Matthew 10 - Ohiatonhseratokénti

Oieri-haton nateioteriȣasonterakȣen.

¹ Ethone ne Iesos iasakononke ne tekeni iaȣenre nihati raotiokȣa, ȣasakokȣeniatseron, naonsasakohnatekȣate nʼotkon aiakohnatienni, oni aonsasakotitsiente tsiok naiakohiataȣenseke.

² Kentho ratisennare ne tekeni iaȣenre nihati: Simon tonȣakoȣanen, tier shonȣanatonkȣen; tanon nʼiatatekenha San.

³ Philippe, Barthelemi, Atonȣa, Ȣatio rakarotasionskȣe; Sak Alphé roienha; Lebbé Tadé ronȣanatonkȣen.

⁴ Simon kanaenronon; tanonne rotenninon, Sitas Iskariot.

⁵ Ȣasakaȣenhase ne raotiokȣa tsi iasakotori; ȣahenron: tosa tanon eh niiahaseȣe tsi ratinakerenion ne kaiatonni ratisennaiens, iah oni tsi rohnatenataien ton ne Samaritanronon.

⁶ Israerrononke ok tanon teseȣaststekafa saietsiiahaharat ne iakohiatatonhon.

⁷ Enseȣatonheke nʼonen enhietsiiatatisheke: Onen akta taȣe ne Niio raonakerasera.

⁸ Saietsitsient nʼiakononȣak tanionni oni ne iakoststaȣis, Saietsiionnhet nʼiakaȣenheion; iesentenraton, Sasetenrat ki.

⁹ Tosa seȣarorok noȣistanoron, oȣista oni aontake ne sanatatserakon.

¹⁰ Tosat iaseȣaiarenhaf ne kaneka niienhenseȣe, tekeni oni taheseȣatiataȣitseraientake, ahta, nok oni natennists; aseken tehotentson nahonȣanonte ne raiotenseriio.

¹¹ Nok ne kakiok nonȣe tkanataien ienseȣatenatorenne, Seȣariȣisak onka iakorihonte naiesateȣeienton, etho oni tsiterontak tsi niiore onsesatenti neh nonȣe.

¹² Tesatenonȣeraton kakiok nonȣe iensataȣeiate: ensiron: Skennen kenhak ne kenh kanonskon.

¹³ Tokat entiakoriȣaierike ne iakohnonsote enhiakorane ne skennen, nok ne iah, iseke tenteȣe.

¹⁴ Kakiok nonȣe, tsiok oni nonȣe iah tenhietsinaktotanire iah oni taiontaonsatate ne saȣenna, ensesarasitokeȣe nonen tentesiakenne neh nonȣe.

¹⁵ Oriȣiio tsi kȣarori tsi senha enhioteseroȣanaten neh nonȣe, tsiniiot ne Gomor oni ne Sodome nonen tontesakoiatoretane tsi nenseȣatonȣentsiarisi.

¹⁶ Etho niiot tsi iakȣatori tsiniiot ne teiotinakarontonha okȣahotserokon iakonȣanatori, seȣatatenikonrarak kati seȣanikonriiohak oni.

¹⁷ Seȣatatenikonrarak kati nonkȣene nonkȣati; aseken enhietsiiatinionte tsi rontkonnisahata, enhontennhane oni aiotsisokȣaȣeson tsi ronterennaientakȣa.

¹⁸ Oni ii akerihonniat enhietsiiatenhaȣison rahotihenton ratikorason noriȣiio ahonnonni tsiki niiot nonkȣeokon.

¹⁹ Nok tanon nonen enhietsiiena, tosa teseȣatatenikonrharon tsi nahoten aeseȣenron, tsi oni naeseȣaiere tsi aoseȣatati: aseken enkȣaȣennon neh nonȣe nenkahaȣi.

²⁰ Aseken iah ise taeseȣatati, Ehtsiseȣanihase raonikonra enseȣatatiate nethone.

²¹ Ienkaheȣe nʼok ne neh teiatennontere enhoriȣente kenheiatne, Roniha ne roienha, ratiksaokonha ensesakohnatkarhateni ne ronȣatiienha nok ensakotirio.

