John 6 - Ohiatonhseratokénti

Iaiak-aton nateioteriȣasonterakȣen tsini hoiaton ne Roiatatokenti San.

¹ ETHONE are onen ne Iesos tonsahaiaiake ne Galile tsi kaniatare ne Tiberiad.

² Kentiokoȣanen ronȣanonteratiene; ne tsi iontkatoskȣe ne ioriȣanerakȣatenions tsinisakotierasehakȣe ne iakohnonȣaktanionni.

³ Onontoharake kati niiahare ne Iesos, eh iahatien nok oni ne raotiokȣa.

⁴ Onen thoha siiakaheȣe tsini honentanoronse ne Sitaeronon nehne Shotonnhestston.

⁵ Ȣahatarakestsko ne Iesos, Sahatkatto tsini iotiokȣatsanit ronȣanonteratie ȣahaȣenhase ne Philippe, ȣahenron: kah nonȣe ienteȣanataraninon naiethinonte neh nikentiokȣa?

⁶ Neok nahotenienten tsi neh ȣahenron, aseken roterientarakȣe tsi nenhaiere.

⁷ Tontahenron ne Philippe; ok oni ne tekeni teȣenniaȣe nikakȣenistake aeteȣanataraninonte, sekon ki iah takakȣeni ne ok oni nostonhasonha aiakoniatosere.

⁸ Tihaiatate enskat ne raotiokȣa, nehne Simon Tier iatatekenha André ronȣaiasts, tahenron.

⁹ Kentho ihres raksaa, ȣisk nihonataraien teiotikonstonres tanon tekentsiake: nahoten kati neneh kasta neh nikentiokȣa?

¹⁰ Ȣahenron kati ne Iesos: iestsirori ehtake iontien. Kahentiiohne neh nonȣe; neh nahoten ne ȣisk niȣenniaȣehetserasen niionkȣetake neh nonȣe nahontien.

¹¹ Ȣatrakȣe kati ne Iesos ne kanatarok nok ȣahaiatateriste, ȣasakotiiakonhase ne raotiokȣa tsiniiakon ieterontakȣe; ȣasakohnon oni neneh ne tekentsiake tsinikon teiakotonȣentsioni.

¹² Nok nonen sahakohtane, ȣasakaȣenhase ne raotiokȣa: satsioronko ne iotatenronokonha tosa othenon akaiesha.

¹³ Sahatiroroke kati, nok tekeni iaȣenre niȣatherake ȣakanane tsinikon ȣahotatenre ne ȣisk nikanatarake teiotikonstonres, neh nonen akȣekon siiakotaon.

¹⁴ Tsi ȣaontkatto nonkȣesonha tsi nahaiere ne Iesos, iontonnionskȣe: Oriȣiio tsi neh kehiken ne Rotokense tare onȣentsiake.

¹⁵ Nok tanon ne Iesos roterientaratsion tsi enthonne ienhonȣaiatenhaȣe nahonȣanontiioste, ehren sarete, onontoharake raonhatsiȣa iahatekȣashen.

¹⁶ Nok nonen siiokarasneha tontahonnontastsnente ne raotiokȣa kaniatarakta niiaonne.

¹⁷ Sahontita rahotiniarotakon, nok tonsahatiiaiake Kapernaumke niiaonne; ok eh iahokaraȣe iah tesesakohnonteraon ne Iesos.

¹⁸ Onen oni tontasaȣen ȣatkaȣerakȣe.

¹⁹ Nok tanon nonen neh nahoten nasen niȣasen niȣateniententserake siiehonenon tehonatkarerakȣastonhatie, iahontkatto onekakesson tare ne Iesos, eh niiahaȣenonhatie tsinonȣe nihatihonhiontie; oriȣiio tsi ȣahonateronhienten.

²⁰ Iahenron kati: iise, tosa seȣateronn.

²¹ Oriȣiio tsi sahontsennonni nonen sonsahatita, oksaok oni eh iahonrarho tsi nonȣe niiahonenonha tiene.

²² Nok ne tsi ȣahorhenne, tsiniiakon ne kenh nakaniatarati ieterontakȣe, iakoterientaratsion tsi neok enskat kaniarotaientakȣe ne raotiokȣa shonatitahkȣen nok oni tsi iah teshotiten ne Iesos rononhaa ok ne raotiokȣa teshotiiaiakon.

²³ Nok tanon nonen etho sonsakontkennisa noniarotasonha Tiberiad natontakonne akta tsi nonȣe ne Iesos nihaiatateriston ne ȣisk nikanatarake oni sakononten.

