Luke 21 - Ohiatonhseratokénti

Teȣasen nok enskat teioteriȣasonterakȣen Oriȣatokenti tsini hoiaton Roiatatokenti Luc.

¹ TSINI kariȣes tehakanere ne Iesos, ȣasakoken iakokȣatsenion iaheȣistaren kanerokȣakon.

² Ȣahaken oni iotent iotereons tekeni kȣenis iakaren.

³ Ȣahenron: tiakariȣakenniate, ȣakȣarori tsi senha neh kehiken iotent iotereons ihsinon tsi nakaiere tsiniiot notiake.

⁴ Aseken ne kenh kaien neh ȣahakoti tsini iakoketotennis, nok naonha kententetserakon eh oni nikon ioientakȣa naioiatakennshaste nok neh ȣahoti.

⁵ Kenh kaien notiake neh ne iakotharakȣen tsini iononsanerakȣat nʼononsatokentikoȣa tsi oni niiokȣasts, ȣahenron:

⁶ Ne kenh nise teseȣakanere; ienȣatenniseriheȣe neiah oni nenskat tataonsakanenhiaserake ne iah takarision.

⁷ Nok ȣahonȣariȣanontonse ȣahonniron: Saianer? Katke nekenh eh nenhiaȣenseron? oh oni nahoten enkaioronniststakȣen nonen eh nenhiaȣensere?

⁸ Nok tontahenron: seȣanikonrarak tosa iestsinikonrakarhatho: aseken ronentiokoȣanen enthonne enhionksennenhaȣi, enhontonne; ii ne Keristos, onen oni thoha iakaheȣe; tosa kati iestsiser.

⁹ Nok nenseȣariȣaronkanion iakoteriio oni ateriiosera, tosa seȣateronhienten: iatekakontese tsi neh enkontihente; iah ki tanon teiohnonteratietane ne iotoktakȣen.

¹⁰ Ethone oni ȣasakorori ȣahenron: ok nehne teiontonȣentsianekhanion tenhiakoriȣarheseron.

¹¹ Onȣentsiakȣekon tatenhiaonȣentsishonkȣanion, enhiontonkariakon, enkannratarineseron, enhiakoteronhientanionhase, nok niatekon tsinenhiaȣenseron tsi tkaronhiate.

¹² Iatekariȣakonte ki tanon tsi iatenhonnisnonsaren ne seȣaiatake, enhietsikenrenseronni, enhietsiiasarinesson tsi ionterennaientakȣa, oni enhietsinnhoton; nok enhietsiiatenhaȣison rahotihenton ne rotinontiiosson, nii aksennakon.

¹³ Nok neh kehiken enseȣariȣaniraststakȣe.

¹⁴ Akȣa kati onȣa ok saok iaseȣatennikonrisa, netosa othenon aeseȣatennikonraienton tsinahoten enseȣenron nethononȣe nenkahaȣi.

¹⁵ Aseken akȣa ii enkion nethone ne kanikonriio kaȣenniio oni tsiniiore ne iah onka takakȣeni aietsiriȣaiakse oni aietsirihorarake ne ietsiriȣasȣens.

¹⁶ Ok oni ok neh ne ietsinihokon, ietsinistenhokon, teseȣatennontere, seȣatatenonkȣe, nok oni ne seȣatenrookon enhietsiiatenninon; kentiokoȣanen oni tsinitsion nenhonȣatirio.

¹⁷ Akȣekon ok oni enhiestsisȣenseron nii akeriȣake.

¹⁸ Iah tanon oni ne skanonkȣisera taeseȣatonse.

¹⁹ Kanikonriiotserakon tsionnhetie.

²⁰ Nonen enseȣatkatho Jerusalem, tenhotinatannhen ne ronteriios, seȣerhek onen akta ihȣe nahonikonraksensera.

