John 21 - Ohiatonhseratokénti

Teȣasen enskat iaȣenre teioteriȣasonterakȣen Oriȣatokenti tsini hoiaton Roiatatokenti San.

¹ Sekon are onakenke sasakototasiase ne raotiokȣa, kaniatarakta ne Tiberiade, nok kenh nahaiere tsi ȣasakototasiase.

² Simon Tier, nok Atonȣa Didyme ronȣanatonkȣa tanon Natanael Galile Cana thanakerekȣe, nok Zebede sakoienhokonha, tanon sekon teniiase ne raotiokȣa, enskatne ratiterontakȣe.

³ Simon Tier ȣasakaȣenhase; ȣakariokaȣinehe, tontahonniron: enteȣe ki Ȣahontenti kati, nok kaonȣakon iahontita; iah tanon othenon tohatiskokȣen neneh ȣasontate.

⁴ Nok siiorhenhonhatie nonkati atsiakta eh tontahatane ne Iesos; iah tanon tehonȣaientereon ne raotiokȣa tsi raonha ne Iesos.

⁵ Nok ȣasakaȣenhase ne Iesos: kȣaienhokonha seȣentsiaien kenh ostonha naiehke? tontahonȣaȣennaȣeron, tahonniron: iah.

⁶ Nok sahenron ne Iesos: tsi kaȣeientetakon nakaonȣati seȣaharonti nok onseȣaskoko. Ȣahonaharonti kati, nok iah teshatikȣenieskȣe taontahontihentho nahare, tsini iaȣetoȣanen ȣahotiiena.

⁷ Nese ȣaonni ne Iesos ronoronkȣakȣe, ȣahaȣenhase ne Tier: nehne Roianer tohiken: nok saharonke ne Tier tsi nehne Roianer, sahatekharen aseken rahonekon kenhne tanon tontahatiatannhake, nok kaniatarake iahatatiatonti.

⁸ Nok ne ronatiake kaonȣakon neneh nontahonne, aseken iah ki sotsi kaniatarhe n tiiehonneskȣe neok ne toka tekeni teȣenniaȣe nikaiosake, ronharisere titkentsiahere.

⁹ Nok nonen sonsahontitako ehtiioke, ȣahontkatho iotsiraststokote akȣa otsiroskon nok eh kentsiaronnion oni kanatarok.

¹⁰ Ȣahenron ne Iesos: kaseȣentsienhaf nonȣar ok seȣaskokȣenhatie.

¹¹ Simon Tier eh niiahare nok tahaharatironten, ȣisk iosenserote asen iaȣenre nakȣa ihken kentsioȣanens kontiiaiaratie; saeto sane niiaȣeta kontiiataratiene iah ki tateiotahariakon.

¹² Nok ne Iesos ȣasakaȣenhase: kasene teseȣastskaon nentie. Nok iah onka tsinihati ne raotiokȣa tekakȣenieskȣe ahoriȣanontonse akenron: onka nise? Rotinikonraientas tsi raonha ne Roianer.

¹³ Eh kati nontare ne Iesos, ȣatrakȣe ne kanatarok nok tasakoȣihon, oni ne kentsionk.

¹⁴ Onen neh nasen-aton sonsasakototasiase ne Iesos ne raotiokȣa tsinahe satethotonnheton.

¹⁵ Nok nonen sahatikȣentane, Iesos ȣahaȣenhase ne Simon Tier: Simon Jonas iaienha ihsiken nonȣe niskenoronkȣa tsiniiot ne ronatiake? tontahenron; henh Seȣenniio! saterientare tsi konnoronkȣa. Tontahenron shenont kinio naketsenenhokon teiotinakarontonha oȣira.

¹⁶ Tontahenron sekon: Simon Jonas iaienha, takenoronkȣa ken? tontahenron: henh seȣenniio! saterientare tsi konnoronkȣa. Sahenron shenont kinio naketsenenhokon.

¹⁷ Sekon are sahenron onen neh nasenhaton: Simon Jonas iaienha takenoronkȣaken? ȣahonikonraksen ne Tier tsi asen natontahatnaneta tsi raton: takenoronkȣa ken? tontahenron kati: saianer ise noriȣakȣekon tsienteri, saterientare tsi konnoronkȣa. Tontahenron ne Iesos: shenont kinio naketsenenhokon.

¹⁸ Oriȣiio, oriȣiio tsi konrori: ase sisonnhe satiatannhakskȣe tsi oni nitesenonȣes eh niieheseskȣe; nok nonen ensatiatisa tensateȣeiatate nok akoren enhiaiatannhake eh oni niienhiaiatenhaȣe tsinonȣe iah tiiesanontonnion.

¹⁹ Neh aoriȣa neh ȣahenron nahotokaten tsini ȣenheiontoten ienhrenheiate ne Niio raoriȣake; nok nonen neh sahenron, ȣahaȣenhase: taknonteratie.

²⁰ Nok tsi ȣahatkarhateni ne Tier, iahoken tare ne Iesos ronoronkȣakȣe neh oni ne Iesos rakȣistsake rakonhentakȣe tsini kariȣes tehonastskaon, neh oni ne roriȣanontonni raȣen: Saianer! onka nekenh enhiatenninon?

²¹ Ne kati tsi ȣahoken ne Tier, ȣahoriȣanontonse ne Iesos ȣahenron: Saianer! nok ne kenh kaien oh neneh nenhoiataȣen.

²² Tontahenron ne Iesos: ok takanonton nahenterontake tsiniiore tentke, iah ki neneh othenon tesariȣake? taknonteratie nise.

²³ Ȣateȣateriȣareni neh nikaȣennoten raonatatekenserakon, tsi iah tharenheie ne thohiken. Iah sane tehaȣen ne Iesos iah tarenheie; neok ne: ok takanonton nahenterontake tsiniiore tentke, sariȣake katikenh?

²⁴ Ne thohiken roiaton kehiken nikarihotens oni ratrori, nok ionkȣaterientare tsi ioteriȣakȣarision ne raotroriat.

²⁵ Sekon eso ioriȣake tsini hoieren ne Iesos, neh nakȣa otokenhon akȣekon aontaieiaton iah tekere akakȣeni onteken nonȣentsia aonthaȣa tsini kaiatonserake aieiatonkȣe. Amen!