²⁴ Ȣahotinikonraientane tsi iah eh tehaiataratie ne Iesos oni ne raotiokȣa, ok kati neh ȣaontitakȣe netho skaniarotakerontakȣe, nok Kapernaiimke iathonnoiake ronȣaiatisakonhatie ne Iesos.

²⁵ Ȣahonniron nonen siiaonȣaiatatsenri ihsi nakaniatarati: Saianer! katke kentho nitisa?

²⁶ Tontahenron ne Iesos tsi tontasakoȣennaȣeron: Oriȣiio oriȣiio, tsi kȣarori, tsi iah neh teskȣaiatisaktonhaties tsi ȣeseȣatkatto ne ioriȣanerakȣat, neh tanon tsi kȣanataranonten nok oni tsi seȣatahon.

²⁷ Tosa neok seȣaser tsinahoten ne kenheions, neh tanon ne ionnhe onȣe oni iaiakohiatheȣe Karonhiake, neh oni nʼonkȣe Ronȣaienha hentsitsion: Aseken ne Roniha Niio, akȣa raonhake tehonetorarakon ne raonikonra.

²⁸ Tontahonniron: oh kati naiakȣaiere naontasakȣanikonraierite ne Niio?

²⁹ Tontahenron ne Iesos: kenh kaien rariȣanontons ne Niio: ahontatsiseȣeȣetakȣe ne totorion.

³⁰ Tontahonniron: oh nisierha naioriȣanerakȣaton iakȣatkatto, nok entiakȣetakȣe? oh nisaiotenseroten?

³¹ Iakhinihokonkenha Kanataranoron rotinatarakon kahentakekoȣa tsiki niiot tsi kaiaton: Sakonatarononten ne karonhiake nitiotenatarinon.

³² Tontahenron ne Iesos tsi tontasakoȣennaȣeron: Oriȣiio akȣa oriȣiio tsi kȣaroris; iahse karonhiake tethonatarenha ne Moïs ne etsiseȣanataranonten. Rakeniha tanon tokenske etsiseȣanataranontens ne karonhiake nitiaȣenon.

³³ Aseken nehe rahonatarok ne Niio ne karonhiake nithaȣenon, nok sakaonnhests nonkȣe.

³⁴ Tontahonniron kati: Saianer neh ki tiotkon askȣanataranontenseke.

³⁵ Tontahenron ne Iesos: Ii ne ionnhe ne kanatarok, iah nonȣenton tiiahatonkariake nenhakeniahese; iah oni tahonsahoniatathen nentretakȣe nak sennakon.

³⁶ Onen ki sane kȣarori, tsi takȣatkattos, iah ki sane tetiseȣetakȣen.

³⁷ Tsinikon rakaȣis ne Rakeniha, akȣekon enȣakrane, nok iah tahonsahiiatinekenȣe nenhakeniahese:

³⁸ Aseken tsi teȣakastsnenton ne karonhiake, iah neh teteȣakenienton nii akatatenikonraierite neh tanon nahinikonraierite ne thakatennieton.

³⁹ Kenh kati nihonikonroten ne Rakeniha ne thakatennieton: nene tosa othenon aonkatons tsinikon rakaȣi, akȣekon tanon aonsakheionnhete nonen enȣatenniserokten.

⁴⁰ Kenh oni natehotonȣentsioni ne thakatennieton; tsiniiakon enhonȣanoronkȣe entiaketakȣe oni raosennakon ne thotennieton Karonhiake aiontsennonni, nok ensekheionnhete nonaken tsi teȣenniseronte.

⁴¹ Ȣahonerientaksenne ne Sitaeronon tsi ronattonte, ȣahenron: Ii, ne karonhiake nitiotenatarinon.

⁴² Aseken rontonhakȣe: iah kenh naha neh teken ne Sose Roienha akȣekon niietsiteȣaienteri ne roniha oni ne ronistenha? Oh kati naha niiotieren ne raonha tsi raton: karonhiake niteȣakenon?

⁴³ Tontasakoȣennaȣeron ne Iesos, ȣahenron: Tosa sotsi seȣariȣakatat.

⁴⁴ Iah onka takakȣeni aonkiatorenne; ne iah Rakeniha ne oni ne thakatorion taontahoiatatirontane, nok nii enshiionnhete nonen onaken teȣenniseronte.

⁴⁵ Ȣaton tsi rotiiaton ne Rotitokensehakȣe: Niio ne entkaientakȣe tsi enhonȣatirihonnien. Neh kati nonka kiok enhoȣennarakȣen ne Rakeniha, Raonha oni enhorihonnienni, neh tohiken enhakiatorenne.

⁴⁶ Iah ki sane nonȣenton onka nakoren tehoken ne Roniha, neok nakȣa Niione nithaȣenon neh roken ne Roniha.

