John 8 - Ohiatonhseratokénti

Satekon-aton nateioteriȣasonterakȣen nʼOriȣatokenti tsini hoiaton Rti San.

¹ NOK ne Iesos tsi tiononte Olivier niiahare.

² Nok akȣa neok satontahentarenho sekon Ononsatokentikoȣane saraȣe akȣekon ok nonkȣeokon ȣahonȣaiatorenne; nok ȣahatien oni Sasakotati.

³ Nok ne ratiiatons oni ne Pharisian etho ȣakonȣaiatheȣe; tsiothonȣisen nehne kariȣaneraakserakon konȣaiena.

⁴ Ȣahonȣenhase: Saianer! Kehiken tsiothonȣisen neh nakȣa ahonnhiserakon konȣaiena, kariȣanerakskȣe kentesera.

⁵ Kenh kati niiot tsi sonkȣariȣatati ne Moïs kaianerenserakon, naiontatenenhioiake netho niiakonnhiseroten: nahoten kati nise ensiron?

⁶ Neok se are ne ronȣaȣennisaks tsi neh rontonhakȣe, nahatiriȣatsenri nahonȣariȣarho. Nok tanon ne Iesos, ȣathastsakete ehtake, nok rasnonsake ȣarate ȣahaiaton onȣentsiake.

⁷ Sekon ok nihonȣariȣanontonni, sahattakȣarisi, ȣasakaȣenhase: Onka tsinitsion nʼiah othenon tehoriȣaneraakseraien, neh thatierent iehonenhionti.

⁸ Nok sekon tonsahatsakete onȣentsiake sahahiaton.

⁹ Neh kati nonen enhonronke neh nikaȣennoten, ȣahontatienterene ne raonerientakon; satiiatatshonha sahatiiakenne, neh taontierente nesenha rotikstenha tsiniiore akȣa iahontsahate; nese ȣaonni, iatonsahaonhahaste ne Iesos tanon nekenh tsiotonȣisen ehto katakȣe

¹⁰ Ethone ne Iesos sahattakȣarisi, nok iah onka nakoren teseshakoken neok ne tsiothonȣisen, ȣarenhase: tsi sathonȣisen, kah niiahonne ne iesariȣarhoskȣe? iah kenh onka teiesariȣenton?

¹¹ Tontakenron; iah onka, Saianer! Nok ne Iesos tontarenhase: iah ki oninii takonriȣente, ȣas, nok tosa saseriȣanerak.

¹² Nok ne Iesos sekon are ionsahatati, ȣahenron: Ii ahosȣathesera tsi ionȣentsiate, iah tahontahokaraȣe nenhaknonteratie, neh tanon tenhosȣatheke ne ionnhe.

¹³ Ethone ne Pharisian ȣahonȣenhase, ȣahonniron: ok ise tisatateriȣanirati; iah tsi satekena naontaiaketakȣe ne sariȣaniratsera.

¹⁴ Iesos tontasakoȣennaȣeron, ȣahenron: etho nehne tsi ok ii tikatateriȣanirati, satekena ki naontaiaketakȣe nakeriȣaniratsera; aseken ȣakaterientare tsiniteȣakenon, tsi oni niiaonkenonhatie; iah tanon nise teseȣaterientare kah niteȣakenon, kah oni ȣake.

¹⁵ Neh nise teseȣaiatoreta tsiniiorihoten noȣaronk: iah tanon onka nii tatekheiatoretta.

¹⁶ Nok ki sane ne takiatorete, iottakȣarision ki nakiatoretatsera: aseken iah teȣakonhaa; neh tanon iakenikȣekonhatie ne Rakeniha, oni neh thakatorion.

¹⁷ Ieiohe eh niiot tsi kaiaton ne Seȣaianerenserakon, tsi satekena naontaiaketakȣe kaȣenniioki ok neh sakat tsi iatrori ne teniiase.

¹⁸ Ii katateriȣanirati, nok oni ne Rakeniha ne thakatorion rakeriȣanirati oni neneh.

¹⁹ Ethone tontahonniron: kah nihenteron ne Ianiha? Iesos tontahariȣaserako: iah teseȣaterientare onka nii, iah oni ne Rakeniha; aseken naskȣaienteri, atsiseȣaienteri ki oni neneh ne Rakeniha.

