Matthew 23 - Ohiatonhseratokénti

Teȣasen-asen iaȣenre aton Teioteriȣasonterakȣen.

¹ Ethone ne Iesos iahatati tsinonkȣati nonkȣe okon oni ne raotiokȣa.

² ȣahenron: Ratiiatons oni ne Pharisian Moïs raonistskȣarane ratistskȣahere.

³ Tsikati nahoten enhietsiriȣatatse naeseȣariȣanoronkȣe, seȣariȣanoronk eh oni naseȣaier; tosa ki tanon teietsiiateȣeiennak, aseken neok ne ronton, iah ki eh tehatiierha.

⁴ Aseken karienoȣanens, iorienakste oni ratirienonnis nok sakotiketasts nonkȣeokon; iah tanon ne rononha kenh tehatiierha, Sekonʼsʼ enʼsʼ oni neok nʼiataonnisnonsaren.

⁵ Akȣa oni neok, neok ronesakon ne taonȣatirensaronste nonkȣe okon ne rahotiȣeiennake: Aseken kennoȣanens ronaninaniionton, oni ȣakoses tekafasontakȣen ne rahonatiataȣit.

⁶ Neok ronesakon tsinonȣe niiotkonniens tsi ȣatenniote, oni tsi ronterennaientakȣa.

⁷ Tahonȣatinonȣeratonseke nʼonkȣeokon tsi ionkȣene, nok ahonȣatinatonkȣake nʼonkȣeokon, Sonkȣaȣenniio!

⁸ Tosa tanon nise aietsinatonkȣake: Sonkȣaȣenniio! Aseken Keristos ok raonhaa hetsiseȣarihonnienni nok nise akȣekon tiieseȣatatekenha.

⁹ Tosa oni onka shenatonkȣak ne kentho onȣentsiake iahniha: Aseken enskat ok Sanisen, nehne Karonhiake thenteron.

¹⁰ Tosa oni aietsinatonkȣak Sonkȣarionnienni, Keristos se ȣahi hetsiseȣarionnienni.

¹¹ Okeken tanon onka tsinitsion akȣa anioh ratatonnis neh seȣatatennhatseronnion,

¹² Aseken nenhatatkonnienste enhonȣakenron nok nenhatatkenron, enhonȣakonnienste.

¹³ Nok ki tanon nise seȣententasere ne Seȣaiatons oni Pharisian Akonȣara! iestsinnhotonse nonkȣeokon naiontaȣeiate ne Karonhiake; iah ki tanon oni nise teseȣataȣeiatane, iah oni teietsiiaȣis niienre iakataȣeiat, nʼiaiontaȣeiate.

¹⁴ Seȣententasere ise ne Seȣaiatons oni Pharisian Akonȣara! iestsinonskarihatons ne iakotereons neh seȣariȣakenserakȣa tsini seȣaterennaientaktseres; ne se ȣahonni senha kareȣatatseroȣanen enseȣatreȣatakȣe.

¹⁵ Seȣententasere ise ne Seȣaiatons oni Pharisian Akonȣara! Aseken onȣentsiakȣekon nitiseȣetha ne taietsiriȣateni; nok nonen tenhateriȣateni tenȣatiaseren tsisenha ranesonronon enhaton tsiniiot nise.

¹⁶ Seȣententasere ise ne teieronȣekon ietsiiasarine! Seȣatons enʼsʼ: iah othenon tekariȣa nʼononsatokenti aieriȣanirastte; kenh kaien enhiakonontannhake nenhieriȣanirastste tsiniiostston noȣistanoron.

¹⁷ Teseȣanonȣaraȣenrie oni teseȣaronȣekon! Kah nah nikaien senha kanoron: oȣistanoron, ok ne neh Ononsatokenti ne se ȣahi ionoronstakȣen noȣistanoron?

¹⁸ Oni Seȣatons enʼsʼ ȣahiken; onkakiok enhariȣanirastste tsi Iotsienharakȣa, iah othenon teiotieren; kenh kaien kariȣa naieriȣanirastste tsinahoten kaere.

¹⁹ Teseȣanonȣaraȣenrie oni teseȣaronȣekon! Kanikaien naha senha kanoron, tsiniiot neh kaere, ok ne neh Ietsienharakȣa kariȣanoronsta tsinahoten eh kaere?

²⁰ Neh kati nonka enhariȣanirastste tsi Ietsienharakȣa neh ki enhariȣanirastste oni tsinikon neh kaere.

