Matthew 16 - Ohiatonhseratokénti

Iaiakhaton iaȣenre teioteriȣasonterakȣen.

¹ Ethone ne Pharisian oni ne Sadusean, eh ȣaonneȣe; nok ȣathonȣanikonraseren ȣahonȣariȣaneken asakonatonhase othenon ioriȣanerakȣat Karonhiakeka.

² Ȣahenron tsi tontasakoȣennaȣeron: seȣatonʼsʼ enʼs, ne tontakaronhiarite tsi iatenȣastsotho: ȣenniseriiostane nenhiorhenne.

³ Nok norhonkene nonkȣati, seȣatonʼsʼ enʼsʼ neneh; iokennoresere, aseken ȣatioharennatose tsiteioronhiariton. Akonȣara! Seȣaȣeiente neneh ne taeseȣaiatorete tsini ȣatieronniststa ne karonhiakeson nok iah toseȣakȣenies taeseȣaiatorete tsiniiaȣenserons tsi iokȣenraron.

⁴ Kaȣatsiraksenskȣa oni kanakȣaiesen, kariȣanontons ne kariȣanoron. Iah ki tanon noiah takonȣanatonhase neok ne tsinihoiataȣenhon ne Rotokensehakȣe Jonas, nok sasakotkenrate ehren oni ȣarehte.

⁵ Nok nonen siiahonneȣe ne raotiokȣa isi nakaihonhati tahotinikonrhen nahontahotinataraninonke.

⁶ Nok ȣasakaȣenhase ne Iesos: neh ȣahi enskat seȣatatenikonrarak ne Sadusean raonathenkȣatha.

⁷ Ȣahonnere ne rononha nok ȣahonniron: neh ȣahitsi iah teteȣanatarenhaȣi.

⁸ Nok ne Iesos, sakohnikonraienteritsion, nok ȣahenron: oriȣiio ki onte oni tsi kenh niseȣanontonniontseraha, nahoten, niiot oni tsi seȣanontonnion tsi iah teseȣanatarenhaȣi?

⁹ Arekoken teseȣanikonraientas, iah oni ken tetsiseȣeiaras ne ȣisk nikanatarake ȣisk ok oni niȣenniaȣehetserasen niionkȣetake, toh oni niȣatsenontserake iotatenron?

¹⁰ Ne oni ne tsiatak nikanatarake nok kaieri nihonniaȣeheserasen, toh are neneh nikon tsi seȣaroron?

¹¹ Oh kati nekenh niiot tsi iah teseȣanikonraientas, tsi iahse Kanatarok tekiton tsi katon; seȣatatenikonrarak ne Pharisian oni Sadusean raonattenkȣatha.

¹² Ethone onen ȣahonikonraientane tsi iah kanatarok, teionthenkȣatha tehenton tsi sakotiaȣenrati, nese tanon tsinihotirihoten ne Pharisian oni Sadusean.

¹³ Nok tsini iohahes ne Cesare Philippe, ȣasakoriȣanontonse ne raotiokȣa, ȣahenron: nahoten iontonnions nonkȣeokon nii akeriȣake, ii ne Onkȣe Roienha.

¹⁴ Nok tontahonniron: otiake ki ionton, ise ne Saȣatis; otiake, Elie; otiake Jeremie, okneʼsʼ enʼsʼ onkakiok Rotokense.

¹⁵ Tontahenron; nok kati nise onka onte iseȣere?

¹⁶ Simon tahatati; ȣahenron: ise ne Keristos Niio Ronnheonȣe Iaienha.

¹⁷ Tontahenron ne Iesos: Sataskat Simon Jonas iaienha, iahse oȣaron, iah oni nonekȣensa tesarihotasienni, neh tanon ne Rakeniha Karonhiake thenteron.

¹⁸ Nok ȣakonrori oni: ise ne Tier, nok etho oststenrake enkenonsonni nakenonsatokenti; iah oni nonȣenton tiiakonȣasenni nonatkonseraksen.

¹⁹ Entkonhion oni ne Karonhiake tionnhotonkȣa: nok tsinikon ensnerenke nonȣentsiake entkaneren ne Karonhiake, tsi oni nikon ensnerensi nonȣentsiake entkanerension ne Karonhiake.

²⁰ Etho oni onen ȣasakotiaȣenratse ne raotiokȣa nahontrori tsi rahonha ne Iesos Keristos.

²¹ Ethone oni onen tahatasaȣen ne Iesos ȣasakorihotasien ne raotiokȣa tsi iatekakonte Jerusalem niienhenre, nok etho nonȣe eso enthonȣaronhiakente ne Ratitsihenstakȣeniios oni ne Ratiiatons; eh oni nonȣe enthonȣario, nok asenhaton nenȣata enshatonnhete.

²² Tier otasetonkeha ȣahoriste, ȣahenron: Saianer! Satatitenr tosa eh niiaȣenn.

²³ Nok tanon ne raonha tontahatkarhateni ȣahaȣenhase ne Tier: Satkonseraksen ehren iset ne kiatakta! takeriȣanera aktenni: aseken iah ki tesanikonraientas ne Niio raoriȣasonha, neok nonkȣe akoriȣasonha.

²⁴ Ethone ne Iesos ȣasakaȣenhase ne raotiokȣa: Onka kiok enrerheke ahakateranentakten, akȣakiratateȣentet, nok ratketat ne raoiasa nok rakser.

²⁵ Aseken nenhaskennha ne raotonnhestst enhotonse, nok nii akeriȣake enhateȣentete enshatsenri nehneh.

²⁶ Nahoten naha oni ahatsennonniatakȣe ne ronkȣe, nonȣentsiakȣekon tahatentsa nok ahasente ne raotonnhestst? Ok ne ens nahoten ahontaonhion ne ronkȣe tsi tahataton ne raotonnhestst?

²⁷ Aseken nʼOnkȣe Roienha tentre Roniha raoiatanerakȣatsera enthoiatanerakȣatakȣenhatie, oni ne raoronhiakeronon okon, ethone Skastson tsi ensakoieritse tsini iakoiotenseroten.

²⁸ Oriȣiio tsi kȣarori, tsi otiake kentho ratiiatare ne iah taonniheie, tsiniiore ienhontkatho nʼOnkȣe Roienha enhataȣeiate raonakeraserakon.