Matthew 2 - Ohiatonhseratokénti

Tekenihaton teioteriȣasonterakȣen,

¹ Herod Shihonontiio, nihonakeraton ne Iesos tsi tkanataien ne Bethlehem, etho kati ȣahonneȣe Asen nihati Ratisennoȣanens tsi tkarakȣinekens nontahonne.

² Rontonne: kahnonȣe nihonakeraton ne Sitaeronon Ronȣanontiio ȣatonsere? Tionkȣatkathon ne rahotsistok tsi tkarakȣinekens; nese ȣaonni taiakȣe nasakȣaȣenniioste.

³ Herod ȣahoteronhienten tsi nahoten ȣahariȣaronke, nok kanatakȣekon ne Jelusalem taiontonnekhon.

⁴ Ȣasakoiataroroke ne ratitsihenstatsi, oni ne ratiiatons; ȣasakoriȣanontonse, ȣahenron; kahnonȣe, nenrennakerate ne Keristos.

⁵ Bethlehem, taonniron, aseken etho niiot tsi roiaton ne rotokensehakȣe raton:

⁶ Iah teionatakenrat ne Bethlehem Konȣanntonkȣa Sitaeronon rahonatenata, enhiakotoheststen ne kanatoȣanens, aseken enthaiakenne ne Raȣenniio enhonȣennakeraton rahotiokȣa Israerronon.

⁷ Ethone onen nʼErod otasetonke ionsasakononke ne ratisennoȣanens, ȣasakoriȣanontonse: katke akȣa nonȣe nithonatkathon notsistok.

⁸ Nok Bethlehemke iasakotori, ȣasakaȣenhase: ȣaseȣe hetsiseȣaiatisakha ne raksaa; nok enseskȣarori nonen hentsiseȣaiata tsenrion, aontiesenhake hahiȣenniiostana oni nii.

⁹ Akȣa neok Saharihokten neh nikarihoten, tontahatiiakenne ethone oni oksaok sakonȣaken nʼOtsistok ne thonatkathonne, ahonha ȣakahente tsiniiore iahonneȣe, nok etho iatkatane tsinonȣe nihotonni ne Raksaa.

¹⁰ Iah tiiaieriȣaheȣe tsi nahontsennonni Sonsahontkatho nʼOtsistok.

¹¹ Iahontaȣeiate, etho ȣahonȣaiatatsenri raksaa nikȣekon ne ronistenha Onȣari, ȣahontiskȣentaren tsi rentakere nok ȣahonȣaȣenniioste. Ȣahatinonteksi ne rahotihnata nok ȣahonhion, oȣistanoron, kanetanoron, kaienkȣarakon nok kanonkȣatseranoron iontatiatokasta.

¹² Rahotiserentakon ȣasakotokaten ne Raȣenniio ne tosa Erodne iahonsahontohestste, okkati tiiohahate Sahonthahita tsi Sahontenti.

¹³ Onen Sishonatention, Niio raoronhiakeronon ȣahotokaten ne Sose, ȣahaȣenhase: Satketsko, tetsiatak ne Raksaa oni ne ronistenha, nok Egyptke iaseȣatekȣasen, ehoni iaseȣenterontak tsiniiore ienskonrori: Aseken nʼErod enhoiatisake ne raksaa, aontonseke ahorio.

¹⁴ Iahaietakȣe ne Sose, iokontatie ȣathoiatakȣe ne raksaa oni ne ronistenha nok Egyptke niiaonne.

¹⁵ Ehniiore eh iehatiteron tsi niiore iarenheie nʼErod; ehare nonȣe enskat iakaierite tsi nihaȣen ne Roianer, tsi ratonhakȣe ne Rotoken sehakȣe: Egyptke ieshinonkon ne riienha.

¹⁶ Ȣahonakȣen nʼErod sahattoke tsi ronȣanikonrhatenni ne ratisennoȣanens, ȣahatennhane ȣahontataȣentho nʼeksaokonha tsi ni Kanata, oni tsi niiaonȣentsia ne Bethlehem, tekeni teiakaoseriiakon nontontasaȣen, aseken etho niiore nitiotasaȣe tsi ronȣarorʼ ne Ratisennoȣanens.

¹⁷ Ehare nonȣe enskat tahoȣennokate tsinithaȣen ne Rotokonsehakȣe Jeremi:

¹⁸ Rama nonȣe nateȣatononhianite; ontsitoko, ȣahakaȣensenanion, ȣahakonikonraksenseron oni: Rachel iakonnhatens nʼakohienhokonha, iah oni othenon tataionikonraȣenrie aseken onen iakoȣentaon.

¹⁹ Sarenheie nʼerod, oksaok ne Raronhiakeronon ionsahorori ne Sose Egyptke iehenteron.

²⁰ Ȣahaȣenhase: Satkestsko nok tetsiatak ne raksaa oni ne ronistenha, nok Israerrononke niionsaseȣe: Aseken onen ronaȣentaon ne ronȣaiatisakskȣe nahonȣario ne raksaa.

²¹ Onen ki are ne Sose ȣahatketsko, ȣathoiatakȣe ne raksaa oni ne ronistenha, nok Israerke niionsahonne.

²² Nok tanon Sahariȣaronke, tsi Archelaiis shonontiio ne Sitaerononke, ne Erod rahonaktake, ȣahatsanike netho niiaonsahonenon; Raronhiakeronon kati are sahorori ne Sose, ne Galilene nonkȣati niiaonhne

²³ Nazareth Kanatakon ȣahontien; onenare iakaierite tsinihaȣen ne Rotokensehakȣe; ratonhakȣe; Nazaretronon enhonȣanatonkȣake.