Matthew 26 - Ohiatonhseratokénti

Teȣasen nok iaiak Teioteriȣasonterakȣen.

¹ Ne nonen saharihokten ne Iesos, ȣasakaȣenhase ne raotiokȣa.

² Seȣaterientare ȣahi tsi teseȣenniserake ok onen enshatonhete; onen oni enhonȣatehȣentete nʼOnkȣe Roienha ne tahonȣaientannharen.

³ Ethone oni onen ȣahontkennisa ne Ratitsihenstoȣanens ratiiatons oni ne rotikstenhokonha rahononskon ne ronȣakoȣanen Kaif ronȣaiastskȣe.

⁴ Nok neh ȣahatitsienhaientakȣe kah nahontahatiierate tsi ahonȣaiena nok ahonȣario ne Iesos.

⁵ Nok tanon rontonhakȣe: Tosa ki tanon tsiniȣentanoron akenhake, onȣa sotsi enkarihoȣannha tenhiakonikonrharen oni nʼonkȣeokon.

⁶ Tsini kariȣes, sekon oni Betani sitres ne Iesos, raononskon ne Simon roststaȣis,

⁷ Tsiothonȣisen eh onȣe Katsetenhaȣi titeȣenhienahere nʼakȣa ȣenhienanoron, nok tsinikariȣes tehostskaon, ranontsine tonȣeron ȣahahokaȣe.

⁸ Nok ne raotiokȣa ohia nontahonatierase nok ȣahonniron: nahoten kasta enȣaton nikon ȣakaiesha?

⁹ Esose naha iataiohnenon naontenninonke nok iakotent aiontatitenraton.

¹⁰ Nok tanon ne Iesos rotorientaratsihon are, ȣasakaȣenhase: ohniiotieren tsi seȣariȣastani ne kenh tsiothonȣisen? Aseken oriȣiio tsi takariȣaierite nii akeriȣake tsi nakaiere.

¹¹ Aseken tiotkon enseȣaientake ne iakotent, iah tanon nii tiotkon tataskȣakanerake.

¹² Aseken tsi onkiatokaȣe ne ȣeniehnakon neh takakȣatakȣate tsi enhionkiatata.

¹³ Oriȣiio, Oriȣiio tsi kȣarori: tsi onȣentsiakȣekon; kahkiok oni nonȣe nenhieȣennanoton ne kenh Oriȣatokenti Kariȣiio ethoʼkʼniioriȣake entsiontroriatake tsi nahaiere.

¹⁴ Ethone onen saiatat ne tekeni iaȣenre nihati, Sitas Iskariot ronȣaiats ȣasakotkensera ne Ratitsihenstakȣeniios:

¹⁵ Nok ȣasakoriȣanontonse; ȣahenron: toh naskȣakariakse nakȣatsiakȣarisien? Asen nikaȣistasen ȣahonȣasetase.

¹⁶ Neok oni onen saresake naontiesenne ahotenninon.

¹⁷ Neneh sontontenniseratierente tsini ienataraks ne iah teȣattenkȣaton, ȣaonȣariȣanontonse ne raotiokȣa; ȣahonniron: Kah nonȣe nisere aiakȣakhonniana ne Shotonnhestston?

¹⁸ Nok tontahenron: kanatakon niiahasene, kenh nonȣe thononsote, nok enseȣenron: Raton ne Roianer; onen thoha aonkatenniseroktase; sanonskon kati tenhiakȣastskaon nakitiokȣa ne Shotonnhestston.

¹⁹ Nok ne raotiokȣa eh nahatiiere tsinisakonnhaon ne Iesos.

²⁰ Nok nonen sontaiokaraȣe, atekkȣaratserakta ȣahanistskȣaren, nok oni ne tekeni iaȣenre nihati,

²¹ Nok tsini kariȣes tehonastskaon ȣasakaȣenhase: Oriȣiio akȣa Oriȣiio tsi ȣakȣarori tsi saiatat tsinitsion enhakatenninon.

²² Nok koȣanen tsi ȣahotinikonrakson, nok satiiatatson taontasaȣen ȣahonȣariȣanontonse, ronton: Saianer: ii onteh kenh?

²³ Tontahenron, ne nonȣa ne kenh teiakiatonts enhakatenninon.

²⁴ Kenh kaien nʼOnkȣe Roienha satentionhe tsikiniiot tsi kaiaton ne raonha raiatatake; nok tanon rotentasere ne ronkȣe nʼenhotenninon nʼOnkȣe Roienha! Senha aioianerenhon ne tosa nonȣenton ahonakeraton netho ronkȣe.

²⁵ Sitas ne neh rotenninonre tahatati ȣahenron! Saianer ii ontehken? tontahenron ne Iesos, akȣa neok ne taseriȣaierite.

²⁶ Nok tsinikariȣes tehonastskaon, Iesos ȣatrakȣe kanatarok nok ȣahaiatateriste oni ȣathaiake nok iasakaon ne raotiokȣa, nok ȣahenron: Seȣaiena iseȣak nehkehiken nakieronta.

²⁷ Katse oni tonsarakȣe nok ȣahaiatateriste, iashakaon, ȣahenron: seȣakȣekon seȣanekira.

