Luke 3 - Ohiatonhseratokénti

Asenhaton teioteriȣasonterakȣen Oriȣatokenti tsini hoiaton Roiatatokenti. Luc.

¹ Ȣisk-aton iaȣenre niioserake sihonontiikoȣa ne Tiber Cesar, ethone ne Konskȣirat sihakoraserakȣeniio ne Judé, nok ne Herod Galile, nok ne rokenha Philip Iture tanon Trakonit, nok ne Lysanias Abilene neneh nonȣe nihoteriontakȣe.

² Ann tanon Caiphe nitsihenstatsi koȣa ihken, onen ne San Sakari roienha tahatasaȣen ȣasakoȣennaronkaten ne Niio raoȣenna.

³ Akȣekon nontarete naktatiesonha ne Jourdan, sakoretsiaronne, aonsaiontatreȣate nok aonsaionkiatokeȣe ne kariȣaneren.

⁴ Tsiki niiot tsi kaiaton raoiatonserakon ne Rotokonsehakȣe Esaï, raton: kenh nihaȣennoten ne karhakon raȣennotaties: Seȣahahaseronni ne Roianer rahohaha, Seȣahahakȣarisi tsi rothate.

⁵ Akȣekon enskananon tsi ionrakȣanion, Akȣekon enkarision tsi ionontenion oni tsi ionniaronnion, nok enskatakȣarision ne iotkȣaton, nok enskatakȣarision tsinonȣe nenhiohahakarenrenionke.

⁶ Nok akȣekon nonkȣe onhonȣaken ne Niio raoiatakennhatsera.

⁷ Sakaȣennihakȣe tsiniiakon ronȣaiatorenskȣe naiontenekȣaheste: onka ietsirori naheseȣatekȣase ne Niio raonakkȣensera.

⁸ Teiotitokentonhak kati natatreȣatatsera tsi saseȣatatreȣat, nok tosa saseȣerhek aheseȣatonheke oni ne seȣerientakon: Abraham sakȣaniha: aseken ȣakȣarori tsi iah othenon tahonoronse ne Niio, kehiken kanenhiakeron aontasakoiatinekenȣe nʼAbraham sakoienhokonha akenhake.

⁹ Onen akȣekon niiekonȣatiriȣenton tsi tioteronton, tsinikarontake ne iah teȣaianiiontha enkaiakon nok otsirake enȣation.

¹⁰ Ethone oni akȣekon ok nonkȣeokon ȣahonȣariȣanontonse ionton: oh nenhiakȣaiere?

¹¹ Tontasakoȣennaȣeron, nok ȣahenron: onkakiok tekeni tehotiataȣitseraien enskat ki sakaon ne iah teiakoien; nok oni ne rotonnatseraien eh oni neneh nihaier.

¹² Akȣekon oni ne ratikarotasions ronȣaiatorenskȣe nok ronȣariȣanontonnihakȣe, ronton: Seȣenniio! oh nenhiakȣaiere?

¹³ Tontahenron: Tosa ihsinon naseȣariȣanonton tsiniiot tsi oni nikon ietsiriȣaȣi.

¹⁴ Ok oni ne sotar ronȣariȣanontonnihakȣe oni noneh, ronton: Oh nii nenhiakȣaiere? Tontahenron, tosa ok tontaietsiianontons, aietsinikonrhaten oni onkakiok akenhake; ok taseȣennikonriakonhak tsini seȣatkariakse.

¹⁵ Nok tsi onen siiakorharenion nonkȣeokon, ienrhakȣe kati neh onte kehiken ne Keristos.

¹⁶ Tahenron ne San; neok se nii naȣenke kȣanekȣahesta, tihaiatate ohnaken tare nehe senha rokȣeniatseroȣanen, akȣekon iah teȣakerionte neok oni nahiiennikatsenanerensi, neh Onikonratokenti nok Otsire hentsiseȣanekȣahestakȣe.

¹⁷ Rahaȣe ne raosheȣata, nok enhatataseȣase, nok raononsoharake ienhateȣeienton ne raonatsia; nok ne kaȣahe otsirake iah teȣasȣas ienhoti.

¹⁸ Eso tsi nithaierathakȣe tsi sakoretsiaronskȣe, oni tsi sakotatiskȣe nonkȣeokon.

¹⁹ Herodias ȣakarionni tsi ȣahotteten ne San ne Rakora Herod ok neneh iatatekenha Philip rone rotinnhikon.

²⁰ Sekon ionsarohestste ne raonnhistsera onen akȣa ȣahatennhane ȣahonȣannhoton ne San.

²¹ Nok tsi iontenekȣahesta nonkȣeokon, etho oni neneh ȣahatenekȣaheste ne Iesos; nok tsinikariȣes roterennaien, tontonteronhiakhasi.

²² Nok Rotkon Roiatatokenti tahastsnente, ȣahotienhase, orite kenraken rotiatontakȣenhatie; etho oni takaȣenninekenne ȣakenron: I꞉se konhienha konnoronkȣa-koȣa; ise oni issaȣe ne katonȣeskȣata.

²³ Onen neh nahoten nʼasen sihahoserasenhatie ne Iesos, nok akȣekon ok nonkȣeokon ienrhakȣe Sose roienha, nok ne Sose Heli neneh Roniha.

²⁴ Mattat roienha, Levi roienha, Melchi roienha, Janna roienha, Sose roienha.

²⁵ Mattathie roienha, Amos roienha, Nahum roienha, Esli roienha, Naggé roienha.

²⁶ Maath roienha, Mattathie roienha, Semei roienha, Sose roienha, Juda roienha,

²⁷ Johanna roienha, Rhesa roienha, Zorobabel roienha, Salathiel roienha, Nere roienha.

²⁸ Melchi roienha, Addi roienha, Cosam roienha, Elmodam roienha, Er roienha.

²⁹ Jose roienha, Eliezer roienha, Jorim roienha, Matthai roienha, Levi roienha.

³⁰ Simeon roienha, Juda roienha, Joseph roienha, Jonan roienha, Eliakim roienha.

³¹ Melea roienha, Maïnan roienha, Mattatha roienha, Nathan roienha, David roienha.

³² Jesse roienha, Obed roienha, Booz roienha, Salmon roienha, Naasson roienha.

³³ Aminadab roienha, Aram roienha, Esrom roienha, Phares roienha, Juda roienha.

³⁴ Jacob roienha, Issaak roienha, Abraham roienha, Thara roienha, Nakor roienha.

³⁵ Saruk roienha, Rhagaii roienha, Phalek roienha, Heber roienha, Sala roienha.

³⁶ Caïnan roienha, Arphaxad roienha, Sem roienha, Noe roienha, Lamech roienha.

³⁷ Mathusala roienha, Enok roienha, Jared roienha, Mahalaliel roienha, Cainan roienha.

³⁸ Enos roienha, Seth roienha, Adam roienha, Niio roienha.