John 14 - Ohiatonhseratokénti

Kaieri-aton iaȣenre teioteriȣasonterakȣen Oriȣatokenti tsini hoiaton Roiatatokenti San.

¹ TOSA teseȣatatenikonrharen tiseȣetakȣen Niiohne, taseȣetakȣenhak kati oni niihne.

² Eso nah kanaktake tkanaktenion ne Rakeniha raononskon, aseken nohia naiotonhake akȣarorike ki; ȣakȣanaktaseronniennire kati,

³ Nok nonen enseȣakatention, enkȣanaktaseronnienni oni, tentke nok ienskȣaiatenhaȣe: nʼetho ki oni nise nonȣe naesehȣenterontake tsinonȣe nenkiterontake.

⁴ Nok seȣaterientare tsi nonȣe sake, seȣahahaienteri oni.

⁵ Atonȣa tahatati, ȣahenron: Saianer! iah othenon teionkȣaterientare kah ȣahse; oh kati naiaȣenne naiakȣahaienterihake.

⁶ Tontahenron ne Iesos: Ii nohaha, oni noriȣiio, oni ne ionnhe: iah onka tiiaonȣe ne Rakenineha nʼiah iihne taontaieientakȣane.

⁷ Neh nenskȣaienterihake, entsiseȣaienterhane ki oni ne Rakeniha; onen ki tanon nonȣa ȣatsiseȣaienterhane, ȣatsiseȣaken oni.

⁸ Philipp tahatati, ȣahenron: Saianer! takȣanatonhas ne Roniha; etho ok natetsionkȣatonȣentsioni.

⁹ Tontahoȣennaȣeron ne Iesos, ȣahenron: Onen nahe siteȣakȣekonhaties nok iah teskȣaienteri! Philipp onka kiok rakken, rokenki ne Rakeniha; oh kati niiotieren tsi saton, takȣanatonhas ne Roniha?

¹⁰ Iah kenh tetisetakȣen tsi iakenikȣekon ne Rakeniha? tsini ioȣennake konrori iah ii teȣakatennikonra; nese ne Rakeniha iakenikȣekon eh nihoteȣeiennisonhonhaties.

¹¹ Tasetakȣenhak tsi iakenikȣekon, teiakenikȣekon oni ne Rakeniha; Toka iah arahona ki neh aontasetakȣe tsini ȣakieranion.

¹² Oriȣiio akȣa oriȣiio tsi ȣakȣarori: nonka enthaȣetakon nʼaksennakon, eh nenhaiere tsi ni ȣakieranion, nok senha sekon ihsinonh tsinenhaiere, aseken rakenineha sake.

¹³ Nok tsi ok nahoten enseȣariȣanonton nʼii aksennakon eh se nenkiere; eh naontaȣe Roienha aharihonni ahonȣasennoȣanate ne Roniha.

¹⁴ Saeto sane niioriȣaha enseȣariȣanonton naksennakon ehki nenkiere.

¹⁵ Toka takȣanoronkȣa seȣateȣeienton ki nakeriȣaokon.

¹⁶ Nok enhineken ne Rakeniha, nok oiah ensetsitsion ne sakohnikonriiosta, neh tiotkon enseȣakȣekonhatieseke.

¹⁷ Noneh Ronikonriioston, nene iah onka tehonȣaienteri nonkȣe; aseken iah ki tehonȣakens, iah oni tehonȣaionteri: hetsiseȣaienteri ki tanon nise; aseken seȣakȣekonhaties, tiotkon oni enseȣakȣekonhatie.

¹⁸ Iah ki taeseȣententane ne kanisera; tentkȣat kenserase.

¹⁹ Onen iah taonsaionnise, iah nonkȣe taonsaionkken; enskȣakenseke ki tanon nise; nok tsinikonnhe etho oni nise nentsionnheke.

²⁰ Etho nonȣe teȣenniserate enseȣatkatho tsi iakenikȣekon ne Rakeniha, nok oni nise tsi teȣakȣekonhatie.

²¹ Onka enhateȣeienton nakeriȣasonha enhariȣaierite oni, neh tohiken rakenoronkȣa; nok ne rakenoronkȣa, enhonoronkȣe ne Rakeniha, enhinoronkȣe oni nii, nok ȣene enhiiatonnien.

²² Jude (iah Iskariot tehken) tahatati ȣahenron: Saianer! oh niiotieren tsi ontionhake ok ȣehne ensatatonni nok iah nonkȣene?

²³ Tontahoȣennaȣeron ne Iesos, nok ȣahenron: nonka rakenoronkȣa enhateȣeienton nakeȣenna, neh enhonoronkȣe ne Rakeniha; nok nii entsiteȣaiatorenne nok raonhake ienteȣatien.

²⁴ Kenh kaien ne iah tehakenoronkȣa, iah honi tehakeȣennanoronkȣa, neh oni ne seȣaȣennaronken nʼiah ii teȣakeȣenna, neh tanon ne Rakeniha ne takatorion.

²⁵ Onen kȣarori neh nikarihoten sekon ok niteȣakȣekonhaties.

²⁶ Nok tanon ne Sakohnikonriiosta, nehne Ronikonriioston, aksennakon enthotenniete ne Rakeniha, akȣekon niientsiseȣarionnien, ensetsiseȣeiarakȣen oni tsini ioriȣake kȣarori.

²⁷ Ȣakion ne skennen, neh oni nakȣa ii akaȣenk ne skennen neh kȣaȣis, iah eh tekierha tsi kȣaȣis tsiniiot nonkȣe tsi iontataȣis. Tosa kati othenon teseȣeriasishonk, tosa oni seȣateronsek.

²⁸ Seȣaronken tsi kȣarori ȣaken. Skatentionhe, nok tentkȣatkensera. Ne naskȣanoronkȣake oriȣiio tsi aeseȣatonnharake tsi katon: Rakenineha sake, aseken senha ki Rakeniha raiatanoron tsi nii niiot.

²⁹ Nok nonȣa onen ok tkȣarori ohenton eh naiaȣenne; toka nah aonteseȣetakȣe nonen ienkaheȣe oni eh nenhiaȣen.

³⁰ Onen thoha aontiake tsi teteȣatharha: aseken tare ne ronȣakoȣanen tsi ionȣentsiate; iah sane othenon tehoriȣake niihne.

³¹ Ne kiok aietokatak nonkȣeokon tsi rinoronkȣa ne Rakeniha, tsi neok oni eh niȣakierenhatie tsinithanonȣes, teseȣatann nok ehren iteȣet ne kenh nonȣe.