Luke 14 - Ohiatonhseratokénti

Kaieri-aton iaȣenre Teioteriȣasonterakȣen Oriȣatokenti tsini hoiaton Roiatatokenti Luc.

¹ ENSKAT oni naha Iesos ȣatastskaonna tsi rononsote ne ronȣakoȣanen ne Pharisian, akȣekon ok raonha tehonȣakanere.

² Saiatat rotiato etho oni nehne raiatarakȣe raohenton ne Iesos.

³ Nok ne Iesos ȣasakoriȣanontonse ne Tohatiriȣakennhas oni ne Pharisian, Raton: aonton kenh naonsaiontatetsiente ne iakohnonȣaktani nʼAȣentatokentike?

⁴ Iah othenon tethonatati. Ethone onen ne Iesos tahonentsa nok sahotsiente oni sahotori.

⁵ Ethone are ionsasakoȣennarane nok ȣahenron: Onkakiok tsinitsion iahatkatho tsi ionaȣerote iakaiatenne ne raotsenen tionnhonskȣaron iah ontekenh oksaok taonsahaiatatako sahetosane aȣentatokentike?

⁶ Iah othenon tehotikȣenion nothenon ahontahonatatike.

⁷ Akȣa oni ȣatesakokaraientane tsi akȣekon ok neh ronaskennhen tsinonȣe tkanaktiio iahontien, ȣahenron tsi ȣatesakoriȣakentonkȣen.

⁸ Katke kiok enhiesaonkaron tiakotenniote, tosa tsi tkanaktiio iahsatien, aseken tokat enhaiatarake ne senha raiatanoron tsiniiot nise.

⁹ Nok ahienhase ne hetsisonihonkaraȣi: kenh kaien satsenakton: Onen nise atehensera tentisatiatonti tsi ohnaken iensesanistskȣaren.

¹⁰ Kenh tanon nasiere nʼonen enhiesaonkaron, ohnaken tasatien, naontonseke nonen entre ne iahonkaraȣi naiarori ahenron: Ohenton niiahase Orie, nok akȣekon ok teniesarensaron tsini iakon enhieterontake.

¹¹ Aseken ehtake niienhentsien ne iontharatasts, nok enhiontharatate ne iontatkenronni.

¹² Ȣahaȣenhase oni ne roonkaraȣine: Katke nensa tennioten, tosa seonkaron ne seȣatenroson, iah oni ne tesatennontere, ok ne ens ne saȣatsire, tosa oni ne teseȣanon-sanekhanion rotikȣastses; onȣas ens naha oni nehne tentiesaonkaron ne rononha nok akȣekon entsisatkariakse.

¹³ Neh tanon sheonkaron ne iakotentenion, teiontsarites oni ne teieronȣekon.

¹⁴ Ensataskastston tsi iah teiakoien naonsaiesaieristse; entsiesaieritse tsi nentsiontonnhete ne tiakoriȣaieri.

¹⁵ Saiatat tsini kentiokȣa tahatati, ȣahenron: Rotaskat onka ienhanatarake Niio raonakeraserakon.

¹⁶ Tontahenron ne Iesos: Saiatat ȣahatennioten, nok kentiokoȣanen ȣasakohonkaron.

¹⁷ Nok nonen siiakaheȣe taionstskaon, iahotori ne rahonnhatsera asakohnonksa tsiniiakon Sakohonkaraȣi aseken onen akȣekon kaȣeiennentaon.

¹⁸ Akȣa enskat tsi nontahatiiere, taonteraiatakȣe; ȣahenron ne tahatierente: Skennen sanontonnionhek akȣa ok onȣa enkatkensera ne ȣakonȣentsianinon.

¹⁹ Nok ne saiatat ȣahenron, ȣisk niioianeke toiotinakares ȣakenaskȣaninon iatekakonte kati tsi enkheiatenienten, skennen katisanontonnionhek iah oh takiere netho iahke.

²⁰ Sekon ne saiatat ȣahenron nehne: Akȣa onȣar ok ȣakeniakonhonhatie, iah kati takiere netho iake.

²¹ Onenkati saraȣe ne kannhatsera, sahorori ne raiatakȣeniio. Tsi nahosense ne raiatakȣeniio, ȣahenron! ȣas, kanatakonsson oni tsi tekanatokenhaton, sheiatarorokha ne iakotentenion, teionstsarites, teieronȣekon oni, akȣekon kenh nontasheiatenhaf.

²² Tontahenron ne rannhatsera: onen ki ȣakeriȣaieritonhatie, nok ki tanon sekon ionaktote.

²³ Tontahenron, ne Raiatakȣeniio! ȣas ohahakesson, atehonraktontie oni, nok tsiniiakon ensheken akȣa ok tasheiatenhaf, akanonsinn tsi ȣakenonsote.

²⁴ Aseken oriȣiio tsi iah onka tiiaontennhonta nakatennatsera tsinihati kheonkaraȣine.

²⁵ Kentiokoȣanen are ronȣanonteratie: tontahatkarhateni, nok ȣasakaȣenhase.

²⁶ Onkakiok raskaneks naiakenikȣekhene; tanon iah tesakotakȣasȣens, roniha, ronistenha, rone, Sakoienhokonha, rontennosenhokon oni rontatekenhokon iehiohe nakȣa raonha tsi ronnhe, iah onkiatenro teȣatonsere.

²⁷ Nok oni ne iah teiontketasts nakoiasa, iah onkiatenro teȣatonsere nʼiah iihne tentientane.

²⁸ Onka oni tsinitsion ahatenonsonniane, ne iah neh taontahatierentane, ahakaenhion roien onteken tsinikon kariȣanontons iaonstsahate nakȣa iahaȣeiennentane.

²⁹ Tosa neok naontahatasaȣen aontahenstskȣaren nok iah tiiahasa, onen nehne nonkȣeokon enhonȣatentoriatakȣake tsi enhiontkatoseke.

³⁰ Enhiontonheke: Akȣa nehne iehokȣenion naontahatasaȣen nok iah tiiehoson?

³¹ Ok ne ens ne rakora ȣahateriiosere, iah onte kenh neh taontahatierente, ahariȣisake iatekaieri kenh noieri niȣenniaȣehetserasen niionkȣetake iatahoterate ne teȣasen niȣenniaȣehetserasen tahotiokȣine?

³² Tokat iah taonton, ienhoteriȣanietase ki sekonok ihnon hentre, skennen tikenhak.

³³ Eh kati niiot tsinitsion ne iah tenseȣateȣentetane tsini seȣaien; iah ki onkȣatenro teȣatonsere.

³⁴ Iaȣekon ne teioiotsis; nok tanon nenhiotaksenne, oh nahoten entsienenhisatake?

³⁵ Iah othenon teskasta, akȣekon iah teioianere naiakonȣentsiaresenstakȣe; astste tanon ienȣation. Onka teionhontakarontakȣen naionronke, ionronk.