Matthew 21 - Ohiatonhseratokénti

Teȣasen enskathaton iaȣenre teioteriȣasonterakȣen.

¹ Onen kanatakta sihonne ne Jerusalem, onen oni sahonneȣe ne Bethphageʼ tsi iononte ne Olivier teniiase ne raotiokȣa iasakotori.

² Ȣahenron: eh iahasene kehiken tkanataien. Entsiatkatho kenseri iatatienha iasaronte: ietsinerensi nok kaietsiiatenhaf.

³ Tokat onka kiok othenon naiahiron, enseniion; Roianer Iehotonȣentsioni, nok oksaok entkonȣanatkaȣe.

⁴ Neh ȣahonni eh nahaȣenne, neh nahoȣennaierite tsinihaȣen ne Rotokensehakȣe.

⁵ Ietsirori ne Sion-ronon Seȣenron: Onen tare ne Ianontiio ȣatonsere Kenseri tahose.

⁶ Eh kati neneh ȣanete, akȣekon oni ȣaniriȣaierite tsini sakonnhaonne ne Iesos.

⁷ Takonȣaiatenhaȣe ne Kenseri, oni ne roienha, rahonatseronniat ȣakonȣarase nok eh taonȣenstskȣaren.

⁸ Iotiokȣatsanit ok neh nakotseronniat ȣahetakȣentarho tsinonȣe nonhatohestste, otiake iennhatoskaronskȣe nok neh iakotieskȣe rahohaake.

⁹ Akȣekon ok oni iontonhakȣe: Ronȣasennaien ne David Roienha! ahonȣanenton ne tare raosennakon ne Raȣenniio! ahonȣasennaien Karonhiake.

¹⁰ Akȣekon ok taiontonneke nok ȣahakonikonkararen nonen siiahataȣeiate Kanatakon Jerusalem, iontonhakȣe; Onka nah onte?

¹¹ Akȣekon ok iontonhakȣe: neneh Iesos Rotokense Nazareth nithaȣenon.

¹² Nok ne Iesos Ononsatokentike iahataȣeiate; akȣekon astste tontasakoiatonti tsiniiakon Kanonskon iontenninonskȣe oni ne ieninonskȣe, ȣahatekȣaratserakarhathoseron ne ronatekȣaratserotonkȣe ne tehontatȣistaȣis, nok ȣasakohnistskȣaratserakarhatoseron norite ronatkerontonkȣe.

¹³ Nok ȣasakaȣenhase: Kaiaton, ȣaton: ionterennaientakȣa enkonȣanatonkȣake nakenonsa, nok nise ienenskȣatha seȣatatenonsonniatenni.

¹⁴ Ok kenh tontaiaȣen tsi ȣahonȣaiatorenne ne tehatironȣekon oni ne rontsinokata nok akȣekon tontasakotsientonhatie.

¹⁵ Ȣahotisense ne ratitsihenstakȣeniios oni ne ratiiatons, sahontkatto tsiniioriȣanerakȣatenions tsi nihoieren ne Iesos, oni tsi iontonnionskȣe n eksaokon: Ahonȣasennaien ne David Roienha.

¹⁶ Ȣahonȣenhase; ȣahonniron: sathonte ken; tsi nahoten iontonnions? nok ne Iesos tontahenron: enh; iah kati kenh nonȣenton teseȣaȣennanote ne kenh nikaȣennoten: eksaokonha neh oni ne sekon ienonkerha iatenhiakotiete tsi nenhiesanenton?

¹⁷ Nok ehren ȣarete, Betani niiahare eh oni non kati iahanonȣete.

¹⁸ Nok nʼorhonkene kanatakon siionsahaȣenon hatie, ȣahatonkariake.

¹⁹ Iahatkatho ohaakta tkerhite tsionionȣarontonha koȣa, akta niiahare; iah tanon othenon teiohienton neok ne ioneratonte; nok ȣarenhase: Tosa oni niha nonȣenton ȣaianiionten, akȣa oksaok onstathen ne karonta.

²⁰ Ȣahotinerako ne raotiokȣa tsinahoten tsi oni niiot tsi ȣahontkatho, nok ȣahonniron: oh nah onte nahaȣenne tsi tontaiaȣentsi onstathen ne kenh kerhite?

²¹ Nok ne Iesos tontahenron: oriȣiio tsi kȣarori; noriȣiio ahonteseȣetakon iah oni othenon tahonteseȣatennoȣentake neseȣeriane, iah neok taeseȣakȣeni neh naeseȣaiere tsi nahoiataȣen ne tsionionȣarontonhakoȣa; ne seʼs enʼsʼ tanon aeseȣenhase ne kenh iononte ehrent set, kaniatarake iasatiatonti eh se nenhiaȣenne.

²² Tsiok nahoten entsiseȣaneken ne Niio Kaȣenniioki neok nʼakȣa teȣetakon, akȣekon entsitsion.

²³ Nonen Ononsatokentike siiehenteron, eh ȣahonneȣe ne Ratitsihenstakȣeniios oni ne rotikstenhokon nok ȣahonȣenhase; kah nitisakȣeniatserenha tsinisierha nonȣa, onka oni iesakȣeniatseraȣi?

