Matthew 27 - Ohiatonhseratokénti

Teȣasen nok tsiatak Teioteriȣasonterakȣen.

¹ NOK nonen siiorhonkene, ȣahontkennisa ne ratitsihenstakȣeniios oni ne rotikstenhokonha ȣahonȣatsienhaien ne Iesos oni nahonȣario.

² Ȣahonȣanerenke, Pilatne niiaonȣaiatenhaȣe ehoni iahonȣatsiakȣarisi.

³ Ethone ne Sitas Sahonikonraientane tsi ronȣariȣentane, sahatateriȣasten, nok ionsahaaȣe nasen nikaȣistasen eh ionsahoti rahotihenton ratitsihentakȣeniios oni rotikstenhokonha

⁴ Ratonne: onkennhike kanekȣensanoron ȣakatenninon. Tahonniron ii kati ken onkȣariȣa? Satateriȣaseronnien ki ȣahi nise.

⁵ Ok eh tiionsahoti ononsatokentike, ehren sarete nok iahatatniaterenke.

⁶ Kenh kaien ne Ratitsihenstakȣeniios sahatiiena noȣista nok ȣahonniron: iah teioianere ne iataonseteȣaieste ne kaȣistakȣeniioke aonseteȣata: Aseken Onekȣensa iateiohnenon

⁷ Nok iathotiriȣaientase ranahtsionni ȣahonȣahetaninon, tiiete enhiontatiatatahastake.

⁸ Nese ȣaonni sekon nonȣa, Onekȣensa aoheta, konȣanatonkȣa.

⁹ Neh kati iakaierite tsinihaȣen Rotokensehakȣe Jeremi; raȣen: sahatiiena nʼasen nikaȣistasen neneh iatehonenon tsi ronȣatenninon ne tehonȣakonhentakȣen, ne oni ronateriȣaseronniaton nʼIsraerhaka.

¹⁰ Neh sahonȣahetaninonte ne ranatsionni, tsiki nihakeriȣaȣi ne Roianer.

¹¹ Iesos iahonȣaiatheȣe rahoenton ne rakora, nok tahoriȣanontonse, ȣahenron; Iseken ne Sitaeronon Iesanontiio? Tontahenron ne Iesos akȣa tasierite.

¹² Eh nonȣe nahonȣariȣarho ne ratitsihenstakȣeniios oni ne rotikstenhokonha, iah othenon tatethoriȣaserakȣen ne Iesos.

¹³ Ethone ne Pilat ȣahenron: iah kenh tesathonte tsini iesariȣarhos?

¹⁴ Iah ki othenon tethotati, nese ȣahonni ȣahonerako ne rakora.

¹⁵ Enskat tsinihorennhaonne ne rakora, neh nonȣe nikahaȣis tsinishatonnhethe enskat ens ne ranaskȣa enshonnhotonko, kaȣenniio, neh oni nenhonȣariȣanonton nonkȣe okon.

¹⁶ Saiatat kati rannhotonkȣe nethone neneh iah teseȣasehton Barabas ronȣaiasts.

¹⁷ Ne kati nonen akȣekon eh saontkennisa, ȣasakaȣenhase ne Pilat; kanikaien enseȣarako Barabas ahonsahiiatkaȣe ok neʼsʼenʼsʼ Iesos neneh Keristos ronȣanatonkȣa?

¹⁸ Aseken roterientare tsi kannoshatsera ok ahoriȣa tsi ronȣaienahatie.

¹⁹ Nok tsinikariȣes renstskȣahere tsi tehaiatoretakȣa, ioteriȣanietonhatie ne rone, ȣaton: Tosa othenon sasterist ne kenh Tronkȣetaieri rahoriȣake, Aseken oriȣiio onte tsi ȣateȣakateserentatieronnionse nonȣa ȣasontatekȣe raonha raiatatake.

²⁰ Nok tanon ne Ratitsihenstoȣanens oni ne rotikstenhokonha, ȣasakotinikonrata nonkȣeokon ne Barabas ahonȣariȣanonton, nok ahonȣatonte ne Iesos.

²¹ Tontahenron kati ne Rakora: kah nikaien enshiiatkaȣe ne teniiase? Tontahonniron Barabas.

²² Tontahenron ne Pilat; oh kati neneh nenhoiataȣen ne Iesos Keristos ronȣanatonkȣa?

