John 5 - Ohiatonhseratokénti

Ȣisk-aton nateioteriȣasonterakȣen tsini hoiaton Roiatatokenti San.

¹ ETHONE are onen ionsakaeȣe tsini honentanoronse ne Sitaeronon Jerusalem niiahare ne Iesos.

² Jerusalem nonȣe, akta tsi iontenaskȣatkerontakȣa teiotinakarontonha, niionaȣerote, nehne Bethesda ratinatonkȣakȣe ne Hebreh neh oni ne ȣisk niionekotentonhakȣe.

³ Kentiokoȣanen etho nonȣe niieiatakerontatiene ne iakohnonȣaktanionni, teieronȣekon, ionstshinokata, nok oni ne iakoiatakenheion neh iakorhare ne taontnekaȣenrie.

⁴ Aseken ȣatoken tsi natekaron tatsnentakȣe raronhiakeronon, nok tenhanekaȣenrie nekenh iohnaȣerote, nokʼsʼ enʼsʼ ne rahente iahatsnente sahaieȣen-taneʼsʼ tsi ok oni nikannroten ahononȣaktanittake.

⁵ Etho saiatat rentakere onen asen niioserasen nok satekon tsinahe sihononȣaktani.

⁶ Ȣahoken ne Iesos eh raiationni, roterientaratsihon oni tsi onen ȣaonnise etho satehoterientakarien, ȣahaȣenhase, ȣahenron: tesatonȣentsioni ken naonsasieȣentane?

⁷ Tontahenron ne rohnonȣaktani: Saianer! iah teȣakonkȣetaien ne iahakiatente tsi ionaȣerote nonen tekanekaȣenrie; nok teionkiataskennies tsiniiore niienhenke, akorens ens iahastsnente.

⁸ Ȣahenron kati ne Iesos: Satkestsko, tesek ne sanakta nok sasatenti.

⁹ Neh nakȣa oksaok sahaieȣentane, nok ȣatrakȣe ne raonakta nok sahatenti; Aȣentatokentike kenhiken ȣenniserate eh nahaȣen.

¹⁰ Ȣahonȣenhase are ne Sitaeronon ne kenh shoieȣentaonhatie, ȣahonniron: iaȣentatokenton nonȣa ȣatiaȣenre nasatketate ne sanakta.

¹¹ Tontahenron, neh ki ne sahaketsiente raton: tesek ne sanakta nok sasatenti.

¹² Ethone sahonȣariȣanontonse, ȣahonniron: Kah nires neneh raton: tesek ne sanakta nok sasatenti?

¹³ Iah tanon tehoterientare onka; aseken ne Iesos ok eh kanenrakon tishotatonton.

¹⁴ Onakenke kati ne Iesos ionsahokon Ononsatokentike, ȣahaȣenhase: onen ȣahi tsi saieȣentaon, tosa kati saseriȣanerak, onȣaʼsʼ enʼsʼ naha senha isinonȣe tsi nensaiataȣen.

¹⁵ Oksaok sasakororiana ne Sitaeronon tsi Iesos ne shotsienton.

¹⁶ Nese ȣahonni ronȣasereskȣe ne Sitaeronon, ronnesakskȣe oni kah naontahatiierate ahonȣario; ne tsi aȣentatokentike rotetsienton.

¹⁷ Nok tanon ne Iesos tontasakoȣennaȣeron, ȣahenron: Iah tehatorishenhe ne Rakeniha tsi roiotatie, eh kati oni nii niiot ȣakiotatie ki.

¹⁸ Onen tanon ne Sitaeronon senha tahonkȣisron tsi ȣathonhionnharikhon, iah neok teioriȣake tsi roiotens naȣentatokentike, neh oni tsi raton. Niio ne Rakeniha akȣa kati eh nithatattasts tsi niiot ne Niio.

¹⁹ Tontasakoȣennaȣeron kati ne Iesos, ȣahenron: Oriȣiio akȣa Oriȣiio tsi kȣaroris: tsi iah othenon tahakȣeni ne Roienha ne raonhaa akenhake, ne iah tatahokanerake ne Roniha othenon nahaiere; aseken tsiki nenhaiere ne Roniha, eh ki nonhaiere ne Roienha.

²⁰ Aseken ne Roniha ronoronkȣa ne Roienha, nok aȣkekon ronatonnihatie tsinihatierha, sekon oni senha ioriȣanerakȣatenions enshorihonnien tsiniiot ne kenh kaien, nese ȣaonni akȣa ise enseȣanerakȣenhaton.

²¹ Tsi ki niiot, tsi sesakaonnhests ne Roniha ne iakaȣenheion, eh ki oni neneh niiot ne Roienha ok tenhanonton onka onsesakaonnhete.

²² Aseken iah onka tatasakoiatorete ne Roniha, oriȣakȣekon tanon nehne Roienha rokȣeniatseraȣi ne tahaiatorete.

²³ Eh naontaȣe akȣekon ahonȣakonnienste ne Roienha, tsi nihonȣakonniensta ne Roniha. Onka iah tehokonniensta ne Roienha iah ki tehokonniensta ne Roniha, aseken raonha thotennieton.