²¹ Ethone ne Juderonon tsi iohnontenion enhion tekȣassen, nok enhiontennhoton tsiniiakon Jerusalem kanatakon ieteron, nok iah taonsaiontaȣeiate ne kanatakon naktatiesonha ienakereniontie.

²² Aseken onen nehne kareȣatatsera enȣenniserontakȣen; noriȣakȣekon akanane tsini kaiaton.

²³ Iotitentasere noiah nenkontiiatoten oni nenkonststaronthake neh nonȣe niȣenniserate! Aseken kententetseroȣanen iakotentasere, nok kareȣatatseroȣanen iakohrasere neh nonȣe niienakere,

²⁴ Akȣekon enhiontateniaroskare, nok enhiontatenaskȣenhaȣenseron tsi ienakerenion, nok nehne iah teiakoriȣiioston enhiontenatakȣeniioste ne Jerusalem, tsiniiore ienkanane tsinikanaton ne iah teiakoriȣiioston akaȣennisera.

²⁵ Tenȣatieronnionhaton tsi karakȣare, oni asonrekha, oni tsi iotsistokȣaron, eh niiore tsi enhiakotentaseron nonkȣe okon tsiniiore ok tentsiakoriȣaieȣasseke oh akȣa nenhiakoiataȣensere nonȣentsiake; tenhiotenonhianiton tsi enhiorakarheke ne kaniatarakekoȣa.

²⁶ Eh nonhiakoiataȣen nonkȣe tsiniiot nonen iahiheions neh tsinenhiakoteronseke, nok oni tsienhiakorhareke oh nenhiaȣensere nonȣentsiakȣekon. Aseken onen tenȣatkarenron ne Karonhiakekha ahosaststensera.

²⁷ Nok ethone oni onen enhonȣaken nonkȣe Roienha otsikerakesson natenthaȣenonhatie kasastenserakon oni Kaiatanerakȣatserakon.

²⁸ Neh kati nonen enteȣatasaȣen eh nenhiaȣenseron, seȣatarakestsko nok ehneken iaseȣatkatto, aseken onen akta iȣe ne seȣaiatakennhatsera.

²⁹ Kenh nahaiere tsi ȣatesakoriȣakontonkȣen: teseȣaiatoret ȣahenron ne tsionionȣarontonhakoȣa nok oni notiake ne karontasonha.

³⁰ Neh ȣahi Seȣaienterestakȣa nonen teiohkennhontiesere nonen enkaskȣeionten.

³¹ Etho kati oni nise niiot, nonen enseȣatkatho enkonneȣe neh nikarihotens, seȣerhek tsi onen akta ihȣe ne Niio raonakerasera.

³² Oriȣiio akȣa oriȣiio tsi kȣarori tsi iah taontohestste ne kenh kaȣatsirate ohenton neh naiaȣenseron.

³³ Karonhia, onȣentsia enȣatohestste, nok nakeȣenna iah neneh nonȣenton tiiakontohestste.

³⁴ Seȣatatenikonrarak kati tosa seȣasenni ne kakon, tsini ienekiratha, oni ne tiiohriȣatesonha nonȣentsiakekha; nok aeseȣanenrenten nonen enȣaȣe neh niȣenniseroten.

³⁵ Aseken eh niiot tsi enhiakoȣenonni akaonȣentsiakȣekon nonkȣe tsiniiot ne ȣataharo.

³⁶ Seȣatieȣaten kati, tiotkon onȣe taseȣaterennaientak, niaeseȣaȣe aeseȣarihontake ne taeseȣatohestste tsinonhiaȣenseronne, nok skennen tatsiseȣaken nonkȣe Roienha.

³⁷ Tsini ȣenniseres Ononsatokentikoȣane sakotatiskȣe, nok nonen enhiokaraȣe enshaiakenne nok tsi tiononte nʼOlivier iehanonȣeststakȣe.

³⁸ Orhonketsisens eh kanenraserens Ononsatokontikoȣane naonȣataonsatate tsi sakotatis.