²³ Akȣekon ok tontahotihenrete: Tehaientannharak, Tontahenron ne rakora: oh nekenh nahoten shoteriȣateȣaton? Ok ehken tahonkȣisron ronton tehaientannharak.

²⁴ Pilat Sahattoke tsi iah othenon ohriȣa tehatons, ok ehken tahonkȣisronne, Oneka ȣahariȣanonton. Akohenton nonkȣeokon eh ȣahatsiohare nok raton: iah othenon teȣakiatoron ne raonekȣensa; ise kati enseȣateriȣaketate.

²⁵ Akȣehon ok tahonniron ii iakȣateriȣaketat, oni ne iakhiienhokonha!

²⁶ Ethone ki tontahonȣaiatinekenȣe ne Barabas: nok ȣahatennhane ȣahonȣasokȣaȣesson ne Iesos, ethone onen ȣasakotsiakȣarisien ne tahonȣaientannharen.

²⁷ Nok ne Kora raosotar tsi teieriȣakennhatha niiahonȣaiatenhaȣe ne Iesos, eh oni nonȣe naonnitiokȣaroroke.

²⁸ Nonen sahonȣaseronniasi ne raotseronniat, kane tarhon sahonȣaseronniate!

²⁹ Nok ohikta ȣahonnonȣarotseronni neh ȣahonȣanonȣaroroke, tanon tsi raȣeientetakon nonkȣati taonȣanhnion, teho ȣatontsotanihakȣe, ronton: ȣatkȣanonȣeron Israerronon Iesanontiio!

³⁰ Ronȣanistskeroseras oni tehonȣanonȣarehekhons.

³¹ Nok nonen sahonaterihonkoten tsi ronȣatentoriatha, sahonȣaseronniasi ne kanetarhon neneh rahotseronniat sahonȣaseronniate, nok ȣahonȣatiatatentiate ȣathonȣaientannharana.

³² Onen sihotiiakenhonhatie eh ȣathonterane, Cireneanronon, Simon ronȣaiats neh ȣahonȣaton-nioktakȣen nahatiasaketate ne Iesos raoiasa.

³³ Nok siiahonneȣe Golgota konȣanatonkȣa nehsakat naiahiron tsi ionontokeronte.

³⁴ Ȣahonȣanekanonte iotsitsiatken nok ostsate tekaieston; neok ne ȣahatkense iah tehonekiren.

³⁵ Nok nonen sahonȣaiasakestsko, ȣahatiȣastiakon tsi ȣahontatiakonhase ne raotseronniat, niakaierite tsinihaȣen ne Rotokensehakȣe: ȣahontatiakhonhase nakatseronnia, nok ȣahatiȣastotsi nakekhare

³⁶ Nok sahontien, Tehotinenraien.

³⁷ Ehneken tsi rotenontsistate ȣahatisȣenkaranentakte eh kaiaton ȣatrori tsinahoten rostonton; ȣaton: neh kehiken ne Iesos Sitaeronon Ronȣanontiio.

³⁸ Teniiase Tenonkȣetaksenskȣa ȣahonȣariskonte, saiata tsi raȣeientetakoa nok saiata shanekȣati.

³⁹ Tsiniiakon neh iontoheststakȣe ronȣenratonnihakȣe akȣa teionnonkarenrons.

⁴⁰ Nok ionton: ise ne senonsarisions nononsatokenti nok asen nonta sesenonsakestskȣas! satatiatakennha tanon nonȣa onen, Toka Niio iaienha akenhake tontasastsnent nonȣa ne kaiasake.

⁴¹ Ehoni neneh nihatiierhakȣe ne ratitsihenstakȣeniios, tehatiȣennaseraties ne ratiiatons oni ne rotikstenhokonha thihonȣaieron ronton.

⁴² Sakoiatakennhaon nakoren, nok iah tehatatiatakennhas ne rahonha: ne nahonȣahnontiioke nʼIsraerronon, tethastsnent nonȣa ne kaiasake nok oksaok enteshakȣetakȣe.

⁴³ Niio rohniahesen; ne kati nahonoronkȣake ne Niio roiatakennha kitanon nonȣa: raȣenȣahi Niio rakienha.

⁴⁴ Ronȣenratonnihakȣe oni neneh noseronni rotiiatentonhakȣe, tenonkȣetaksenskȣa.

