Matthew 15 - Ohiatonhseratokénti

Ȣisk-haton iaȣenre teioteriȣasonterakȣen.

¹ Ethone ne ratiiatons oni ne Pharisian Jerusalem nontaonne ȣahonȣaiatorenne Iesos, ȣahonniron:

² Ohniiotieren tsi iah tehatiriȣaierists ne sentiokȣa tsinihotiriȣataton ne rotikstenhokonkenha Iahse ȣahi tehontsiohares nʼonen tehonstskaonne?

³ Tontasakoȣennaȣeron, ȣahenron: ise ki ȣahi oni seȣariȣaiesata tsini horiȣataton ne Niio, tsini tsiseȣatateriȣisahani.

⁴ Aseken raȣen ne Niio: Shekonnienst, ianiha oni ne sanistenha. Raȣen oni naha: onkakiok ensakoiesate roniha ok nene ronistenha, ronȣario,

⁵ Nok nise seȣaton: tokat nonȣa enhokenrenseronni ne roniha ok neʼsʼens ronistenha: tsinikon ensatonraseron, ise ensesatsennonniate.

⁶ Iah neok teken tsi iah tasakokonnienstane ne ronȣaienha, akȣa ki iah tahonnhiseraientane. Et kati niteȣes tsi ise seȣariȣisahatsera iorioton ne Niio Raoriȣatahton.

⁷ Akonȣara: Oriȣiio tsi thoriȣaieriton tsinitsiseȣaiatanote ne Rotokensehakȣe Isai.

⁸ Tsi raȣen: Ratisehneʼkʼok ionksennaiens neok iaken ne iaken tsi ionkkonniensta; kenhkaien ne raoneri ih non neneh teiakȣatere.

⁹ Akȣa tanon ok seȣatieren oni kariȣaiesatonke tsi ionksennaiens; aseken neok sakorihonnienni tsini hotirihoten, tsioni nihotiriȣataton ne ronnonkȣe.

¹⁰ Ethone iasakononke nonkȣeokon, nok ȣasakaȣenhase: Seȣataonsatat seȣanikonraientann oni kehiken.

¹¹ Iah se neh tehoiatakhsatha tohokaronniatha oni ne ronkȣe tsi nahoten rennekȣanons, neh tanon tsinikon tkaiakens tsi rasakaronte neh roiataksata oni rokaronniatha.

¹² Nonen neh sahenron, ȣahonȣateranentakton ne raotiokȣa nok ȣahonniron, iah kenh tesattoken tsi oiah nontahonatierase ne Pharisian tsinahoten ȣasiron?

¹³ Nok tontahenron: tsinikon iohniote ne iah Rakeniha Karonhiake thenteron tenhoniotake, onskateriotsion.

¹⁴ Roneronhatie; ne ȣahi ne tehatironȣekon, teieronȣekon sakonasharine: tokat teharonȣekon enhonenstsine ne teharonȣekon, tetsiaron ienniiatenne tsi teiontiakon.

¹⁵ Ethone Tier tahatati; ȣahenron: takȣariȣatheten tsi nahoten Kenton nekenh tekariȣakentonkȣen.

¹⁶ Nok ȣahenron ne Iesos: Areko oni ken nise teseȣanikonraientas?

¹⁷ Iah kenh tateseȣaiatoretha tsi nikon ionnekȣanons tsi ieiatakon niiahonenonhatie, nok onakenke tsi tiotaseton ienskontiiakenne.

¹⁸ Kenhkaien tsinikon tkaiakens tsi iesakaronte, akaȣeriane teȣatenties, neh tohiken iakoiataksatha nʼonkȣe.

¹⁹ Aseken Akaȣeriane tkaiakens ȣahnontonniontseraksens; Atatahseton, Kanakȣaiesatsera, Kanenskȣen, Kanikonrhaton, ne oni nʼatatenratonnisera.

²⁰ Neh tohiken nakarihoten iakokaronniatha nʼonkȣe. Kenh kaien ne taionstskaon iah toiakotsiohare, iah othenon teiakokaronniatha nʼonkȣe.

²¹ Ethone ne Iesos ehren sarete neh nonȣe, Tyrne tanon Sidonne niiahare.