²⁰ Tsi ieȣistaroroksta nonȣe nontahaȣenninekenne neh nikaȣennotens shisakotatis Ononsatokentikoȣane; iah ki tanon onka tehonȣaiena, netsi areko siieiotenniserihe ne raȣennisera.

²¹ Nok ne Iesos tontasakaȣenhase are. Skatentionhe, nok enskȣaiatisake; nok kitanon seȣariȣaneraakserakon enseȣenheie: tsinonȣe ȣake, iah taeseȣakȣeni iaheseȣaȣe.

²² Rontonhakȣe kati ne Sitaeronon: Raonha onteken enhatateriio, tsi raton; tsinonȣe ȣake, iah taeseȣakȣeni iaheseȣaȣe?

²³ Ethone ȣasakaȣenhase: ehtake nise seȣanakere; nok tanon nii ehneken tkenakere: kentho nise tsion ȣentsiakeronon; iah tanon nii kentho tekonȣentsiakeronon.

²⁴ Nese ȣaonni kȣarori ȣakenh seȣariȣaneraak serakon enseȣaȣentane: aseken ne iah tentiseȣetakȣane tsi ii, seȣariȣaneraakserakon ki enseȣenheie.

²⁵ Ethone tontahonniron: oh nise nasiatoten? nok ne Iesos tontasakaȣenhase: tsi ki niiot tsi kȣarori tsi tiotasaȣe.

²⁶ Eso ȣakeriȣaien nakȣenhase oni nakȣariȣentakȣe; ȣakaterientare ki tanon tsi roriȣatoken ne thakatorion, neh kati tsinahoten tsioni nikon riȣennaronken nehe sekheroris nonkȣeokon.

²⁷ Iah tehotinikonraientaon tsi Roniha roton tsinahoten ȣahenron.

²⁸ Tontahenron kati ne Iesos: tsi nentsiseȣaia takaratate nonkȣe Roienha ethone enseȣatokense tsi ii, tsi iah oni othenon nii teȣakaterienta tsi nikierha, neh tanon katroris tsinahoten ne Rakeniha rakerionnienni.

²⁹ Aseken iakenikȣekonhaties ne thakatorion: iah tehakateȣenteton ne Rakeniha; aseken tiotkon tahonikonriiohonhatie tsini ȣakierenhatie.

³⁰ Kentiokoȣanen tahonȣetakȣe tsinikariȣes rotharakȣe.

³¹ Nok ȣasakaȣenhase ne Iesos tsinihati ne Sitaeronon thonetakȣen ne raonhake: Toka enseȣatienaȣaston nakeȣenna, oriȣiio tsi akitiokȣa enseȣaton:

³² Nok enseȣariȣaienterhane noriȣiio, nok neh noriȣiio enseȣanerensi.

³³ Tontahonniron: ii ne tsi raȣatsiratatie nʼAbraham, nok iah nonȣenton onka teionkhinaskonni; oh kati niiotieren tsi saton; enseȣatnerensi?

³⁴ Iesos tontasakoȣennaȣeron ȣahenron: oriȣiio akȣa oriȣiio tsi kȣaroris: onka kariȣaneren tsini hoierenhaties, kariȣanerenki ahostsenen tsi ronnhe.

³⁵ Iah ȣahi tehenteron onȣe kanonskon ne ranaskȣa; neh ȣahi ne Roienha renteron onȣe.

³⁶ Tokat kati nonȣa nehne Roienha entsiseȣanerensi, oriȣiioonȣeki tsi enseȣatnerensi.

³⁷ Ȣakaterientare tsi Abraham raoȣatsire nise; nok ki sane seȣatenientens naskȣario, ne tsi iah tiiekaientas nakeȣenna ne Seȣerianeson.

³⁸ Neh kȣarori tsinahoten ȣakatkatton Rakenineha; nok oni nise neh seȣaiotaties tsiniseȣatkaton netsiseȣanihneha.

³⁹ Tontahonȣaȣennaȣeron, nok ȣahonniron: Neh nakȣa Abraham sakȣaniha, Iesos tontahenron: Toka nonȣa Abraham etsiseȣaienhokonha akenhake, eh ki oni nise naheseȣaiere tsini hoieren nʼAbraham.

⁴⁰ Kenh tanon nonȣa seȣariȣaiote naskȣario, ii enskat ne konkȣe neok kȣarori noriȣiio neh nakȣa Niiohne teȣakaronken: iah naha eh tehoieren nʼAbraham.