⁴⁵ Iaiak siioȣistahehatie onȣentsiakȣekon taiokaraȣe tsiniiore ne tioton niioȣistahe.

⁴⁶ Ne nahoten tioten siioȣistahe ȣathohenrete ne Iesos, raton: Eli! Eli! lamma sabachtani? Saton: Niio! Niio! ohniiotieren tsi takateȣenteton.

⁴⁷ Nok otiake netho ionkȣene iakothonte neh nikaȣennoten, ȣaontonnion: Elie iehononks.

⁴⁸ Saiata ratakhe tekanekakȣa iahatrakȣe, kanakarakenhiate ȣaroharen, nok neh ȣarate tsi ȣahonekanonte.

⁴⁹ Otiake rontonhakȣe: teȣaterharat kateshiken entre nʼElie nahoiatakennha.

⁵⁰ Ethone are onen Tonsahohenrete ne Iesos nok ȣahatonniseraton.

⁵¹ Eh nikahaȣi Ononsatokentike ioniatarenton asennon ȣateȣatoren, ehneken tontasaȣen tsiniiore netake; nok ȣatiaonȣentsishonkȣe ȣateȣatenenhiorenseron oni.

⁵² Nok ontennhotonkȣenhaton tsi ieiatatarion nakoiatatokentikenha sahiontonnhethon oni.

⁵³ Nok nonen sonsahatonnhete, tontaieiakenne tsi ieiatatakȣe, onatatokentike niiahonne eh saiontatkenseron.

⁵⁴ Kenh kaien ne Sotar-koȣa oni tsinihati ronȣanennhakȣe ne Iesos, ȣahontkatto ȣatiaonȣentsishonkȣe tsi oni nikon ontotasionko, ȣahonateronhienten nok ȣahonniron: Oriȣiio tsi Niio Roienha kenhne kehiken.

⁵⁵ Iohnentiokoȣanen tsionathonȣisen isiniha titkontinikonraratieskȣe, Galile niiore thonȣaseron ne Iesos neh oni Tehonȣasnietiene.

⁵⁶ Eh kontiiatarakȣe ne Ȣaritere nok ȣari sak tanon Sose sakotinistenha, oni Zepede sakotinistenha.

⁵⁷ Onen siiokarahane saiatat rokȣatse Ariȣatironon. Sose ronȣaiats, raiatarakȣe ne Iesos raotiokȣake.

⁵⁸ Pilatne ȣarete, ȣahoneken Iesos raoieronta, oksaok ȣahoteȣentetase.

⁵⁹ Eh kati nahaȣenne ȣahaiena ne Sose nʼoieronta, nok neh nakȣa kaniatariio ȣathaȣaȣenhekte.

⁶⁰ Nok eh ȣahata tsi nonȣe nakȣa raonha nihotsonhionnihne, oststenrake rorarakonne; nok kanenhioȣanen ȣahanontekte nok sahatenti.

⁶¹ Nok ȣaritere oni ne skaiatat ȣari, akȣa teiotokenton tsi iokaronte nonȣe nikenistskȣarakȣe.

⁶² Tsi ȣahorhenne iotenniserohestakȣenke tsi niekȣatakȣas ne ȣentanoronsere. Pilatne ȣahontkennisa ne ratitsihenstoȣanens oni ne Pharisian.

⁶³ Nok ȣahonniron: Saianer! tsiakȣeiaras tsinahoten ratonhakȣe ne sekon sironnhe kehiken tsiaonkȣetokenha: Raȣen asen nenȣata enteȣakenheion enskatonnhete.

⁶⁴ Asatennhahne katitakanenraientake tsi raiatat, tsiniiore nasen nenȣata; onȣa kehiken asonthenne enthonne ne raotiokȣa nok iaonsahatihaȣe ne raoieronta, tanon asakotirori nonkȣeokon ahonniron Shotonnheton. Onen senha neh Kanikonrhatoȣanen enȣaton tsiniiot ne tiotierenton.

⁶⁵ Tontahenron ne Pilat: tsionkȣetaien ne ratinonne, tsi kati nitiseȣanonȣes eh naseȣaier tsi seȣakȣatako.

⁶⁶ Eh kati ȣahonnete nok ȣahatikȣatako, ȣasakotiteron oni nenhontennikonraren.