Luke 24 - Ohiatonhseratokénti

Teȣasen kaieri aton iaȣenre teioteriȣasonterakȣen Oriȣatokenti tsini hoiaton Roiatatokenti-Luc.

¹ Nok tsi ȣahententane orhonketsi eh ȣahonnete tsi thaiatatakȣe neh kontihaȣi ne ȣenhienakonhonson nononha iotikȣatakȣen.

² Ȣahontkatto kanenhiarakȣen ne kanontektonne tsi iokaronte.

³ Nok iakonstsnente, iah kahneka tetsionatkatton ne Iesos raoieronta.

⁴ Sekon ok kati etho niiotinerakohon, teniiase rotiiatanerakȣat eh ȣahotiketote.

⁵ Nok tsi nahonateronhienton neok ne takontiniarenne; ȣaniron kati: ohniiotieren tsi ehnonh nitsiseȣaiatisaks neronnhe tsinonh niiekeron ne iakoȣentaon.

⁶ Iah kentho tehenteron; onen tanon shotonnheton, saseȣeiarann tsiniiot tsi hetsiseȣarorihakȣe sekon Galile shitres.

⁷ Tsi raȣen: iatekakonte tsi enhonȣaiena ne rotiriȣaneraakskon nʼOnkȣe Roienha, tenhonȣaientannharen, enshatatonnhete nasen-aton nenȣata.

⁸ Nok sakonneiarane neh nikaȣennotens.

⁹ Oksaok kati sahontenti, ionsaiakotirori nenskat iaȣenre Nihatikȣekonne oni notiake.

¹⁰ Onȣari-ȣatere, tsiann, tanon Onȣari Sak ronistenha ne skontiriȣenhaȣine oni saiakotirori neh nekarihotens ne Iesos Ratikȣekonne.

¹¹ Eh nehne nahaȣenne tsi ronathonte skonttrori ne tsionathonȣisen tsiniiot nahakotestshen: nese ȣaonni iah othenon tethonetakon.

¹² Nok ki sane, Tier tontahatane nok ȣahatkensera; iahatketoten noshonȣakon; neok ȣahatkatho noniataraha akta kaien; neok ne shonerakohonhatie tsinahaȣenne.

¹³ Ok neh sahennisera, teniiashe iathahine, Emmaüske niiahonenonhatie, neh nahoten ne iaiak niȣasen niȣateniententserake natetiatere ne Jerusalem.

¹⁴ Nok neh rotitharakȣenhatiene tsi niiaȣenseron.

¹⁵ Tsi kati nahe neh rotitharakȣenhatie, eh ȣasakohnonterahne ne Iesos, nok ȣahonne.

¹⁶ Tsi niiot noiah nahaȣenne ne nikarake nese ȣaonni iah tehonȣaientereskȣe.

¹⁷ Nok ȣahenron: oh nekenh nahoten tesenitharakȣenhatie? oh oni niiotieren tsi seninikonraksens.

¹⁸ Saiatat Cleophas ronȣaiasts tahatati, ȣahenron: Sonhaa onteken nekenh ne Jerusalem-ronon ne iah taseriȣaienterihake tsini iaȣenseron nonȣa kenhȣenniseratenionkȣe?

¹⁹ Tontahenron, oh nekenh nahoten: tontaniron: Iesos ȣahi Nazaretronon raiatatake, Rotokensehakȣe, raȣeiennanoron, raȣennanoron oni rahohenton ne Niio oni akohenton nonkȣeokon;

²⁰ Tsinihonȣaierase ne ratitsihenstatsiokon oni ne ratikorasson, ronȣariȣenton narenheie, nok tehonȣaientannhare.

²¹ Iakȣerhakȣe rahonha onte enseshakoskontako nʼIsraerronon; nok sane onen neh onȣa asen-aton nonta etho nitiaȣenhon.

²² Sekon ki neneh sane ionerakȣat tsinahaȣenne: otiake nonkȣathonȣisentsera eh iekonneskȣe tsi thonȣaiataten.

²³ Nok iah tetsiohnatkathon ne raoieronta, ȣakonniron oni, ratironhiakeronon ȣasakotirori tsi sronnhe.

²⁴ Otiake tsini iakion eh ȣahonnete ȣahontkensera, eh ki niiot tsi ȣahontkatto tsiniiot tsi tsionatrori, nok ne raonha iah ki nehne kaneka teshonȣaken.

²⁵ Ethone onen tahenron: kanoron ki oni tsi iah teseȣanikonra, tsi oni niseȣatennoȣentastskon nahonteseȣetakȣe tsinithonatati ne Rotitokensehakȣe.

