Luke 8 - Ohiatonhseratokénti

Satekon aton tehioteriȣasonterakȣen Oriȣatokenti tsini hoiaton Roiatatokenti Luc.

¹ ETHONE are onen tonsahaststekafa tsi kanataienton oni tsi ionatakȣenraron, roteriȣanotatie oni rotrorihatie tsini kanakeraseroten ne Niio raonakerasera; nok ne tekeni iaȣenre nihati Ratikȣekonne neh ronneskȣe.

² Tohka oni nikonti tsiohnatonȣisen nehne sesakotsienton tsi ionatiennine notkonseraksen oni sekon tikannratesonha; neh eh kontiiatare nʼOnȣari konȣanatonkȣakȣe ȣari-ȣatere nehne tsiatak niiotiennine nʼotkon.

³ Tanon, Sann, Cusas rone neh ne Herod roststeristasehakȣe raoriȣasonha; nok Susann, sekon oni ionentiokoȣanen ne ronȣaiatakennhenhatieskȣe tsinonkati nahotiientatserakon.

⁴ Nok tsini kentiokoȣanen etho iakoteroronhatie, oni tsi kanataienton tionientionkȣaskȣe ronȣaiatorenhonhatie, kenh nahaiere tsi ȣatesakoriȣaken tonkȣen.

⁵ Saiatat ne ronkȣe ȣahaienthosera ne raonatsia; tsi kati ronatsiontionhatie, otiake nonatsia ohohaktontie ȣakakerontane, ȣationskȣaseronkȣate onkȣeokon tanon otsitenhokonha takonneke.

⁶ Otiake oststenrake ȣakakerontane; nok nonen sahkanio oksaok onstathen aseken iah ki tetiotonris tsi tiohniote.

⁷ Otiake ohiktokon iakakerontane; takonnetakȣe nehne tsi takonteiaron nok ȣahotirio.

⁸ Nok otiake tsinonȣe niionȣentsiio iakakerontane, ȣakonteiaron nok ontonnisa otiake enskat teȣenniaȣe ȣatkananeta tsi onteiaron-ȣathohenrete tsi iaharihokten, ȣahenron: Ionronk ne teionhontakarontakȣen naionronkate.

⁹ Nok ne raotiokȣa ȣahonȣariȣanontonse oh nahoten kenton tohiken tekariȣakentonkȣen.

¹⁰ Tontahenron: ietsiiaȣi nise naeseȣariȣaienterhane tsiniiot ne Niio raonakerasera; nok tanon ne rononha neok ne tehonȣatiriȣakentonkȣennis, ne tosa tahatikaraientane tsi enhontkatto, nok tosa ahotinikonraientane tsi enhonronke.

¹¹ Kenh kati kaien kenton ne tekariȣakentonkȣen; Onatsia, nehne Niio raoȣenna.

¹² Kenh kaien nohahaktatie iokerontaon, neh iakoton, ne iakotaonsate noȣenna; nok ki Otkon onaken tare Shatakȣas noȣenna nakaȣeriane, onȣa sotsi enhieniakenne tsinonkati Kaiatateritsera naontaiaketakȣe.

¹³ Kenh kaien nʼoststenrake iokerontaon, neh iakoton ne ȣaontonnharen tsi ȣaonronke noȣenna, nok ki tsi iah teioteronte: neki ok ne iateȣaktatha tsi tiaketakȣa, nok nonen kanikonrotakȣenke Kahtonte tiienskonne,

¹⁴ Kenh kaien nohiktokon ieiokerontaon, neh iakoton nonen konȣaȣennaienteri nok ki eh nonkati tsiakoiatontieton tsini iorihoten nonȣentsiakeka, teiakohnikonrhare atsokoȣatsera oni kanaiesera, neseȣaonni iah ki tiieȣatonnisahas.

¹⁵ Nok kenh kaien ne tsinonȣe niionȣentsiio niiokerontaon, neh neneh iakoton ne konȣaȣennaronken, akaȣeriane iakaȣeten oni iakoteȣeienton, nok kanikonriiotserakon enkanorari.

¹⁶ Iah ȣahi neneh onka nʼoksaok aienakoroke nonen ȣaehaseroten. Iah oni ȣahi ne kanaktokon tiiaionsete; iehaserotakȣake tanon enhienioten, naontkatto tsiniiakon iontaȣeiatha, oni taiakosȣatheten.

¹⁷ Aseken iah tekaien ne ioteriȣaseton ne iah taonterihotasionhe, iah oni othenon ne kariȣarhoron iahȣene taontonsere.