²² Ii aksenna enhietsisȣate nonkȣeokon; neok tanon enhatsennonni ne iatenrokten.

²³ Kakiok nonȣe tkanataien entietsikenrenseronni, neh noia tetkanataien niionsaseȣe: aseken oriȣiio tsi kȣarori areko ok onȣentsiakȣekon tentiseȣenonton tsiniiore tentre ne Niio Roienha.

²⁴ Iah senha tethanontons ne ronȣarionnienni tsiniiot ne sakorihonnienni, nok oni ne rannhatsera tsi-niiot nakȣa raiatakȣeniio.

²⁵ Ethose ok nithotte ne ronȣarihonnienni tsiniiot tsi rateȣeiensta, oni ne rannhatsera tsiniiot tsi ronȣannhas. Tokat nonȣa otkon ronȣanatonkȣen ne Raniserakȣeniio, toh kati onte akȣa senha niienshonȣatinatonkȣake ne sakoienhokonha.

²⁶ Tosa kati othenon seȣatsanisek. Aseken akȣekon niienȣatotasi ne iotaseton, oni niienȣaterihotasi tsinikon ne ioteriȣaseton.

²⁷ Teseȣariȣathet tsinahoten asatakon kȣarori, nok kanonsakeson tateseȣahenret tsinikon tekȣatsiaonni.

²⁸ Tosa seȣatsanisek tsinahoten aiorio noieronta, iah tanon taiorio natonnhests; neh tanon seȣatsanisek tsinahoten aiotirio natonnhests oni noieronta nok otsirake iaiotiiatonti.

²⁹ Iah kennah tekatsitenserake tiiatekehnes nʼens-kat kȣenis? Akȣekon sane etsiseȣaniha sakoȣenniio tsi konnes.

³⁰ Ieiohe oni akȣekon ȣasheton tsinikon seȣanonkȣiserote.

³¹ Tosa kati seȣateronsek senhase ise seȣaiatanoron tsiniiot notsitenhokonha.

³² Onka iah tenhakatehasere nonkȣene, iahki oni nii taontahiiatehase raohenton ne Rakeniha Karonhiake thenteron.

³³ Nok tanon nenhakatonnhiiase nonkȣene, tenthiiatonnhiiase ki oni nii tsi thenteron ne Rakeniha.

³⁴ Tosat seȣerhek skennen ken kienne nonȣentsiake; iah neh tekienne ne skennen, asharekoȣa tanon.

³⁵ Aseken tekhekhasionhe ne iatatienha, tiatatien. ha oni ne tiatatsafa.

³⁶ Neh oni enshonȣasȣenseron nakȣa rahonnhatseraokon.

³⁷ Onkakiok senha roniha, ok neʼsʼ ne ronistenha senha sakonoronkȣa tsiniiot nii iah tatehakeriȣatson; ok neh sakat ne senha roienha ok neʼsʼ ne raienha senha sakonoronkȣa tsiniiot nii iah othenon tatehakeriȣatson.

³⁸ Oni ne iah tenhatketathe ne raoronhiakensera nok ahakianenhaȣe iah othenon tatehakeriȣatson.

³⁹ Oni nenhononstaton tsi ronnhe, enhotonse; neh tanon enshatsenri nenhakateȣentetase.

⁴⁰ Onka tenhiahrhoton, tenhakarhoton; nok ne tenhakarhoton tenhorton ki ne takatennieton.

⁴¹ Onka rotokense tenhorhoton tsiniiot tsi rotokense; eh ki niiot tsi tenhonȣariȣaserakȣase tsiniiot ne rotokense, nok ne thoriȣaieri enhokonnienste, eh ki nenhonȣatonraseronse tsiniiot ne thoriȣaieri.

⁴² Nok oni ne skaȣisa ok onekanos aonȣanekanonten saiatat nakitiokȣa; oriȣiio tsi kȣarori tsi iatekakonte tenhoteriȣaserakȣase.