Luke 4 - Ohiatonhseratokénti

Kaieri-aton teioteriȣasonterakȣen nʼOriȣatokenti tsini hoiaton Roiatatokenti. Luc.

¹ ONEN nonȣa Iesos raiatihatie ne Rotkon Roiatatokenti, Jourdan niionsare, nok ne kanikonra aokȣeniat ȣahotori tsinonkati ne karhakon.

² Kaieri niȣasontasen nikariȣes ȣatenientenseronnes notkonseraksen nahonikonrotako, eh oni nahe iah othenon tehokon, nok nonen sontenniserohestste ȣahatonkariake.

³ Nensok ȣakenron notkon; Nehne Niio Iaienha akenhake tsiron kanatarok ȣaton kehiken kanenhiakeron.

⁴ Tontahaȣennaȣeron ne Iesos, nok ȣahenron: kaiaton tsi iah kanatarok ok taronnhekȣen ne ronkȣe, henronnhekȣen oni ne Niio Raoȣenna.

⁵ Ethone notkon tsinonȣe tionontoȣanen niiahoiatenhaȣe, etho oni nonȣe ken ok nontakariȣestste onȣentsiakȣekon ȣahonatonhase.

⁶ Nok ȣakenron: Akȣekon enkonhion kehiken tsiniiotieren; aseken Ii ionkaȣi Ii kati enkanonton onka ensekheion.

⁷ Kaȣonniioki asathontate taskatontsothase, nok saȣenk enȣaton.

⁸ Tontahenron ne Iesos: Ehren iset Satkonseraksen! Aseken kaiaton ne ȣaton: saiatat ok ne Niio Raȣenniio hentseȣenniiostake, nok raonhaa hentseniahesenhake.

⁹ Jerusalem sekon niionsahoiatenhaȣe, Kanonsakenhiate nʼOnonsatokentikoȣa eh ȣahostskȣaren, nok ȣahenron: Nehne Niio Iaienha akenhake ehtake iasatiatent.

¹⁰ Kaiatonse ȣahi tsi entesakotori ne Raoronhiakeronon okon naiesaiatanonstate.

¹¹ Nok ratisnonke entsistskȣaratie tosa aesasitakȣarase nonenhiake.

¹² Tontahenron ne Iesos: Sekon are neneh kaiaton: tsi iah tatsenikonrotako ne Iaianer oni Ianiio.

¹³ Nonen siiathastsahate notkon, tontahatonneke Satekon tsiniiore.

¹⁴ Ethone Rotkon Ronikonratokenti ȣahonikonrata ne Iesos ne Galile niiaonsare; nok ȣahasennoȣannha neh nonȣe niȣatonȣentsiate.

¹⁵ Aseken sakotatiskȣe tsi ronterennaientakȣanionkȣa, akȣekon ok oni tehonȣarensaronskȣe.

¹⁶ Khare onen iaharaȣe Nazareth, tsinonȣe thoteiaron, nok tsi ȣahaȣentatokentane iahataȣeiate Ononsatokentike, tsiki nihorennhaonne; ȣathatane nahaȣennanoton.

¹⁷ Esai Rotokense raoiatonsera takonhion, nok eh nonȣe nathakhasi tsinonȣe ni kaiaton ne ȣaton:

¹⁸ Iakenikȣekon ne Raȣenniio rahonikonra, aseken rakiatanoronston; neh ahoriȣa thakatorion nʼakherionnien ne iakotent, nok aonsakhetsiente niakaȣeriasanonȣaks.

¹⁹ Nakherori tsi tsiontnerensionhe ne ienaskȣa, tsiekensere ne teieronȣekon, aonstiiontateȣenniione ne iontatkenren seronni, akerihoȣanate tsi onen ihio ne Raȣenniio raȣennisera.

²⁰ Tonsahaiatonserakha, ionsahaon ne ratsihenstatsi nok sahatien; Akȣekon ok rahonha tohonȣakanere netho ietaraien.

²¹ Ethone onen tahatasaȣen ȣasakaȣenhase: Onȣa kenh ȣenniserate onen ȣakahnane tsiniȣaton ne kenh kaiatonserat; Akȣa nonȣa ise hetsiseȣathonte tsi rothare.

²² Akȣekon ok oni ronȣariȣaȣasehakȣe, nok iakohnerakȣaskȣe tsini kaȣenniios ne thaȣenninekens; nok iontonhakȣe: iah kenh naha neh teken ne Sose roienha?

