Luke 20 - Ohiatonhseratokénti

Teȣasen-aton teioteriȣasonterakȣen Oriȣatokenti tsini hoiaton Roiatatokenti Luc.

¹ Tsinikariȣes sakotatiskȣe oni sakorionniennihakȣe Ononsatokentikoȣane, eh ȣahonneȣe ne ratitsihenstakȣeniios, ratiiatons oni ratiianerenseronni.

² Ȣahonniron, tsi ȣahonȣaȣennarane: takȣarori kah nitisakȣeniatserenha kehiken nonȣa nisierha; ok ne ens onka iakȣeniatseraȣi?

³ Nok ne Iesos ȣahenron tsi tontasakoȣennaȣeron: tsioriȣat oni nii enkȣariȣanontonse, nok tontakȣariȣaserakȣas.

⁴ Karonhiakekha kenh ne San raotenokȣahestak katen onȣentsiakekha?

⁵ Rontonhakȣe ne raotinikonrakon: toka enhiakȣenron karonhiakekha, enthenron ȣahi oh kati nontieren tsi iah tetiseȣetakȣen.

⁶ Nok nenhiakȣenron onȣentsiakekha, onkȣeokon nehne enhionkhinenhioiake; aseken akȣekon ok tiakaȣetakȣenne tsi Rotokense ne San.

⁷ Ne kati ȣaonni ȣaonniron: iah othenon teionkȣaterientare, kah nitiaȣenonne.

⁸ Tontahenron ne Iesos: Iah ki oni nii takȣarori, kah nitkieratha tsini kierha.

⁹ Ethone are onen tonsasakoriȣakentonkȣen nonkȣeokon ȣahenron: Enskat oni nah neronkȣe ȣahanenharaientho, nok ratinenharaienthos ȣasakohni, nok kariȣes tsinahe rotention.

¹⁰ Nok tsiniȣaiaris raonnhatsera iahotori ȣahaiakoha; nok tanon ne ratinenharaienthos niarekȣe ȣahonȣasokȣaȣesson nok rahoiatoskon sahonȣatori.

¹¹ Sekon tihaiatate ionsahotori, eh oni nehne nontahonȣaierase, nok tontahonȣatekȣate.

¹² Sekon ionsahotori nasen-aton: tahonȣakareȣatanion oni nehne nok astste tahonȣaiatonti.

¹³ Ethone onen ȣahenron ne rotenenharhare: One kenh nenkiere? Riienha neh nakȣa thinoronkȣa ienhiiatori, toka nah nehne tenhonȣarhoton.

¹⁴ Nok ne ratinenharaienttos ȣahonniron nonen siiahonȣaken tare; Neh ȣahi tohiken ne raoȣenk seȣatonsere; enhnio kati hetsiteȣario, nok ii onkȣaȣenk enȣaton tsini hoien.

¹⁵ Astste ionsahonȣaiatonti nok ȣahonȣario. Oh onte nenhatiere ne ranenharakȣeniio?

¹⁶ Tentre, nok enhatennhane enhonȣanaȣentho tohiken ratinenharaienttos, nok akoren ensesakohnenharani. Nok ne rononha tahonniron: iah ki onte eh teiaȣensere!

¹⁷ Ȣasakotkathoseron, nok ȣahenron: nahoten kati nehne kenton tsini kaiaton: Neh ne rotineniasȣenhon ne ratinonsonni, neh ȣakanenhiakȣeniione tsi tekaiosaien?

¹⁸ Onkakiok eh enhaiatienenne onenhiake, tenhaia tarine; nok tenhoiatorarake nonka enhorrienenne.

¹⁹ Ratitsihenstakȣeniios oni ne ratiiatons, ȣahontenienten nok saok ahonȣaiena: aseken ȣahotinikonraientane tsi rononha ȣatesakoriȣakentonkȣate: onkȣeokon ki sesakotistsaniskȣe.

²⁰ Onen senha ȣahonȣanehtentakte, neh nonȣa ionsahonȣanatori nakȣa karionnienni oni rontatonnis aontaionkȣetaierike, natahatiierekenha nahoȣennakarenrako nok neh ahostonte kaianerensera akonȣanaskon.

²¹ Kenh kati nahatiiere tsi ȣahonȣaȣennarane, ȣahonniron; Seȣenniio! ionkȣaterientare tsi neok ne kaȣennanorons teseȣenninekens, neok oni ne tkariȣaieri serionnienni, nok oni tsi iah tatosonkȣetaiestasions akȣa oni neok noriȣiio tsinisherionnienni ne Niio raoriȣasonha.