⁴¹ Neh ki hetsiseȣaȣeiennasere ne etsiseȣaniha. Tontahonniron: iah se ok tiionkhiiateȣeton: enskat ionkȣanisen, neh nakȣa nehne Niio.

⁴² Nok tanon tontahenron ne Iesos: Toka nonȣa Niio etsiseȣaniha akenhake, tiakariȣakenniate oriȣiio tsi askȣanoronkȣe, aseken Niiohne teȣakiakenhon, nok raonhake niteȣakenon: aseken iah ok teȣakatennikonra tsi teȣakenon, raonha tanon thakatorion.

⁴³ Oh kati niiotieren tsi iah teseȣanikonraientas tsini keȣennoten? neki tsi iah taeseȣakȣeni naeseȣataonsatate nakeȣenna.

⁴⁴ Neh nakȣa Ranesonronon ne etsiseȣaniha tsinonȣe oni tiseȣaientakon, neh kati oni iseȣere atsiseȣanikonraierite tsini hoskanektseroten ne etsiseȣaniha. Ok onkȣe shiraks tsi tiotasaȣe, iah oni tehokȣenion nahoriȣatokenhake, aseken iah tehoien ne tkariȣaieri. Ne hens nakȣa raȣerientakesson nahanoȣente; aseken ronoȣen, neh oni Ronȣaniha ne kohnoȣen.

⁴⁵ Nok nii nehtsi oriȣiio tsini kȣarori, iah teteskȣetakȣen.

⁴⁶ Onka tsinitsion enhakȣeni ahakeriȣarho ne ka riȣaneren? Nok toka nonȣa oriȣiio tsini kȣarori, ohnihiotieren tsi iah teteskȣetakȣa?

⁴⁷ Onka Niio raonkȣeta ihken, rataonsatasts ki ne Niio raoȣenna, nok nise iah teseȣataonsatasts, neki tsi iah Niio tehaonkȣeta tehken nise.

⁴⁸ Ethone ne Sitaeronon tontahonȣaȣennaȣeron nok ȣahonniron: Iah kenh naha tetionkȣaieriton tsi ionkȣen Samaritan nasiatoten, nok sanesonronontseraien?

⁴⁹ Iesos tontahariȣaserako: iah teȣakenesonronontseraien; Rikonniensta tanon ne Rakeniha, nok nise takȣariȣakenronni.

⁵⁰ Iah othenon tekesaks nii akerensarontsera, tihaiatate nehne rehsaks nok tehaiatoretta.

⁵¹ Oriȣiio, oriȣiio tsi kȣaroris, onka enhakeȣennarakȣe, iah nonȣenton tharenheie.

⁵² Tontahonniron kati ne Sitaeronon: Onen tokenske oriȣiio ȣahationni tsi sanesonronontseraien: Abraham raȣenheion, Rotitokensehakȣe oni, nok saton: onka enhakeȣennarakȣe iah nonȣenton tharenheie.

⁵³ Senha kenh ise tsiatanoron tsiniiot ne Sakȣaniha Abraham nonen raȣenheion? Rotitokensehakȣe oni ronaȣentaon: Onka kati nekenh nise Satatonnis?

⁵⁴ Iesos tontahariȣaserako, ȣahenron: Tokat nonȣa ok ii tatakataterensaron, iah othenon tekastak nakerensarontsera; Rakenihase tehakerensarons, nehne seȣatons neh etsiseȣa Niio akenhake.

⁵⁵ Iah se sane tetsiseȣaienterhaon; nok tanon nii riienteri: nok nakiron iah tehiienteri, eh ki naonkenoȣenseke, tsiki nise niiot: riienteri ki neneh nok riȣennarakȣa oni.

⁵⁶ Abraham etsiseȣaniha, koȣanen tsi rotonnhahere nahattkatto enska nii akennisera; rotkatton katon nok rotsennonnihon.

⁵⁷ Tontahonniron neh nonȣe ne Sitaeronon: areko ȣisk tesoserassen, nok hestsken nʼAbraham!

⁵⁸ Nok ne Iesos tontasakaȣenhase: Oriȣiio oriȣiio tsi kȣaroris ohenton sarennakerate nʼAbraham sikenakere.

⁵⁹ Ethone are onen ȣathatinenhiakȣanion nahonȣaiente; nok tanon ne Iesos ȣahatatasete tontahaiakenhne nʼononsatokentikoȣane, tehatiiatokensson sahatohestste; nok eh niiot tsi sahatenti.