tsi haakȣeni ne Niio kenhiken kanenhiakeron aontasakoiatinekenȣe nʼAbraham sakoienhokonha akenhake.

¹⁰ Onen akȣekon niiekonȣatiriȣenton tsinikon ioteronton; nese ȣaonni tsinikon ne iah teȣaianiiontha ne ȣahiio enkarontiakon nok otsirake onȣation.

¹¹ Nese ok ȣahi nii naȣenke kȣanekȣahesta nakaieronnihake tsi tsiseȣatatreȣata; nok tanon nʼonaken tare neh senha rokȣeniatseroȣanen, akȣekon iah teȣakerihonte neok oni ne rahota akathaȣa: rahonha ensetsiseȣanekȣaheste Rahonikonra tokentiserakon oni otsirake.

¹² Rahaȣe ne rasheȣata, akȣekon enhaseȣe ne rahonatsia, rahononsoharake ienhateȣeienton; nok ne kaȣahe otsirake nʼiah teȣasȣas ienhoti.

¹³ Ethone sikahaȣis, Iesos iahoiatorenne ne Saȣatis Kaihionhakon ne Jourdain, Galile nontare neh raniente nahatenekȣaheste.

¹⁴ Ȣatharihoroke ne Saȣatis, ȣahenron: ii tanon teiotonȣentriohon naskenekȣaheste nok kenh ise takeriȣanontonni.

¹⁵ Nok tanon ne Iesos tontahenron: etho niare thiiotonhak: Aseken etho niionkhiriȣisahani naeteniriȣaierite. Ethone onen ok tarennikonriake.

¹⁶ Nok nonen Sahatenekȣaheste, Satontahateskoko; nensok tontonteronhiakhasi, nok ne Saȣatis ȣahoken ne Niio Rahonikonratokenti Orite rotiatontakȣenhatie Karonhiake nontare.

¹⁷ Nok Karonhiake oni tahaȣenninekenne, ȣahenron: nehne Riienha rinoronkȣakoȣa, rahonhake ȣakien nakenoronkȣasera.