⁴⁷ Oriȣiio akȣa oriȣiio tsi kȣaroris, onka entretakȣe nʼaksennakon henronnheke onȣe.

⁴⁸ Ii ne kanatarok niakonnhekȣen.

⁴⁹ Seȣasotsera rotinatarakon ne kanataranoron kaentakekoȣa, nok ronahȣentaon.

⁵⁰ Kenh kaien nehne karonhiake nitiotenatarinon; neh neiah terenheionsere onka enhanatarake ne kenh kanatarok.

⁵¹ Ii ne kanatarok ne ionnhe, nehne karonhiake nitiaȣenon; toka onkakiok neh enhanatarake henronnheke onȣe, nok ne kanatarok nenthiion neh nakȣa ii akeȣaronk, neh oni ne kheiaȣire naiakonnhekȣen nonkȣe okon.

⁵² Ronateriȣakȣeksene kati ne Sitaeronon, nok rontonhakȣe; oh ne kenh neneh nenhaiere kehiken nasonkȣanonte ne raoȣaronk?

⁵³ Tontasakaȣenhase ne Iesos: Oriȣiio oriȣiio tsi kȣaroris niah tenseȣaȣarakhe nonkȣe Roienha raoȣaronk, iah oni tenseȣanekirane ne raonekȣensa iah ki taetsionnheke ne tsionhake.

⁵⁴ Onka kiok ihraks nakeȣaronk oni ranekirha nakenekȣensa, roien naronnheke Onȣe, nok enshiionnhete nonaken teȣenniseronte.

⁵⁵ Aseken akȣa oriȣiio tsi kakkȣa nakeȣaronk, nok ienekirata nake nekȣensa.

⁵⁶ Onka enhaȣarake nakeȣaronk oni enhanekira nakenekȣensa nehtohiken tenhiakenikȣekhene.

⁵⁷ Tsikiniiot ne Rakeniha ne takatorion Ronnhe nok raonhake konnhe, eh kati oni nii nenhiionnhete nenhakeȣarake.

⁵⁸ Kenh kaien ne karonhiake nitiotenatarinon, iah eh tekanataroten tsiniiot ne ietsinihokonkenha rotinatarakon tanon ronaȣentaon; nok ne kenh kaien enhronnheke Onȣe neneh nenhanatarake.

⁵⁹ Tsi ionterennaientakȣa nonȣe kehiken neh nihaȣen sissakorionnenni Kapernaiimke.

⁶⁰ Ronentiokoȣanen ne raotiokȣa nahonniron sahatiȣennaronke neh nikaȣennoten: Oriȣiio tsi kaȣennasatste tsinahoten raton.

⁶¹ Roterientaratsion se ne Iesos tsini hotinikonraȣenskȣe ne raotiokȣa ȣasakaȣenhase kati: Seȣariȣaientatenni kati kenh tsinahoten katon?

⁶² Oh kati ne kenh naiaȣenne natsiseȣaken nonkȣe Roienha eh niiaonsare tsi nonȣe thenterontakȣe ne tiotierenton?

⁶³ Kanikonra se iakaonnhests nok noȣaronk iah neneh othenon tekastak: kehiken nikaȣennoten kȣaroris neh nakȣa aoskon kanikonra oni ionnhe.

⁶⁴ Nok sane sekon otiake tsinitsion neh iah tetiseȣetakȣen; aseken ok sihoterientare ne Iesos, onka neiah taontaretakȣe, onka oni ienhotenninon.

⁶⁵ Ȣasakaȣenhase kati: neh ȣahi ȣaonni ȣaken tsi kȣarori: iah onka takakȣeni aonkrane ne iah Rakeniha tenhoȣire.

⁶⁶ Ethone onen kentiokoȣanen tsini hati ne raotiokȣa sahonȣateȣentete nok ehren saonnete.

⁶⁷ Iesos ȣasakaȣenhase ne tekeni iaȣenre Nihati: iah oniken oni nise teseȣere ahonseseȣatenti?

⁶⁸ Simon Tier tahatati, ȣahenron: Saianer! onka aonsaiakhiiateranentakten? ise ishaȣe noȣenna ne ionnhe onȣe.

⁶⁹ Nok tionkȣetakȣen ionkȣaterientare oni tsi ise ne Keristos Niio Roienha.

⁷⁰ Tontahenron ne Iesos: iah kenh naha ii tekȣaiatarakȣen ne tekeni iaȣenre Nitsion? nok sane sekon saiatat akȣa ranessonronon.

⁷¹ Sitas Iskariot rotonhakȣe tsineh ȣahenron, Simon roienha, aseken raonha kenhne nenhotenninon, raiataresane ne tekeni iaȣenre Nihati.