²⁴ Tontasakoȣennaȣeron, nok ȣahenron: Tsioriȣat oni nii enkȣariȣanontonse toka enskȣarori ethone ki oni nii enkȣarori kah niteȣakȣeniatserenha tsinitierha nonȣa.

²⁵ Kah nitiaȣenon ne Saȣatis raotenekȣaeston? Karonhiake kenh katen Onkȣene? ȣatonteriȣatihanion, rontonhakȣe: toka enteȣenron: Karonhiake, enthenron ȣahi: oh kati niiotieren tsi iah tetiseȣetakon?

²⁶ Nok nenteȣenron: Onkȣene; neneh iatetsiotteron tsini kentiokoȣanen ionton Rotokense ne Saȣatis.

²⁷ Ethone kati onen ȣahonniron tsi ȣathonȣaȣenna ȣeron: iah othenon teionkȣaterientare. Tontahenron ne raonha, iah ki oni nii tekȣaroriane tsi niȣakȣenia tseroten.

²⁸ Nahoten nise enseȣenron? ne saiatat ne ronkȣe tekeni tehoȣiraien, ȣahaȣenhase saiatat; ȣas kien saiotensera akhetakon.

²⁹ Tahenron iah eh tiiake, Nok tanon tontahatateriȣasten nok eh ȣarete.

³⁰ Neh oni neneh ȣahaȣenhase ne saiatat; etho ȣahenron Saianer nenhiaȣenne eh ienhke. Nok iah eh tiiehaȣenon.

³¹ Kah nikaien ne teniiase tahonikonraierite ne Ronȣaniha? tahonniron nehne thotierenton, Tontahenron; Oriȣiio tsi kȣarori: neh ne ratikarotasions oni ne tsionatakȣakareni ohenton ȣahetsiiatoheststakȣen tsi nonkȣati ne Karonhiake.

³² Aseken ateriȣakȣarisiontserakon thoientakon ne Saȣatis, nok iah tetsiseȣataonsatati; ne ok ne ionkȣetaksen okonha iakotaonsataton oni tiakaȣetakon; nok nise seȣatkathon, nok iah tetiseȣetakon iah oni tetsiseȣatatreȣaton.

³³ Seȣataonsatat sekon oiah tekariȣakentonkȣen; saiatat ne ronkȣe ȣahanenharaientho, ȣahatehenronni, oni tsi ienekonniata tanon tahanikatoten ne iononsaniron; ethone onen ȣasakoni ne ratinenharaienthos, nok ȣahatenti.

³⁴ Nok nonen tsiniȣaiaris, iasakotori ne raonnhatsera naontahatihaȣe tsinikon raoȣenk.

³⁵ Nok tanon ne ratinenharaienthos ȣasakotiiena ne kannhatsera, ȣasakotisokȣaȣeson, otiake ȣasako tirio, nok otiake ȣahonȣatinenhioiake.

³⁶ Sekon ionsasakotori onen oni senha kentiokoȣanen, eh ki oni neneh nontahonȣotiierase.

³⁷ Iakaeȣe ki nakȣa nene Roienha iahotori, nok ȣahenron: tokat naha neneh tenthonȣarhoton ne Riienha.

³⁸ Nok tanon ne ratinenharaienthos, ȣahonniron siiahonȣaken tare: kenh tare ne raoȣenk ȣatonsere; hetsiteȣario tanisa nok onkȣaȣenk enȣaton tsini hoien.

³⁹ Ȣahonȣaiena kati astste ionsaonȣaiatonti nok ȣahonȣario.

⁴⁰ Oh onte nensakoiere tohiken ratinenharaien thos nonen tentre ne Raiatakȣeniio?

⁴¹ Tontahonniron: Oriȣiio onȣe tsi enhatennhane enhonȣanaȣentho nok akoren ensesakoni nenhonȣaȣiseke tsi nikon raoȣenk.

⁴² Tontahenron ne Iesos, iah ken nonȣenton teseȣaȣennanote ne Kaiatonseratokenti; tsi ȣaton: neneh rotineniasȣenhon ne tehatiststenrotha neh ȣakanenhiakȣeniione tsi tekaiosaien: neh kehiken nʼakȣa Roianer eh nihokȣatakȣen, oni ok tiionerakȣat tsi teȣatkattos?

⁴³ Nekati ȣahonni kȣarori katon: entsetsihkȣa ne Niio raonakerasera, neh entsiontaton nenhiakeiaron.

⁴⁴ Onkakiok tenhonenhionko tenhaiatarine, nok tenhoiatorarake nonka enhonenhienienne.

⁴⁵ Kenh kaien ne ratitsihenstakȣeniios oni ne Pharisian ȣahotinikonraientane tsi rononha ȣasakoton tsi nahaiere tsi ȣathariȣakentonȣe.

⁴⁶ Nese ȣaonni ronnerhakȣe asakȣaiena; neh tanon ionsahatitsanike tsi akȣekon ok ionton Rotokense.