John 19 - Ohiatonhseratokénti

Tioton aton iaȣenre teioteriȣasonterakȣen Oriȣatokenti tsini hoiaton Roiatatokenti San.

¹ ETHONE onen ne Pilat ȣahatennhane ȣahonȣaiena ne Iesos nok ȣahonȣasokȣaȣesson.

² Nok ne Sotar ohikta ȣahonnonȣarotseronni nok neh ȣahonȣanonȣaroroke, tanon kanetarhon tahonȣaseronniate.

³ Tanon ronȣennihakȣe. Sitaeronon Iesanontiio! ȣatkȣanonȣeraton; nok ok neh ne rahotinnhnia ronȣaientakȣe.

⁴ Sekon are ionsahaiakenne ne Pilat, nok ȣasakaȣenhase: kenh riiatenhaȣi, naeseȣariȣaienterihake tsi iah othenon tekeriȣatsenries nahonnhikon.

⁵ Tontahaiakenne kati ne Iesos ohikta rononȣaroronhatie tanon kanetarhon rotseronniatonhatie. Nok ȣahenron ne Pilat: Neh ne ronkȣe!

⁶ Akȣa neok sahonȣaken ne ratitsihenstakȣeniios oni ratirihton ȣathotihenrete, ronton: teststientannharen! teststientannharen! tontahenron ne Pilat, ise niha hetsiseȣaiena nok tetsiseȣaientannharen; asekon nii, iah othenon tekeriȣatsenries nahonnhikon.

⁷ Tontahonniron ne Sitaeronon; ionkȣaianerenseraien, nok tsini ionkȣaianerenseroten henrenheie: aseken Niio Roienha ratatonnis.

⁸ Pilat sahaȣennaronke neh nikaȣennoten onen senha ȣahoteronhienten.

⁹ Nok ionsahataȣeiate tsi teieiatoretakȣa, nok ȣahaȣenhase ne Iesos: kah nitisenon? iah othenon tate, horiȣaserakȣen ne Iesos.

¹⁰ Nok ȣahenron ne Pilat: iah kenh tataontaskeri ȣaserakȣase? iah kenh tesaterientare tsi ȣakkȣeniatse raien nakatennhane taiesaientannharen, nok oni na onsaiesatkaȣe?

¹¹ Tontaenron ne Iesos: iah se othenon taesakȣeniatseraientake nii kiatatake ne iah ehneken taontaiesaȣi; nese ȣaonni senha koȣanen ronnhikon ne rakatenninon.

¹² Eh nontahatasaȣen ne Pilat ȣahaskennha nahoniakente; nok ne Sitaeronon tehotihenreta ronton: toka hentseniakente kehiken, iah ki tetsiatenro ne Cesar: aseken onka iontenontiiosta iah ki teiatenro ne Cesar.

¹³ Saharonke neh nikaȣennoten ne Pilat. Astste niiahoiatenhaȣe ne Iesos nok ȣahanistskȣaren Anistskȣaratseranoronke, tsinonȣe nikonȣanatonkȣa kenstonrakȣentarhon, nok ne Hebreh Cabbatha.

¹⁴ Onen neh entakta ne ȣentanoron Shotonnhestston, nok neh nahoten iaiak siioȣistahehatie neh sikahaȣi; nok ne Pilat ȣasakaȣenhase ne Sitaeronon: Neh ne Etsiseȣanontiio!

¹⁵ Tontahotihenrete: ehren, ehren ehtsiatenhaȣit! testshientannharen! tontahenron ne Pilat: Tenhiientannharen kenh ne kenh ne Etsiseȣanontiio? tontahonniron ne ratitsihenstoȣanens: iah sekon noiah teionkȣanontiiotseraien neok enskat ne Cesar.

¹⁶ Ethone onen ȣasakotsiakȣarisien ne tahonȣaientannharen, ȣahonȣaiena kati ne Iesos nok iahonȣaiatenhaȣe.

¹⁷ Nok ne Iesos ȣahatiasaketate tsiniiore iaharaȣe tsinonh nikonȣanatonkȣa, Calvaire, nok ne Hebreu Golgotha.

¹⁸ Eh nonȣe nʼathonȣaientannharen, teniiase ȣahonȣariskonte raiataktatie rotiiatenton, nok raonha Iesos asennen nihoiatenton.

¹⁹ Pilat ȣahatennhane ȣaeiatonkȣaieronnistste, kaiasake ȣaharanentakte eh kaiaton kehiken nikaȣennoten: Iesos Nazaretronon Sitaeronon Ronȣanontiio.

²⁰ Nok kentiokoȣanen ne sitaeronon ȣahatiȣennanoton ne ioiatonkȣanentakon, aseken kanatakta ki roiatentonhakȣe ne Iesos, tanon kehiken ioiatonkȣanentakon, Hebreu, Greek tanon Latin kaȣennontakȣen.

²¹ Nese ȣaonni ne sitaeronon ronȣatitsihenstakȣeniios ȣahonȣenhase ne Pilat: tosa siaton: Sitaeronon Ronȣanontiio, neh ki tanon tsinahoten nakȣa raonha raȣen: Ii ionkenontiio ne Sitaeronon.

