Joshua 12 - Ohiatonhseratokénti

Ne Kí꞉ken Ne Ronhtinontí꞉ios Ne Mahís Shakosénhnion

¹ Nonhkweshón꞉as Nisraerʼró꞉nonhke ó꞉nenk rotiienàhon ó꞉ni ronatiaʼthakweniióston nonhóntsa ne tsitkarahkwí꞉nekens nokwá꞉ti ne Jordan, tsi nió꞉re ne Arnon ahonráhkwakon tsi nieiawé꞉non ne Jordan ahonráhkwakon tánon tsi nió꞉re nothorè꞉ke tionónhte Hermon. Tekanontiiotsérake wahonwatisén꞉ni ne nón꞉we.

² Saiáta né꞉ne Sihon, né꞉ne Amorʼró꞉nons ronhnontí꞉io né꞉ne Heshbon nón꞉we nihotkorastónhne. Ne rahonakeráhsera thóh kárakwe asénhnon ne Gilead: iéhio ne Aroer (né꞉ne tsi ieiò꞉the ne Arnon ahonráhkwakon) tánon thóh nitsawé꞉non ne kanatowá꞉nen kanathaiénthakwe nasénhnon nón꞉we kén꞉ne né꞉tho ahonráhkwakon, kwáh tsi nió꞉re ne Jabbok kaniataratátie, tsi ieiotʼte ne Ammon;

³ thóh nietsawè꞉non ne tsit kaniátaro ne Galilee ne nentiè꞉ne nokwá꞉ti ne Beth Jeshimoth (né꞉ne tsitkarahkwí꞉nekens nokwá꞉ti ne Dead Sea) tánon thóh nietsawè꞉non tsi Tionónthe Pisgah.

⁴ Kwáh ó꞉ni wahonwasén꞉ni ne ronhnonhtí꞉io Og né꞉ne Bashan nón꞉we, rahonhà꞉a khók iatesothaténronhne ne rathikowá꞉nenskwe né꞉ne Rephaim; roʼkorásthonhne ne Ashtaroth nón꞉we tánon ne Edrei.

⁵ Ne rahonhnontiiótshera thóh í꞉kare ne tsi Ionónhte Hermon, Salecah, ó꞉ni ne Bashan kwáh tsi nió꞉re ne tsitkaristhatátie ne Geshur, tánon ne Maacah, kwáh ó꞉ni asénhnon ne Gilead, tsi nió꞉re ne tsi thóh nakerahserá꞉ien ne ronhnonhtí꞉io Sihon né꞉ne Heshbon nón꞉we.

⁶ Kí꞉ken teninonhtiiotsherá꞉ke né꞉ne Mahís ó꞉ni nonhkweshón꞉ʼas Nisraerʼró꞉nonhke ronhwathisénhnion. Mahís né꞉ne Roiá꞉ner rahonhátshera, ne rahononhóntsa ne thashaká꞉wen ne tsi ratiʼthá꞉raien ne Reuben ó꞉ni ne Gad tánon ne satehothitiokwí꞉hen ne Manasseh, né꞉ne ronónha ahontié꞉nawatste.

Ne Kí꞉ken Ne Ronhtinonhtí꞉io Ne Joshua Shakosénhnion

⁷ Ne Joshua tánon nonhkweshón꞉ʼas Nisraerʼró꞉nonke washakotisén꞉ni ratikwé꞉kon ne ronhtinontí꞉ios ne tsi kanakerahserá꞉iens ne tsi iaʼtewatséntos nokwá꞉ti ne Jordan, né꞉ne Baalgad tsiothásawe iéhio nahonráhkwakon ne Lebanon thóh nietsawè꞉non tsi Tionónte ne Halak ne nentiè꞉ne nokwá꞉ti ne Edom. Ne Joshua watenhnaríthe kí꞉ken ohóntsas tsi naʼtehóntere ne rahothitióhkwas tánon thashaká꞉wen ne tsi nénhwe enhonawenhkón꞉weke.

⁸ Kí꞉ken tekahiakhónnion thóh í꞉kare ne tsi hionhniarónhnion kanakerahseraké꞉rons, ne tsi iaʼtewatséntos iononhtaientháseron, ne tsitkarahkwí꞉nekens iononhthakenrehrénions, tánon ne ionakerasheráthens nenhtieʼné꞉sons nokwá꞉ti. Kí꞉ken ionhontsá꞉ien né꞉ne Hitró꞉nons ratiʼterónthakwe, ne Amorʼró꞉nons, ne Canaanites, ne Perizró꞉nons, ne Hivró꞉nons, ó꞉ni ne Jebusites.

⁹ Nonhkweshón꞉ʼas Nisraerʼró꞉nonke washakothisenhniónko ne ronhtinontí꞉ios ne tsi kanathaiéntons: né꞉ne Jericho, Ai (ákta ne Bethel),

¹⁰ Jerusalem, Hebron,

¹¹ Jarmuth, Lachish,

¹² Eglon, Gezer,

¹³ Debir, Geder,

¹⁴ Hormah, Arad,

¹⁵ Libnah, Adullam,

¹⁶ Makkedah, Bethel,

¹⁷ Tappuah, Hepher,

¹⁸ Aphek, Lasharon,

¹⁹ Madon, Hazor,

²⁰ Shimron Meron, Achshaph,

²¹ Taanach, Megiddo,

²² Kedesh, Jokneam (né꞉ne Carmel nónhwe),

²³ Dor (natsat꞉thontse), Goiim (né꞉ne Galilee nónhwe),

²⁴ tánon ne Tirzah—asenh-niwásen-énska nikanontí꞉iotsherake nakwekon.