John 17 - Ohiatonhseratokénti

Tsiatak-aton iaȣenre teioteriȣasonterakȣen Oriȣatokenti tsini hoiaton Roiatatokenti San.

¹ NE nonen saharihokton ne Iesos; Karonhiake iahatkatho, ȣahenron: Rakeni! onen ieiohe; ehtsennoȣanat ne Etsienha, naiasennoȣanate oni nise nʼEtsienha.

² Tsiniiot tsi hetskȣeniatseraȣi nonkȣene, nasakaonnhete onȣe tsiniiakon hetserakȣenni.

³ Kenh kaien enhiakaonnhete onȣe: neh naiakoterientarake tsi sonhaa ok ne Niio, nok ne tetsiatorion, Iesos-Keristos.

⁴ Konsennoȣanaton nonȣentsiake, onen ȣakeriȣaieriton tsini skennhaon.

⁵ Onen kati nonȣa ise tontaksennoȣanat Rakeni! ise tsiatakta teȣakha ne kasenna ohenton saontontonȣentsiatasaȣen.

⁶ Khetokatenni ne Sasenna tsinihati takonkȣetaȣi; ise sonkȣetakenha nok tontakaȣi; nok iesaȣennanoronston.

⁷ Onen oni ronaterientare tsi iseke nitiaȣenon tsinikon takaȣi.

⁸ Aseken sekheȣennaȣi tsinikon takeȣennaȣi, nok rotiiena; thonetakon oni tsi iseke teȣakientakon tsi ise oni teskatorion.

⁹ Kheiaterennaiennis; iah onkȣeokon tekheiaterennaiennis; ne tanon ne tsinihati takonkȣetaȣi, aseken iseki oni sonkȣeta.

¹⁰ Nok tsinikon ȣakien, saȣenk; nok tsinikon saȣenk akaȣenk oni nii, nok rononha enhionksennoȣanate.

¹¹ Nok onen iah onkȣene teskes, nok tanon ne rononha ethonehnehe ronnes; nok nii iseke sake. Seniseratokenti! sheiatanonstat sasennakon, neh kehiken kheton tsinihati ne takonkȣetaȣi, aiaȣens skariȣat ahononnihake tsiki nii niiot tsi ok seteniiata.

¹² Tsinikariȣes iakȣakȣekonhatieskȣe nonkȣene, sasennakon kheiatanonstatonhatieskȣe; kheiatanonstaton ne takonkȣetaȣi; iah oni nenskat tehaȣenheion, neok ne kaiatatonsera roienha neh naontaȣe akaierine tsinikaiaton.

¹³ Nok onen nonȣa iseke sakeȣe, sekon ok onȣentsiake nikes kihiken nonȣa ȣaktare, aiaȣens akatsennonniatserakon ahontonnharen.

¹⁴ Kheiaȣi ne saȣenna, nok ronȣatisȣenhon nonkȣeokon, neh tsi iah onkȣene tehotiia tontieton, tsi ki niiniiot iah onkȣene teȣakiatontieton.

¹⁵ Iah neh tekonnekennitha ne taonsaseiatakȣe nonȣentsiake, seiatanonstat tanon tsini iakokaronniatha.

¹⁶ Iah se tehotinikonranentakon nonȣentsiake tsi ki nii niiot iah teȣakenikonranentakon.

¹⁷ Sheiatatokentist sariȣakȣarisiontserake; saȣenna aonhaa iottakȣarision.

¹⁸ Tsi niiot tsi teskatorion nonkȣene, eh kati oni nii niȣakieren iesekheiatorion onkȣene.

¹⁹ Nok akȣa ok tiȣakatonnhahere ne rononhake, aiaȣens oni ne rononha ateriȣakȣarisiontserakon aontonnhakanonni.

²⁰ Iah rononha ok tekheiaterennaiennis, neh oni tsiniiakon nentiaketakȣe nʼaksennakon tsi ensakohnatati.

²¹ Aiaȣens tiotkon skariȣat ahononnihake, tsi ki niiot, nise Rakeni, iihne nise, nok nii iseke; aiaȣens kati oni ne rohnonha enskat akenhake nʼiihne nok nʼonkȣeokon aontaiaketakȣe tsi ise teskatorion.

²² Nok sekheiaȣi tsiniskaȣi ne kasenna, neh naontaȣe skariȣat ahonnonni tsi ki niiot nii tsi saonkeniriȣat.

²³ Takȣakȣekon, nok nise ii tenikȣekon; aiaȣens enskatne tsi iahatiȣeiennentane, nok nonkȣeokon aieriȣaienterene tsi ise teskatorion, nok shenoronkȣa, tsiki nii niskenoronkȣaon.

²⁴ Rakeni! Kaskaneks ne tsinihati takonkȣetaȣi, ne tsinonȣe nikiteron etho oni neneh ahatiterontake aiakȣakȣekonhake; naontkatho nakiatanerakȣatsera, neh nise takaȣi aseken ok siskehnonȣehon ohenton saontontonȣentsiatasaȣen.

²⁵ Seniseratokenti! iah teiesaientereon nʼonkȣeokon; nok tanon nii konhientereon, nok oni ne rononha thonetakon tsi ise teskatorion.

²⁶ Kherori oni ne Sasenna, nok sekon ensekherori; naontonseke tsinikanonȣetseroten tsi takehnonȣehon neh ahonatienhase, nok oni nii akheiatienhase.