¹⁸ Seȣanikonrarak kati tsiniiot tsi seȣathonte: aseken onka roien, sekonse enhsonhion; nok niah othenon tehoien, sekon oni tsinikonha roienha enshonȣakȣa.

¹⁹ Ethone onen etho ȣaonneȣe ne ronistenha oni ne rontatekenha; iah tanon teiotonhon nakta ahoneton sotsi kentiokoȣanen, tehonȣanitiokȣaton.

²⁰ Iahonȣarori kati, ȣahiron: sanistenha oni seȣatatekenhokonha kentho astste thonnete nok iesaiatisaks.

²¹ Tontasakoȣennaȣeron, nok ȣahenron: neh ne ronȣaȣennarakȣa oni ronȣaȣennanoronkȣa ne Niio neh Akenistenha oni akatatekenha.

²² Ohnakenke kehiken onen are kaonȣakon iahatita oni neraotiokȣa, nok ȣahenron: teteȣaiaiak, nensok ȣathatiiaiake.

²³ Nok tsiniiore niiahonne eh ȣahotaȣe; ioȣeratsanit ȣahotiiena tsini kaniatara akȣa ȣatnekitahas nok skanorons ahatiskone.

²⁴ Ethone kati onen ȣahonȣaiete, ȣahonniron: Seȣenniio! Seȣenniio! ȣateteȣenheie. Tontahatane, nok ȣasakotarhase tsi iahote oni tsi ionontakȣarontonties; Akȣa oksaok ok skennen tsi tonsakaȣeriiake.

²⁵ Ethone ȣasakaȣenhase: kah nekenh akȣa nitiseȣetakȣen? nok tanon ne rononha neok ne rohnateronhientenni, nok rontonhakȣe: Onka naha onte akȣa kehiken ok tisakoȣenniio noȣeron, onekanos, nok ronȣaȣennarakȣa?

²⁶ Nok eh nonȣe niiahonne tsi thatinakere ne Gadarenianronon, Galile teiotiniatara.

²⁷ Akȣa neok iahatitako, Saiatat tontahoterate neh nonȣe nihanakerekȣe, neh nonen ȣaonnise sihotienni nonesonronon, akȣekon iah tehotseronni iah oni kanonskon tehatienskȣe, oststenrokonson tihanakerekȣe.

²⁸ Akȣa neok ȣahoken ne Iesos, ȣathohenrete, nok ȣahosennaien, ȣathoionstsothase nok ȣahenron: ohnahoten ionkeniriȣaien, Iesos, Niio Iaienha? Konnekennis tosa askeronhiakente.

²⁹ Aseken ne Iesos rattetanihakȣe notkon, ratonhakȣe oni iosnorenn tontatsiakenn, aseken onen ȣaonnise sihonaskonnis; eso ioriȣake oronkȣasa ronȣanerenkston nok akȣekon niiatehoiakhon, nok karhakonson tiienhoiatenhaȣe notkon.

³⁰ Iesos ȣahariȣanontonse notkon ȣahenron: Nahoten iesaiasts? tontahenron: kentiokȣa. Ne tsi onen siionentiokoȣanen nonatkon sihonȣatienni.

³¹ Ronȣanekennihakȣe kati ne Iesos, tosa Onesson iahonsasakotori.

³² Iah ihnon tehken tionontahere eh tkonneskȣe ionentiokoȣanen kȣiskȣis, nok ȣahonȣaneken nasakaon ne kȣiskȣis iaonsaiakonataȣeiaten; nokȣasakaon.

³³ Sahonȣatkaȣe ne ronkȣe, nok iakonttakȣarisiate kȣiskȣis ionsaiakonataȣeiaten; ok eh nontontenenrakarhatto nekȣiskȣis kaniatarake ȣakontiatonti nok akȣekon etho ȣakonniheie.

³⁴ Oksaok nehne sakonteko ne sakonaststeristakȣe, sahatiriȣaienna kanatakon, ok oni thiiatonteriȣareniate.

³⁵ Ȣahaiakenne nonkȣeokon ȣaontkensera tsinontaiaȣen, nok eh iakanenraserenne tsi thenteron ne Iesos, eh oni ȣahonȣaken notkon rotiennine, Iesos rasitakta renstskȣahere, shotseronni, akȣa oni skennen tatethanikonraieri, nok ȣahakoteronhienten.