²² Tontahenron ne Pilat: tsinahoten ȣakkiaton, kaiaton.

²³ Nonen sahatiȣeiennentane ne sotar, ȣahonȣaiatiharen ne Iesos, ȣahatiroroke ne raotseronniat, nok kaieri nathatikhasi skastshon ȣahatiiena, ȣathonnekȣe oni noneh ne raokhare; iah tanon neneh tekanikhon, iatekaieston tsi ionhni tsi ok niions.

²⁴ Nok ȣahonniron; tosa tanon neneh teteȣarit, teȣaȣastotsi tanon nok enhionkȣatokense onka raoȣenk enȣaton. Neh ȣaonni eh nahaȣenne neneh iakaierine tsini kaiaton, tsi ȣaton: ȣahontatiakhonhase nakaȣensonkenha, nok nakekkare ȣahatiȣastotsi neh neh. Eh kati nahatiiere ne sotar.

²⁵ Akta tsi roiatentonhakȣe ne Iesos nikenterontakȣe ne ronistenha, oni ne ronistenha tiatatekenha nene Cleophas rone nok oni ne ȣaritere.

²⁶ Nok ne Iesos ȣahatkatho ne ronistenha, tanon kaiatakta eh ȣahoken ne ronoronkȣakȣe, ȣarenhase ne ronistenha; tsi sathonȣisen, neh kehiken ne ehtsienha!

²⁷ Tanon ionsahaȣenhase ne Nikȣekonne: neh kehiken ne sanistenha, nok eh nontontasaȣen ȣattiatiasete.

²⁸ Ethone kati onen ne Iesos tsi roterientaratsion tsi onen akȣekon ieioieriton, ȣahenron naontakaierite tsini kaiaton: ȣakeniatathens.

²⁹ Nok etho katsetaientakȣe iotsitsiatken ikare. Tekanekakȣake kati ȣahatinekata nok kanakarakenhiate iahonnoharen, eh nahatiiere tsi ȣaonȣanekanonte.

³⁰ Nok nonen sahanekira ne Iesos ne iotsitsiatken, ȣahenron: Onen akȣekon onteȣeiennentane. Nok tahaniarenne, nok ȣahatonniseraton.

³¹ Ne kati kehiken tsi ronentanoronsere ne Sitaeronon, netosa kaiasake ahotiiatentonheke naȣentatokentonke, aseken neh ki ȣentanoronsere ne ȣentanoron, ȣahonȣaneken ne Pilat ne tahonȣatisiniakon, nok ahonsahonȣatiiataniiontako.

³² Eh kati ȣaonneȣe ne Sotar, nok ȣathonȣasiniakon ne tiotierenton roiatenton, nok oni ne saiatat nenskatne rotiiatentonhakȣe.

³³ Nok nonen kenh siiahatiiere tsi roiatenton ne Iesos, ȣahonttoke tsi onen raȣenheion, iah kati tatehonȣasiniakon.

³⁴ Saiatat tanon ne Sotar, asikȣe ȣahohastste ranahatake, onekȣensa kontihente takontiiakenne nok ethone nonekanos.

³⁵ Neh ne rotkatton, neh rotrori, nok satekena naontaiaketakȣe ne raotroriat; neh oni roterientare tsi thariȣaierist tsini hatrori, eh naontaȣe aonteseȣetakȣe.

³⁶ Neh ȣaonni eh nahaȣenseron ne iakaierine tsini kaiaton: iah oni nenskat ne raostiensonha tatakaiakon.

³⁷ Nok sekon oia kaiaton ne ȣaton: enshonȣaken ne ronȣahason.

³⁸ Ethone onen kehiken onakenke, ne Sose Arimatironon, otasetonkeha tsi raiatarakȣe Iesos raotiokȣake aseken sakotsaniskȣe ne sitaeronon, ȣahoneken ne Pilat nahoteȣentetase ne Iesos raoieronta; ȣahoteȣentetase neneh ne Pilat, eh ȣarete nok sahoiatanentasi.

³⁹ Nicodeme oni nehne asonthenne rotkenseronnonne ne Iesos, eh ȣaraȣe, rahaȣinontie ne ȣenhienanorons enskat teȣenniaȣe nikakontserake tsi satekena.

⁴⁰ Ȣatnekȣe kati ne Iesos raoieronta nok oniatarahane ȣatniȣaȣenheke oni ȣatniieste ne ȣenhienakons, tsiki nihotiianerenseroten oni nihotirennhaon ne Sitaeronon nasakotiiatata.

⁴¹ Atehenrakon kenhne tsi nonȣe natehonȣaientannhare, etho oni atehenrakon ioshonȣe onȣar ok sikashonȣison, areko oni onka teiontatiatatahaston.

⁴² Etho kati iahonȣaiatente ne Iesos, neh tsi onen ronentanoronsere ne Sitaeronon oni tsi kaȣeiennentaon kashonȣison.