²⁸ Aseken neh kehiken nakenekȣensa, neh nonekȣensa nʼase Kariȣaniraststakȣen, kentiokoȣanen iontatenekȣensarise, naonsonterakeȣate tsi iakoriȣaneren.

²⁹ Onen kati ȣakȣarori tsi iah sekon taonsaknekira nonenharakeri tsiniiore ienȣatenniseriheȣe entsiteȣanekira raonakeraserakon ne Rakeniha.

³⁰ Nok nonen sahatirennokten, Olivier Onontoharake niiahonne,

³¹ Ethone ne Iesos ȣasakorori ȣahenron: Onȣa kenh ȣasontate enseȣatateriȣaientaten nii akeriȣake; Aseken ȣaton tsi kaiaton: enhiiente ne ranonhne, nok tenkonreni ne teiotinakarontonha.

³² Nok tanon nonen enseȣakatonnheton, enkȣahentete Galilene niienhenke.

³³ Tier tahatati ȣahenron: ok oni niahonstsahate, iah kinii nonȣenton.

³⁴ Tontahenron ne Iesos: Oriȣiio tsi ȣakonrori, tsi onȣa kenh ȣasontate ohenton nahontontati ne kitkit asen nenskatonnhiiase.

³⁵ Tontahenron ne Tier; ok onte oni naionkhiiariskontane aionkhiriosere iah kinonȣenton tiiakonhiatonnhiiase, Akȣekon ok eh nahatiiere, ne raotiokȣa,

³⁶ Ethone onen Getsemane konȣanatonkȣa niiahare ne Iesos; nok ȣasakaȣenhase ne raotiokȣa: kentho seȣatien, tsiniiore ienkaterennaientako tsinonȣe ȣake.

³⁷ Neok iasakoiatenhaȣe ne Tier, tanon teniiase ne Zepedé sakoienhokonha, ethone oni onen tontasaȣen ȣahonikonranonȣake, oni ȣahaȣeriasanonȣake.

³⁸ Ethone oni onen ȣasakorori ȣahenron; Skanorons aonkeriiote tsini ȣakenikonranonȣaks; kentho seȣenterontak nok seȣatieȣaten.

³⁹ Nok isih niiore niionsare nok etho ȣahatiskȣentahren, ȣahaterennaien, raton, Rakeni! aontonsekeʼsʼ enʼsʼ ehren askhaȣitase ne kenh katse; tosa ki tanon ii aontonkenikonraierite, ise ki aontesanikonriione.

⁴⁰ Eh natontare tsi ratiteron ne raotiokȣa, nok rotitas; ȣahaȣenhase kati ne Tier: ionerakȣat ȣahi tsi iah tensakȣenion arahona enskat aioȣistahe enskatne aiontiatieȣatake?

⁴¹ Seȣatieȣaten nok seȣaterennaien ne tosa aeseȣanikonrasenni: Aseken kaiatasnore nonikonra nok ioiatakenheion noȣaron.

⁴² Sekon isih niionsare neneh tekenihaton, nok ȣahaterennaien raton: Rakeni niah taontonsere nehren nʼaontohestste ne katse nʼiah taknekirane, ehkiniiaȣenn tsini sanikonroten.

⁴³ Ehare natontare, sekon are sasakotkatho rotitas; aseken akȣaki ok tatehotironȣekskȣe.

⁴⁴ Nok iah othenon tesakosteriston sekon isih niionsare, nok onen neh nasenhaton nahaterennaien, ok neh tontahatasaȣen.

⁴⁵ Ethone onen are eh saraȣe, nok ȣasakaȣenhase ne raotiokȣa: Seȣentaf onen nok seȣatorissen; onen iakaeȣe, naontatenaskȣaienhase ne ionkȣetaksens nʼOnkȣe Roienha.

⁴⁶ Hennioh teseȣatann, onen kenh ihre ne rakatenninonre.

⁴⁷ Sekon ok nihottare, eh ȣahoketote ne Sitas, enskat ne tekeni iaȣenre nihati kentiokoȣanen rotiokȣine, ronsharenhaȣinontie, Kanhiashonha oni, nene ratitsihenstakȣeniios sakonatorihatie.

⁴⁸ Kenh kaien ne rotenninonre ne, sakotehnienten tseraȣi raȣen: nehne tenhinoronkȣanion neh hetsiseȣaiena.

⁴⁹ Oksire ȣahoteranentaktenne Iesos, nok Sahenron: Saianer! ȣatkonnonȣeraton, nok ȣathonoronkȣanion.

⁵⁰ Nok tontahenron ne Iesos: ohrie, oh nahoten ahoriȣake tsi kenh ises? Ethone okta ȣahonnete nok ȣaonȣaiena ne Iesos.

⁵¹ Saiatat tsinihotiokȣa ne Iesos tahasharotsiate ne raosharekoȣa nok saiatat ne ratsihenstoȣanen raonnhatsera ȣahoiente, akȣa iahohontiakte.

⁵² Ethone tahenron ne Iesos: Saseta ne sasharekoȣa tsinonȣe niionakte: Aseken tsiniiakon neh enkonȣaniahese ok neh entsiakorioste.