²² Ionkȣateriȣaienni kenh naiakȣakariake tsini sonkȣakaraienni ne Cesar, katen iah?

²³ Roterientaratsion ne raonha tsini hotinikonraieraton, ȣasakaȣenhase: Ohniiotieren tsi iseȣere askȣanikonrhaten?

²⁴ Takȣanatonhas toh nikaȣistoten: onka eh kasennare oni kakonsare? tahonniron Cesar:

²⁵ Tontahenron: Satsitsion kinioh ne Cesar tsinahoten Cesar raoȣenk, nok Niio ne Niio raoȣenk.

²⁶ Iah othenon teshotiriȣatsenrion ne tahontahonȣaȣennaȣeronke akohenton nonkȣeokon, akȣa neok ne rotinerakohon nok thatontotate.

²⁷ Onen nonȣa Sadusean nehne rontennoȣentha tsi tsiontonnhests; sahonȣateranentakten nok ȣahonȣariȣanontonse.

²⁸ Ȣahonniron; Seȣenniio! Moïs raȣen tsi sonkȣaianerenseraȣi, onkakiok enhrenheie roniakon nok iah tehoȣiraientaon, neh ne teiatennontere shotiniak ne iotereons, aotȣatsironnien ne rotsikenha.

²⁹ Enskat kati ne tsiatak natehontennontere, ȣahoniake ne takoȣanen, nok ȣarenheie iah tehoȣiraien.

³⁰ Nehne shokenha sahotiniake, iah oni nehne tehoȣiraientaon nok ȣarenheie.

³¹ Onen neh nasenhaton sahotiniake, tsiniiore iathotinenrokten ne tsiatak natehontennontere akȣekon ȣahonniheie nok iah onka teioȣiraientaon.

³² Nok onaken iahaonniate ne tsiothonȣisen ȣakenheie.

³³ Kah kati nikaien ensroneke nonen entsiontonnhete? akȣekon seȣahi niiehotiniakon netsiatak nihati.

³⁴ Iesos tontasakoȣennaȣeron, ȣahenron: iakohniaks tsiniiakon iakonnhetie ne kentho ionȣentsiate.

³⁵ Nok tanon tsiniiakon enhiakorihontake naonsaiontonnhete oni niahonsaiakonnheke neh nonȣe teȣenniserate iahse tetsiakoniakhe.

³⁶ Aseken iah tetsiahiheionsere: aseken tenshontieren Eronhiakeronon okon, nok Niio sakoienokonha enskenhake tsi onen tsiakotonnheton.

³⁷ Nok kenh kaien tsi tokenske tsiontonnhests niakaȣenheon, Moïs rattrori okȣirokon satnitaren, ȣahenron: II raoti-Niio ne Abraham, Isaak nok Jacob.

³⁸ Iah kati ȣahi tehonȣa-Niio ne iakaȣenheion, neok kati ȣahi neiakonnhe; aseken akȣekon niieiakonnhe ne raonhake.

³⁹ Ethone otiake tontahontati ne ratiiatons ȣahonniron: Seȣenniio! oriȣiio tsi tasierite tsinahoten ȣasiron.

⁴⁰ Ethone onen iah onka othenon teshonȣariȣanontonni tsi ok nitioteriȣaieraton.

⁴¹ Tontasakaȣenhase: oh kati nah neh niiot tsi ionton Taȣit Roienha ne Keristos?

⁴² Aseken akȣa raonha ne Taȣit raȣen raoiatonserakon teieriȣakȣatha: Roianer raȣenhni nʼAkianer; satien tsi keȣeientetakȣen.

⁴³ Tsiniiore iatakheniarorarake ne iesasȣens, nok asheiarasitokeȣatakȣake.

⁴⁴ Oh kati nekonh naiaȣenne ne roienha akenhake, raton se ne Taȣit Rakeȣenniio?

⁴⁵ Nok tsi akȣekon ok nonkȣe ronȣataonsate, ȣasakaȣenhase ne raotiokȣa.

⁴⁶ Teietsinikonrarasek ne ratiiatons, ratinonȣe nahotikhareson tsi rontiataȣasts, nok ronnonȣeskȣani tahonȣatinonȣeratonseke tsi ionkȣene, ehneken iahatistskȣarake tsi ionterennaientakȣa, nok ohenton ah atistskȣarake tsi ȣatenniote.

⁴⁷ Sakotinonskariatha iohnatereons tsini honaterennaientatseresons; aseken senha ihsinonȣe tsi nenhonȣatireȣatakȣe.