Matthew 11 - Ohiatonhseratokénti

Enskat haton iaȣenre teioteriȣasonterakȣen.

¹ NONEN sahaȣeiennentane ne Iesos ȣasakoianerenseron ne raotiokȣa, akte niionsare, nasakorihonnien asakotati oni tsi ronatenataienton,

² Ethone oni ne Saȣatis ȣaharonke tsini hatieranions ne Iesos, teniiase ne raotiokȣa iasakotori ahonȣariȣanontonse aniron:

³ Ise ken ne kariȣataton onȣentsiake entre, katen ohia enshakȣarhareke?

⁴ Tontasakoȣennaȣeron ne Iesos, ȣahenron: ȣasene nok satsisenirori ne Saȣatis tsinaoten tsiatkathos onitsiaronkas.

⁵ Tsiekens ne teioronȣekonne, tsiontenties ne iesinaksen, tsiontons nʼiakoststaȣis, tsionronkas ne teionhontakȣekon, Tsiontonnhests niakaȣenheion, nok iontataronkatenti oriȣatokenti ne iakotent.

⁶ Iakotaska ne iah tenhiontateriȣaientatennire nii akeriȣake.

⁷ Nok nonen sonsaiatenti, Iesos Kanenrakon iahatati, ȣahenron; nahoten seȣatkenseronnonne karhakon? Okȣire kenh ne teȣatkarenrons tsi iahote?

⁸ Oh kati nekenhen nahoten seȣatkenseronnonne? rokȣenniatsanit kenh ne etsiseȣakon? tsiniiot ne rotinontiioson.

⁹ Oh kati nekonh akȣa nahoten? Rotokense onteken? enh, kȣarori tsi sakotoheststenni ne Rotitokense.

¹⁰ Aseken raonha roton tsi ȣaton nʼoiatonserato-kenti: ienhiiatori nenhiahaaseronnien tsini ienhense.

¹¹ Oriȣiio tsi kȣarori, tsi iah sekon noiah tehonakeraton neh senha hahaiatanoronke tsiniiot ne Saȣatis; nok sane neh nakȣa nitraha ne Karonhiake sekon neneh senha ieshaiatanoron,

¹² Tsinahe thonakeraton ne Saȣatis, othonahe siteȣaskonnhen ne Karonhiake, nok neki ne ratisaste rontkȣenies.

¹³ Aseken ne Thotitokenseakȣe oni ne kaiatonseratokenti ok iarennakerate tehonȣarensaronnions.

¹⁴ Nok naeseȣatontatseke tsihenkiron; nese ȣahi ne Eli tontarene.

¹⁵ Ionronk ne tenhionhontakarontake.

¹⁶ Ohnahoten taontakheiatenientenste neh niionkȣetoten? neʼsʼ teshontieren ne ratiksaokonha tsi iontkerontakȣa ratistskȣaronnion nok iesakotinonks ne rontenrookon.

¹⁷ Ronton: ionkȣaonraȣaton nok iah tateseȣanonniakȣen; ioterennatatitenrat ionkȣaterennote nok iah teseȣatatitenranion.

¹⁸ Aseken ne saȣatis iah tohonekirenhaties iah oni tatehostskaonties; nok sane sekon ronȣenni: Rotkonseraien.

¹⁹ Nok ne Niio Roienha tehastskaons ranekirha oni; nok ronton: Shakoȣane, tsionekakaȣe, rontenro oni ne ratikarotasions oni nʼonakȣaiesentasonha. Nok ki tanon ȣene iotonhon natoriȣakȣarisionsera tsinonkȣati ne sakoienhokenha.

²⁰ Ethone onen tahatasaȣen ȣasakoriȣasten tsinonȣe eso natehoieronnionhaton nok iah toshonatatreȣaton, ȣahenron:

²¹ Sententasere Korasin, ise oni Betsaïta! Aseken, Tirne ok neʼsʼenʼsʼ Sidonne etho naioriȣanerakȣatenionke tsi naonkieren, katkaron ahontahonatakenroserhon tsinahonsahonatatreȣaton.

²² Nese karionni katon, tsi kȣarori: Tikenha tsi nensakoteȣeiennatsaniten ne Tirronon, oni ne Sitonronon, nʼonen tontesakoiatoretane tsinise niiot.

²³ Nok nise Capernaiim, ise enskat ne iatosaketotakȣe tsi teiesarensaronskȣe, tentesenonkȣihse nʼones-son. Aseken tsinikon satkathon nʼioriȣakerakȣate-nion, aiotkathon ne Sodome sekon nah neh nonȣa nakanataientake.

²⁴ Nese ȣaonni kȣarori katon, tikenha tsi nenthonȣanakȣisronhase ne Sodomronon nʼonen tentesakoiatoretana.

²⁵ Ethone ne Iesos tontahenron: O konsennaiens Rakeni, ok tiseȣenniio tsi Karonhiate oni tsi Ionȣontsiate, ne tsi sheriȣasetenni neh nikarihotens ne iontokhas oni ne ienikonrasson, nok neh ne kenniiakasa shetokatenni.

²⁶ Eh niiot, O Rakeni, nehkitsi eh nitisanikonriiohon.

²⁷ Oriȣakȣekon Rakeniha rakaȣi; iahonka tehonȣaienteri ne Roienha, akȣa neok ne Roniha, toka ken onkakiok onshakororihake ne Roienha.

²⁸ Kasene ise ne teseȣaȣishenheion oni seȣaȣishenne, nok ii enkȣasnienon.

²⁹ Seȣatketat nakȣatientaniakt, seȣariȣaienterhann oni tsi teȣakeriȣaieri oni keriasiio, oni enseȣatsenri aotorisensera ne seȣatonnhests.

³⁰ Aseken iah teȣateriȣatore nakeriȣasonha, iah oni teiokste nakriena.