³⁶ Kenh kaien noriȣakȣekon ronatkathon ȣasakotirori tsi nahaȣenne tsi sahaniakenne notkon rotiennine.

³⁷ Ethone kati onen akȣekon ok ȣahonȣanekon ne ehren ahonsarete ne rahononȣentsiake; netsi sotsi ronateronhientennine. Sahatita kati kaonȣakon nok sahatenti.

³⁸ Nok notkon rotiennine, ȣahoneken nahnesheke; nok ne Iesos ok eken sahotekȣate nok ȣahenron.

³⁹ Sasatenti nok serihoȣanat tsinaientenre ne Niio, Sahatenti kati nok kanatakesson rorihoȣanatonhaties tsi nahotenre ne Iesos.

⁴⁰ Nonen siionsaraȣe ne Iesos; akȣekon ok taiontonnharonnion; aseken thonȣarharekȣe.

⁴¹ Saiatat eh ȣahoketote Jairus ronȣaiasts neh ronȣakoȣanen nesakonatatis ȣathotonstsothase ne Iesos, nok ȣahoneken nahathontate iahre tsi thononsote.

⁴² Aseken onen tiahiheions ne sakoienha neok oni enskat roȣiraien nehnahoten ne tekeni iaȣenre teiahoseriiakon. Ok kati ok eh iotiokȣentonhne nonkȣeokon tsi nihre ne Iesos.

⁴³ Skaiatat kati tsiothonȣisen etho kaiataratie nonen tekeni iaȣenre niioserake siiononȣaktanitta naonekȣensa, onen oni siieiosahaton tsinikon tsi oni nahoten ioientakȣa iakonnhatakȣe rontetsiens, iah ki othenon tehotiriȣakȣenion naonsakaieȣentane.

⁴⁴ Akȣa skenenha ohnaken nontaȣe, nok tsi tetkakȣatton neraotiataȣi iakaiena; akȣa ok saok ȣatkatane naonekȣensa nok sakaieȣentane.

⁴⁵ Iesos tontahatkarhateni, nok ȣahenron: Onka kenh niiaonkiere? akȣekonok iontonnhiiakȣe; Tier tahatati, nok oni notiake, ȣahonniron: Seȣenniio! ieiothe kati kenh nekenh ok tiiotonhiototatie tsi iteȣe: tanon saton onka kenh niiaonkiere?

⁴⁶ Tontahenron: Onkase kiok kenh niiaonkiere: aseken ȣakattoke tsi ȣakaiakenne niihne nakatanitenresera.

⁴⁷ Ethone ne tsiothonȣisen Sahonikonraientane tsi iah tehoteriȣasetenni tsi nahaiere, ioiatissonkȣane rasitakta ȣateȣatonstsoten, nok kanenrakȣekon iakottonte tsi ontrori nahoten ahoriȣake kenh niiakaiere, nok oni tsi oksaok sahaieȣentane.

⁴⁸ Nok ȣarenhase: kien, tosa sateronn: neh sesatsiente tsi tisetakȣen; ȣas skennen sasatenti.

⁴⁹ Sekon ok nihotaratie, eh ȣaraȣe ne sakotatis raonnhatsera, ȣahenron: onen iaȣenheion ne tsienha, tosa kati taonsatsenikonrharen ne Roianer.

⁵⁰ Iesos ȣahohonsonkote, ȣahenren: tosa sateronn; neok ne tasetakȣenhak nok enskaieȣentane.

⁵¹ Nok nonen siiaonneȣe tsi tkanonsote, iah onka nakoren tesakoiatinionton ne Iesos neok ne Tier, Sak tanon San, oni nehne kaiatase konȣaienha.

⁵² Akȣekon ok tehonsenthoserons, rontatonstskȣenaiahakons tsinikonȣannhatens oni tsini hotinikonranonȣaks; ȣasakaȣenhase kati: Tosa teseȣasentho: iahseteiaȣenheion, neok se neiotas.

⁵³ Ok tihonȣaieronhakȣe aseken ronaterientare tsi oriȣiio iaȣenheion.

⁵⁴ Nok tanon nonen akȣekon sonsasakoiatinekenȣe, Iahanentsa, nok ȣahenron: tsiatase satkestsko.

⁵⁵ Sonȣe naonikonra, nok sontkestsko; nok ȣasakorori nakonȣanonte.

⁵⁶ Kenh kaien ne rotikstenha ȣahotinerako; nok tanon ȣasakotiaȣenrastse nasakotirori onkakiok akenhake tsi nahaȣenne.