²² Skaiatat tsiothonȣisen eh ȣahoketote Kanaanronon nakaiatoten eh nonȣe nikanakerekȣe, ȣatiohenrete ȣakenron: Saianer! David Iaienha! askitenre; iakotentsihon keienha otkonseraksen iakotienni.

²³ Iah othenon tethotati; nok ne raotiokȣa ȣaonȣateranentakten nok ȣaonȣariȣaneken, ronton: sasa tekȣat, sotsi ȣahi teionkȣaterientakariatha.

²⁴ Tahenron tsi iahatati: neok se tionkȣatorieton, naonsakheiahaharate nʼIsraerhaka rotiiatatonhon.

²⁵ Nok tanon naonha senha akta niiahahe nok ȣahonitenten; ȣaton: saianer! takiatakennha.

²⁶ Tontahaȣennaȣeron ȣahenron: iah se tetkariȣaieri neksaa akonatarok taiekȣe nok erhar oȣira akonȣatinonte.

²⁷ Tontahenron, akȣa neneh tokenske Saianer! nok kisʼenʼsʼ sane nʼerhar oȣira konneks enʼsʼ tsinitkaniserens ne sakotsenenhokon raotekkȣarane.

²⁸ Ethone ne Iesos tontahaȣennaȣeron, Sahenron: O, tsisathonȣisen! koȣanen tsi tisetakon; eh kati niiaȣenn tsini saskaneks, nok oksaok sakaieȣentane nakoienha.

²⁹ Nok sahatenti ne Iesos neh nonȣe, kaniatarakta Galilé saraȣe; ȣahanontarahne nok onontoharake iahatien.

³⁰ Nok niateionkȣetotenson eh ȣaonȣe tsi renteron; iontatiatenhaȣinontie, ne iontsinokata, tieronȣekon, iah teiontati, iakoiatakenheion, sekon ȣeso noiasonha tsini iakoiataȣens; rahsitakta ne Iesos ȣaontatiteron, nok sasakotsiente.

³¹ Ne kati ȣaonni nonkȣesonha iakonerakȣenhatonskȣe tsi iontkattos, tsiontati nʼiah teiontatihakȣe, ietsieiataieri nʼiakoiatakenheionne, ihtsiens nʼiah teienskȣe, tsiekens oni ne teieronȣekonne; nok ȣathonȣanonȣeronnion nʼIsraerhaka Ronȣaniio.

³² Ethone ne Iesos iasakononke ne raotiokȣa, nok ȣahenron; oriȣiio tsi khetenre kehiken tekanenrison: onense ȣahi neh asen nonta siionkȣariskonhonhatie eh oni nahe iah othenon tekakkȣasonrionhatie; nok iah oni tekere raonentakon tsi aonsakheiatori; onȣaʼsʼenʼsʼ naha ohahakeson enhonatakenrokȣase.

³³ Nok taonniron ne raotiokȣa: kah kati naontaiakȣahaȣe ne kenh nonȣe karhakonkoȣa niatakaieri, aiakotaten oni neh nikentiokȣa.

³⁴ Nok ne Iesos ȣasakoriȣanontonse ȣahenron: toh nikon seȣanataraien? tontahonniron: tsiatak, tanon tokara nikentsiake.

³⁵ Ethone are onen ȣasakorori nonkȣeokon ne Ehtake aiontien.

³⁶ Ȣatrakȣe ne tsiatak nikanatarake oni ne kentsionk, ȣahaiakon ȣathononȣeraton ne Niio, nok raotiokȣa iasakaon nok nerononha onkȣeokon ionsasakonon.

³⁷ Nok akȣa akȣekon ȣationstskaon ȣahakotane oni, nok sonteroroke ne iotatenronhokonha, akȣa tsiatak niȣatherake ienatararakȣa tsinikon ȣahotatenre.

³⁸ Tsiniiakon neh nonȣe nationstskaon neh onte nahoten ne kaieri niȣenniaȣeheserasen, iah teȣasseton ne tsionathonȣison iah oni neksaokonha.

³⁹ Nok nonen satonsasakoreniate nonkȣe okon kaonȣakon ionsahatita, nok Magdala nonkȣati ionsahatonȣentsioronne.