²¹ Nok nʼononsatokenti enhariȣanirastste, Ononsatokenti ki enhariȣanirastste, oni neh renteron.

²² Nok onkakiok tsi tkaronhiate enhariȣanirastste, Niio raonistskȣara enhariȣanirastste oni netho renstskȣahere.

²³ Seȣententasere ise ne Seȣaiatons oni Pharisian Akonȣara! Akȣa neneh ionerakȣat akȣekon oni niieseȣakariaks tsiniiore nʼohontesonha; nok isi ietsiseȣare nakȣa kontiriȣakȣeniios tsinonkȣati ne Kaianerenseratokenti: neh ȣahi tohiken, ateriȣakȣarisiontsera, atanitenron, Teȣetakon, neh kehiken teioionȣentsiohonne aeseȣaststeniaronke, tosa kineneh sane aeseȣariontion notiake.

²⁴ Ietsiiasarine ne teieronȣekon! Seȣanonȣakenststa ne kenh nikatsinonȣasa, nok ieseȣatiatanekȣanons nʼoniakȣaer.

²⁵ Seȣententasere ise ne Seȣaiatons oni Pharisian Akonȣara! Akȣa neneh ionerakȣat nastste nonkȣati aeseȣanoharenion nakerasonha oni ne katsesonha, nok tanon ne nakon titkahere, kanensken, oni kanonȣaratonsera.

²⁶ Pharisian teseȣaronȣekon! Katsetakon nonkȣati taseȣatierent seȣanohare, tosa oni aiohrak nastste nonkati.

²⁷ Seȣententasere ise ne, Seȣaiatons oni Pharisian Akonȣara! Akȣa eh niseȣaiatoten tsi ieiatatarionʼsʼ-ihken kakȣatakȣen karaseston, akȣa kiʼsʼ enʼsʼ anio ioȣeienston nʼastste nonkȣatikȣen nok ki tanon ne nakon titkaskenrhahere oni ostienhokonkenha nonkȣeokon.

²⁸ Akȣa kis enʼsʼ anio oni nise seȣaianere astste nʼonkȣene nok ki tanon ne nakon, seȣaiati nʼaionta-tieron oni ne kariȣaneren.

²⁹ Seȣententasere ise ne Seȣaiatons oni Pharisian Akonȣara! Aseken ietsiiatatahas ne Rotitokense, Nok tsiseȣakerakȣa tsi ratiiatatarion ne thotiriȣaieriskȣe.

³⁰ Nok seȣatonʼsʼ enʼs; iah nonȣenton tiiaionkȣariȣanonȣehontsi ronȣanaȣenthon ne Rotitokensehakȣe.

³¹ Oriȣiio kati tsi seȣaterientare tsi ise seȣasotsera ne Sakonaȣenthon ne Rotitokense.

³² Nok ise seȣanahnonhatie tsinikon thonatoktani ne ietsinihokon kenha.

³³ Oniare, kaȣatsiraksenskȣa! oh nenseȣaiere naonseseȣaniakenne tsi tiotekha nʼonesson?

³⁴ Aseken naontakȣatennietase, Rotitokense, thononkȣetaieri oni ratiiatons, aietsiiaȣentho se are, aietsiiasakestsko, aietsisokȣaȣesonnion tsi seȣaterennaientakȣa, nok aietsisereson aietsinaskȣenhaȣison tsi seȣanataienton.

³⁵ Naeseȣateriȣaketate tsinikon ionekiren nonȣentsia ne kanekȣensanoron, tiotasaȣe tsi thonȣario nʼAbel, tsiniiore ne Zakari Barachi roienkenha, akta tsi ietsienharakȣa hetsiseȣario.

³⁶ Oriȣiio tsi kȣarori, akȣekon ise entsiseȣarane.

³⁷ Jerusalem, Jerusalem, ise ne Sherios ne Rotitokense nok ietsinenhioiaks ne tekheiatories! Toh niioriȣake ȣakatenienten aonsakheiataroroke ne Sheienhokonha tsiniiot ne kitkit kaneraontsokon iakoiatasetha nakoienhokonha, nok iah teseȣathontaton.

³⁸ Onen kati Ononsokon enȣaton tsi seȣanonsote.

³⁹ Aseken kȣarori tsi iah teseskȣakensere ohenton tsiniiore ienseȣenron: ahonȣanenton ne tare raosennakon ne Raȣenniio.