Matthew 17 - Ohiatonhseratokénti

Tsiatakhaton iaȣenre teioteriȣasonterakȣen.

¹ Nok iaiak nonta onakenke, Iesos ȣasakoiatenhaȣe ne Tier, Sak, San iatatekenha, nok tsi tiotaseton niiasakoiatenhaȣe, Onontoharake.

² Nok rahotihenton etho ȣathatteni; eh nahakonsotenne tsiniiot ne karakȣa, nok ne raotseronniat eh nakenrakenne tsiniiot noniete.

³ Nok etho ȣahonȣatiken, ne Moïs, Oni Elie, tehotithare.

⁴ Ethone tahaȣenninekenne ne Tier, ȣahenron: Saianer! ioianere ne kentho aeteȣenterontake; ne kati nasathontatseke Asen naeteȣatatoseroten, enskat nise Saȣenk, enskat Moïs nok enskat nʼElie.

⁵ Sekon ok nihotaratie teiotsikerathe ȣahakorhoroke nok eh takaȣenninekenne, ȣaton: neh kehikenne Riienha Rinoronkȣa onȣe hetsiseȣataonsatat kati.

⁶ Tsinahoten ȣahonronke ne raotiokȣa, akȣa ehtake ȣahatiiatakerontane tsi nahonateronhienton.

⁷ Nok tanon ne Iesos eh niiahare, iasakoiatorianeron; raton; teseȣatann tosa oni Seȣateronn.

⁸ Nok tsi tonsahontkakȣarisi iah onka nakoren teseshakotiken raonhatsiȣa ok ne Iesos.

⁹ Nok nonen satontahonanontastsnentonhatie, ȣasakotiaȣenratse ne Iesos, ȣahenron: Tosa onka ietsirori tsi nahaȣen tsi ȣeseȣatkatho, tsiniiore ienshatonnhete nʼOnkȣe Roienha.

¹⁰ Nok ne raotiokȣa ȣahonȣariȣanontonse ȣahonniron: oh niiotieren tsi ronton ne ratiiatons Elie tenthahente?

¹¹ Nok ne Iesos tontasakoȣennaȣeron; ȣahenron: tokenske neneh tsi Elie tenthahente, nok oriȣakȣekon enshakȣatako,

¹² Nok tanon kȣarori tsi onen rokȣathon ne Elie, nok iah tehonȣaientereon, tsi tanon nithatinonȣes nihonnȣaierase, eh kati oni nene nenhoiataȣen nʼonkȣe Roienha enhonȣaronhiakente.

¹³ Ethone ne raotiokȣa ȣahotinikonraientane tsi Saȣatis rotonhakȣe.

¹⁴ Nok nonen sonsahonneȣe tsi kanenraien, Saiatat akta ȣarete nok rahohenton ȣathatontsoten.

¹⁵ Nok Sahenron; Saianer: atsitenre ne riienha raȣennitaronnis, akȣa ihken tsi rotent, iotkate nʼotsi-rake ienhentakerane, oni naȣenke.

¹⁶ Nok iehiiataktaton tsinonkȣa ne sentiokȣa, iah tehotikȣenion naonsahonȣatsienton.

¹⁷ Ȣahenron ne Iesos tsi tontahoȣennaȣeron: Ise ne seȣatennoȣentastskon oni seȣanikonraksen? tohnekenh nenȣe enteȣakȣekonhatieseke? oni ok tenȣakeron iaȣeronhatie? kenh kinioh nontatsiatenhaf.

¹⁸ Nok tahakȣisron ne Iesos tsi ȣahatteten notkonseraksen, oksaok sakaiakenne, oksaok oni sahaieȣentane.

¹⁹ Ethone ne raotiokȣa otasetonkeha, tsiȣahonȣaiatorenne oni ȣahonȣariȣanontonse, ȣahonniron: oh niiotieren tsi iah nii teionkȣakȣenion aonsaiakȣatekȣaton.

²⁰ Tontahenron ne Iesos: ne tsi sotsi seȣatennoȣentastskon, Aseken oriȣiio tsi kȣarori, araohna ehnaonske tsi aonteseȣetakon tsini kanatsia notsinekȣar ieienthotha, aeseȣenhase kehiken iohnonte: kenh nonkȣati niare niihahase; ehse niienhenȣe; iah oni othenon taeseȣanoronseheke.

²¹ Nok tanon kehiken nikannroten, akȣa neneh aterennaient, tanon aȣentontieton ok entsioiatinekenȣe neh niȣatkonseroten.

²² Nok sekon Galilé sitreskȣe, ȣahenron ne Iesos: ienkaeȣe nʼonkȣe Roienha, enhonȣaiiatsiakȣarisiase nonkȣeokon.

²³ Nok enthontennhane aonȣario, nok tanon asenhaton nenȣata enshatonnhete, ȣahotinikonraksen ne raotiokȣa.

²⁴ Nok nonen Siiaonneȣe Capernaiim, Tier ȣahonȣariȣanontonse ne ratikarotasions; ȣahonniron: iah kenh tehakariaks ne Didrakme ne Iaianer.

²⁵ Tontahenron; enh: nok nonon Sonsahataȣeiate ne kanonskon, tahohnenne tahorori ne Iesos; tsi ȣahenron: Oh nise niiot tsi tesiatoreta, Simon. Onka Sakotikaraiennis ne Rotinontiiosson? Sakotiienhokonha kenh, katen neneh teiontaȣenrie?

²⁶ Tier ȣahenron: neneh ok tiiakaonȣentsiate; tontahenron ne Iesos; iah kati othenon teiakokaraien neksaokonha?

²⁷ Nekiok oni ne tosa aiethiriȣaientaten, ȣas kaniatarake niiahase, nok iasarionti, neh nenteȣatierente enseskoko testskaraf etho ensetsenri enskat stater, neh iasheion ne sateionkeniriȣake.