⁵³ Iah kenh tasere aontonse nahineken ne Rakeniha nonȣa, akȣa ok oni aiononteratie ahontahakatennietase oni ne isihnon tekeni iaȣenre nikentiokȣake Ratironhiakeronon?

⁵⁴ Oh kati tanon naiaȣenne naiotiȣennaierite tsini kaiatonnion kenton ehse nenhiaȣenne?

⁵⁵ Ethone ne Iesos ȣasakaȣenhase ne shotitiokȣa, ȣahenron: Assarekoȣa, kanhnia Seȣahaȣinontie tsi takȣaienasere, anioʼsʼiken onkȣetaksenskȣa; niateȣenniserake teȣakȣekonhatieskȣe, kȣarioniennihatie Ononsatokentike nok iah teskȣaiena.

⁵⁶ Akȣa ki tanon neok ne tahotiȣennaierite tsi nahaȣenseron, tsi nihotiiaton ne Rotitokensehakȣe Ethone neraotiokȣa ȣahonȣateȣentete nok ȣahonteko.

⁵⁷ Kenh kaien ne Iesos ȣahonȣaiena Kaike fniiaonȣaiatenhaȣe Ratsihenstakȣeniioke, eh thonatkennisonhonne ne Ratiiatons, Rotikstenhokonha oni.

⁵⁸ Nok ne Tier isihniha tihononteratie tsi niiore Ratsihenstoȣanen raotehenrakon rakaenhionne toh niienhiaȣenne.

⁵⁹ Kenh kaien ne Ratitsihenstakȣeniios oni ne Rotikstenokonha oni kanenrakȣekon tihonterientisaskȣe kanikonrhatonke tsi ahonȣario ne Iesos.

⁶⁰ Iah tanon tehatiriȣatsenrieskȣe; kentiokoȣanen sane ȣahonnoȣentanion iah ki tehotiȣeienstase; kahre onen teniiase eh ȣatnitane.

⁶¹ Ȣaniron; Raȣen naha kehiken: Akkȣeni Akenonsari Niio raononsa, nok asen naonta aonsake nonsaketsko.

⁶² Ethone ȣathatane ne Ratsihenstoȣanen, nok ȣahaȣenhase iah kenh tataontaseriȣaserako? Tsinahoten iesariȣarhos ne kenh kaien?

⁶³ Iah oh tahenron ne Iesos Nok ne Ratsihenstoȣanen tontahenron: ȣakonriȣaneken raosennakon ne Niio, naskȣarori ise kenh ne Keristos, Niio Roienha.

⁶⁴ Tontahenron ne Iesos; akȣa tasierite; kenh nii kaien enkonrori, tsi onȣa enȣatasaȣen entsiseȣaken nʼOnkȣe Roienha, enhataȣeiate enhanistskȣaren oni tsi raȣeientetakon roosastenserakon ne Niio, nok otsikerakesson tsi Tkaronhiate tenthaientakȣe.

⁶⁵ Ethone ne Ratsihenstoȣanen ȣaharatsionko ne raotseronnia nok ȣahenron: ȣahateȣennaiesate, nahoten taonsaionkȣatonȣentsionitakȣake ne Temoins, akȣa nonȣa ise seȣathonte ȣahateȣennaiesate; nahoten kati enseȣenren?

⁶⁶ Tontahonniron: tehotentsion narenheiate.

⁶⁷ Ethone oni taontasaȣen ȣahonȣanistskeroseraȣe rakonsake: Otiake ronȣaranonsaiaakhonskȣe, nok notiake raotinnhia ronȣaienthakȣe.

⁶⁸ Ronton: Keristos takȣarori onka ȣahesaiente.

⁶⁹ Astste atehenrakon eh renteron ne Tier; skaiatat ne kannhatsera ȣahoteranentakten, nok ȣakenron: Senikȣekonne ȣahi oni nise ne Iesos Galileenronon?

⁷⁰ Ȣahatonnhiie tanon akohenton nonkȣe; ȣahenron: iah ohtekeriȣaienteri tsinahoten saton.

⁷¹ Nok nonen sishoiakenhonhatie, tikaiatate sahoken, nok ȣahakororianion netho ieteron ȣakenron: nehoni kehiken saniiatat ne Iesos Nazaretronon.

⁷² Sekon are sahatonnhiie, ȣahenron: iah tehiienteri ntho ronkȣe.

⁷³ Iah akȣa tekariȣes ohnakenke, neh netho ionkȣene ȣahonȣateranentakten, nok ȣaonȣenhase ne Tier: Oriȣiio onte tsi ok neh seseniiatat, tsi sathare ȣatrori.

⁷⁴ Ethone onen ȣathateriatikhon, ȣahariȣanirate ȣahenron: iah othenon tehiienteri netho ronkȣe: Ok eh karatie tontati kitkit.

⁷⁵ Nok ne Tier sareiarane Tsinithotati ne Iesos, Raȣen: ohenton naontontati ne Kittit asen nenskatonnhiiase, Sahaiakenne nok otsitoȣann ȣathasentho.