²³ Nok tontahenron: iah teiotennoȣent tsi enskȣenhase: Satetsiensts, ise niare satatetsient, eh oni natsier tsinonȣe nisenakere tsinahotenson ionkȣariȣaronken nahesaieren ne Kapernaiimke.

²⁴ Sekon are tontahenron: oriȣiio tsi kȣarori, tsi rahonakeraserakon ok iah tateharensaron oni ronȣariȣakenronni ne Rotokense.

²⁵ Tsiki niiotonne ne Elie Onȣentsiake shires, ionentiokoȣanenne ne ionatereonskonne nethononȣe siȣenniseratenion nʼisraerrononke; nasen niioserake siiateseȣaȣennen sonteronhiakȣeke; neseȣaonni ȣaontonkariakon onȣentsiakȣekon.

²⁶ Nok sane iah oni nenskat teshakoiatakennhaseron ne Elie, neok ne Sidonienronon iotereons Sarepta nonȣe nikanakerekȣe.

²⁷ Ronentiokoȣanenne oni ne rotiststaȣis, Elise rotokense Onȣentsiake shires, iah ki sane enskatha tesesakotsienton, neok enskah ne Naamen Sirienronon.

²⁸ Akȣekon ok oia nontahonatierase tsinihati ratiteron tsinikaȣennoten ȣaonronke.

²⁹ Nese ȣaonni akȣekon ok tontahatitane Sahonȣaiatinekenȣe ne raotinatakon, nok eh nonȣe niiahonȣaiatenhaȣe tsinonȣe ieiotenontiakon Kanatakta, ronnerhakȣe ok eh niienshakȣaiatente.

³⁰ Tehatiiatokenson tanon tonsahatohestste nok sahatenti.

³¹ Kapernaiimke niionsare Galilene Tkanataien, nok etho sesakotatiskȣe naȣentatokentike.

³² Nok iakohnerakȣaskȣe tsini horihoten: Aseken ne raoȣenna ikene ne Kakȣeniat.

³³ Saiatat raiatarakȣe tsi iakotkennison, nʼotkon rotiennine, tontaiaȣentsi ȣathohenrete tsi nihaȣenna.

³⁴ Ȣahenron: Ah! Sateionkȣasastenseraien kenh naha ise Iesos Nazaretronon? Neh kenh taseniente naskȣatonte? ȣakaterientare tsi ise ne Niio Iaienha Saiatatokentikoȣa.

³⁵ Nok ne Iesos ȣahatteten ȣahenron: tastotek, nok tontatsiakenn ne raonhake. Nok notkonseraksen akȣa niare kanenhrihen eh ȣahoiatonti, iah ki neneh sane tehokareȣaton, nok tontakaiakenne.

³⁶ Akȣekon ok ȣahakohnerakȣenhaton; nok iontonnionskȣe: oh nakaȣennoten kehiken, eh niiore tsi iotikȣenies oni iotiȣenniio nonatkonson, nok skontiiakens?

³⁷ Nese ȣaonni ȣahasennoȣannha tsini ienakerasera neh nonȣe.

³⁸ Nok nonen satontahaiakenne ne Iesos tsi ionterennaientakȣa, Simon rahononskon ionsahataȣeiate, ethone iotonkȣarhoskȣe ne Simon ronȣennhonsa, ȣahonterennaien kati niare.

³⁹ Nok iahtastsakete tsi tkaiationni, ȣahatteten ne kannratarinon, nok oksaok sakentonkȣanoste; oksaok oni sontkestsko, nok saioioten.

⁴⁰ Nok nonen siiateȣatsothosere eh iontatiatheskȣe tsiniiakon ne niatekannrake iakononȣaktanithakȣe; neok ne skastson iatesakonisnonsaerhase nok saieieȣentane.

⁴¹ Tohka oni nonsasakoiatinekenȣe nonatkonseraksen, akȣa ens neok ne kontonne: Ise ne Keristos Niio Iaienha; sakonnhesehakȣe tanon nakontrori tsi raonha ne Keristos.

⁴² Akȣa neok ȣahorhenne sahatenti, ehnonȣe niiahare tsinonȣe iah onka tetiens; nok nonkȣeokon ronȣaiatisakskȣe, nonen siiaonȣaiatatsenri ȣaonȣaneken ne tosa oksaok ahatohestste.

⁴³ Tontasakoȣennaȣeron ȣahenron; iatekakonte se oni nehne tsi ȣakatoriȣaienni nʼakherionnien nakteson tienakerenion tsiniiorihoten ne Niio raonakerasera; aseken neh tionkatoriaton.

⁴⁴ Nok tsiionterennahientakȣanionkȣa ne Galile nonȣe nisakotatiskȣe.