²⁶ Iah kenh tateiotonȣentsiohonne neh niiot tsi haharonhiaken ne Keristos, nok ahonsahataȣeiate raoiatanerakȣatserakon?

²⁷ Ethone oni ȣasakohnikonraientaten tsini hotiiaton nʼOiatonseratokentike, ne Moïs oni ne Rotitokensehakȣe ne raonha raiatatake.

²⁸ Nok nonen siiahonneȣetsi iohnatakȣenrare, oh nahaiere tsiniiot nahotoheststakȣenhatie.

²⁹ Nok ne rohnonha ȣahonȣaiatannhe, ȣaniron: onen iokara, onen oni thoha aontaiokaraȣe, testann niha. Enskatne kati ȣahontaȣeiate anioh ȣasakoriskonte.

³⁰ Tsi kati shathonstskaon, ȣahanatararako, nok ȣahaiatateriste; ȣathaiake nok tashakahon.

³¹ Ethone onen tonsaiatkakȣarisi nok ȣahonȣaienterene; Nok ne raonha ok eh tonsahatatonte.

³² Nok ȣaniron: Iah kenh naha oni tetiotarihenskȣe nonkeneriane sontasonkenirorianionne ohahakeson tsini kaȣennoten nʼOiatonseratokenti?

³³ Nok tontanitane, Jerusalem niionsane, tsi thatiteron nenskat iaȣenre nihati, neh ne ronatiake;

³⁴ Rontonhakȣe oni neneh: oriȣiio tsi shotonnheton ne Roianer, Simon shoken.

³⁵ Nok oni ne kenh kaien saiatrori tsi nahotiiataȣen nʼohahakeson, oni eh nonsahonȣaienterene sasa konataranonte.

³⁶ Tsinikariȣes neh rotitharakȣen eh ȣahoketote ne Iesos, nok ȣasakaȣenhase: skennen tikenhak niseke!

³⁷ Nok ne rononha, tsi nontahontonneke oni ȣahotiteronne ȣahonnere ȣahonkȣatianeronne ȣahi.

³⁸ Ȣasakaȣenhase: oh nontieren seȣahterons nok niatekon seȣanontonnions?

³⁹ Seȣatkatho kesnonke oni kasike, akȣa se ii: kenh oni niiatakȣaier nok takȣakaenhion; kati kenh neneh ioȣarare oni iostientare nakonȣara tsi nii niiot.

⁴⁰ Nok ȣasakohnatonhase ne rasnonke oni rasike.

⁴¹ Nok iah teȣatons nahontahonnetakȣe tsi nahontonnharen oni rotinerakohon, ȣasakaȣenhase: seȣakkȣaien kenh?

⁴² Kentsiakenrita tanon otsinakontakȣane otsikheta ȣahonȣaerhase;

⁴³ Ȣatrakȣe nok rahotihenton ȣathastskaon.

⁴⁴ Nok ȣasakorori ȣahenron: eh ȣahi niȣakieron tsi kȣarori sekon shiteȣes: tsi iatekonte enkanane tsini hotiiaton ne Moïs oni Rotitokensehakȣe nok oni ne Karennakon nii kiatatake.

⁴⁵ Ethone onen ȣatesakohnikonrasȣathete nahotinikonraientane tsinikaȣennoten nʼOiatonseratokenti.

⁴⁶ Oni ȣahenron: etho niiot tsi kaiaton; eh oni nateiotonȣentsiohonne neh enharonhiaken ne Keristos, nok nasen-aton nonta tahontahatkestsko ne kenheiatne.

⁴⁷ Nok raonha raosennakon aionteriȣanoton aiakohnikonkararen, nok tsi entsiakoterakeȣase ne kariȣaneren akaonȣentsiakȣekon nonkȣe, kentho Jerusalem ienȣatasaȣen.

⁴⁸ Ise ȣahi noriȣakȣekon seȣatkathon; onen kati entkȣatennietase tsini horharastston ne Rakeniha.

⁴⁹ Niare kati Jerusalem seȣenterontak tsiniiore ionseȣahrane nʼEnekenkha ahosaststensera.

⁵⁰ Ethone onen astste niiasakohiatenhaȣe tsiniiore Bethani, nok ehneken iathatsiatate oni ȣasakoiatateriste.

⁵¹ Nok tsinikariȣes sakoterennaiennihatie eh tonsahontekhasi, karonhiakon niionsare.

⁵² Nok ne rononha ȣahonȣasennaien, nok shonatsennonnihatie Jerusalem niionsahonne.

⁵³ Nok kenȣentatiesson ononsatokentike ronaterennaien tehonȣanonȣeronnions oni ronȣatsennonnia sne Niio. Amen!