²⁴ Oriȣiio akȣa oriȣiio tsi kȣarori, onka kiok enhataonsatate nakeȣenna entretakȣe oni raosennakon ne thakatorion, roien naronnheke onȣe, iah oni tahorane ne kareȣatatsera, onen ok tanon tehotohestston ne kenheiatne tsinonkȣati tsi iensronnheke onȣe.

²⁵ Oriȣiio akȣa oriȣiio tsi kȣarori, tsi ienȣatenniseriheȣe onen oni ieiohe, tsinonȣe nenhonȣaȣennaronke niakaȣenheion ne Niio Roienha, nok tsiniiakon enhonȣaȣennaronke enhiakonnheke.

²⁶ Aseken tsiniiot ne Roniha roien ne rahonhake tharonnheke, eh ki niiot tsi roȣi ne Roienha ahoientake ne raonhake tharonnheke.

²⁷ Raonha oni rokȣeniatseraȣi ne tasakoiatorete, aseken Onkȣe Roienha.

²⁸ Tosa kati neneh seȣanerako, tsi ienȣatenniseriheȣe tsiniiakon nonȣentsiokon ieiekeron enhonȣaȣennaronke ne Niio Roienha.

²⁹ Nok tsiniiakon entiakoriȣaieriton, neh tentieiakenstakȣe nonȣentsiokon ne Karonhiake iaiontaȣeiate; kenh kaien ne iah tetiakoriȣaieriton neh tentieiakenstakȣe nonȣentsiokon naiontetsirate onȣe.

³⁰ Iah othenon takeriȣakȣeni ne ok ii taontakanonton. Neh tetiatoretakȣa tsiniiot tsi karonkas, nok iottakȣarision nakiatoretatsera; aseken iah neh teksere nakatennikonra, neh tanon rinikonrasere ne Rakeniha thakatorion.

³¹ Nene ok ii akatateriȣaniratiheke, iah othenon tekasta, iah oni teioriȣiio.

³² Tihate tanon ne rakeriȣanirati, ȣakaterientare oni tsi oriȣiio ioteriȣakȣarision tsinihakeriȣanirati.

³³ Ieietsiiatorion tsi itreskȣe ne Saȣatis, thoriȣakȣarision tsi rotrori noriȣiio.

³⁴ Iah sane tekesaks nonkȣe aionkeriȣaniratse, neki ok nise seȣatsennonniat tsi katrori neh nikarihoten.

³⁵ Akȣa neh teskaierontare tsinonkȣa ne Saȣatis, tsiniiot ne kahaseriio oni teiosȣathe, nese oni ȣaonni ȣeseȣaianerase ki nikariȣesha aetsionnharakȣe tsi teiosȣathe ne raosȣathetsera.

³⁶ Senha tanon ii iorihoȣanens ȣakeriȣanirati tsiniiot ne Saȣatis: aseken tsi nikaiotenserotens ne Rakeniha rakkȣeniatseraȣi tsi nakiere, neh kati tsi eh nikierha, neh ȣakeriȣanirati tsi Rakeniha takatorion.

³⁷ Nok oni ne Rakeniha takatorion, akȣa raonha rakeriȣanirati; iah nonȣenton tetsiseȣaȣennaronken, iah oni tetsiseȣakonsaken.

³⁸ Nok iah teseȣaienas ne raoȣenna, aseken iah ki tehsiseȣataonsatati ne thotennieton.

³⁹ Seȣatennikonraren tsi seȣaȣennanotons ne kaiatonseratokenti, nese ȣahi seȣaniahesen aheseȣanatonhase tsiniieiothahinon ne Karonhiake, neh oni kariȣanirasts nakeriȣasonha.

⁴⁰ Iah ki tanon teseȣathontasts niine aeseȣatsenri naetsionnheke onȣe.

⁴¹ Iahse Onkȣene tetekhas nakiatanerakȣatsera.

⁴² Nok ki tanon kȣaienteri; ȣakaterientare oni tsi iah teseȣaien ne Niio raonoronkȣatsera.

⁴³ Rakeniha raosennakon teȣakientakon, nok iah tateskȣarhotonnis; tihaiatate, raonha oni rahotennikonra tsi ahontare, tentsiseȣarhoton neneh.

⁴⁴ Oh nah oni naiaȣenne naonteseȣetakȣe, ise neneok seȣesaks nonkȣesonha akorensarontsera, nok iah neh teseȣesaks ne Niio okʼ raorensarontsera?

⁴⁵ Tosa seȣerhok ii kenh enkȣariȣarho rahohenton ne Rakeniha; kaien onka enhietsiriȣarho, Moïs, nehne seȣarharekȣen, neh entsiseȣariȣarho.

⁴⁶ Aseken natsiseȣaȣennarakȣake ne Moïs, askȣa ȣennarakȣake ki oni nii: aseken ii akatennikonra tsini hoiaton.

⁴⁷ Toka seȣatennoȣentta tsini hoiaton, oh kati naiaȣenne nahonteseȣetakȣe tsini kȣaroris?